Gaskavahkku 16.6.2021
Sámi (Lappi) doronageahčastat almmustuhttojuvvo jorgalussan okte vahkus
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkat almmaiduvadettiin.
Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain (dušše suomagillii)
DBL: COVID-19-boahkuhemiid ovdáneapmi (dušše suomagillii)
Sámi (Lappi) buohccedikšunbiire
(áigedássásaš dieđut d 12.28)
Sámi buohccedikšunbiire lea epidemiija vuođđodásis. Sámi buohccedikšunbiirreCovid-19 dilli lea bisson ráfálažžan maŋemus guokte mánu. Ovttaskas njoammumat leat visot boahtán buohccedikšunbiirre olggobealde. Riikkaviidosaš dilli lea ovdánan ráfálaš guvlui, jođálnuvvan- dehe leavvanmuttus leat dušše guhtta buohccedikšunbiirre.
Guovtti vahku almmaiduvvanlohku (31.5.–13.6.) lea 5,1/100 000 orru.
Ovtta vahku almmaiduvvanlohku (7.6.–13.6.) lea 4,3/100 000 orru.
Dán oktavuođas almmaiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Danin lohku sáhttá spiehkastit DBL statistihkain, main olgobáikegotti olbmot eai lohkkojuvvo.
Doaisttážii eai ođđa njoammumat Roavenjárgga njoammungollosis
Mannan vahku Sámi buohccedikšunbiirre viidodagas gávnnahuvvoje vihtta njoammuma. Koronavirusdeasttat dahkkoje oktiibuot 4196 stuhka. Positiivvalaš bohtosat deastameari ektui ledje 0,12 proseantta.
Dán vahku leat gávnnahuvvon oktiibuot njeallje koronavirusnjoammuma. Njoammumiin golbma laktásit Roavenjárggas mannan vahku gávnnahuvvon njoammungollosii. Okta nohkavaš vahku njoammumiin gávnnahuvvui posiolaš olbmos, gii lea ožžon njoammuma olgoriikkain. Njoammun ii leat gávnnahuvvon Sámi buohccedikšunbiirre viidodagas ja dávdaluvvan olbmot eai maid leat buohccedikšunbiirre viidodagas.
Mannan vahku bearjadaga ja lávvordaga 11.–12.6. gaskkas diibmu 21.00–2.00 Roavenjárggas Half Moon -idjaklubbas guossástallan olbmot leat sáhttán dávdaluvvat koronanjoammumii. Dáhpáhus laktása Roavenjárggas mannan vahku gávnnahuvvon njoammungollosii, man njoammuma dagaheaddji lea Alfa-variánta, oahppáseappot brihttavariánta.
Sámi buohccedikšunbiire infekšuvnnaid duostunovttadat ávžžuha buohkaid namuhuvvon áigge Half Moonis guossástallan olbmuid ohcalit koronadestii hui herkket, vaikko eai dihttolege dávdamearkkat.
Roavenjárggas leat anus golbma destenčuoggá:
Mehiläinen drive in -destenčuokkis bálvala čujuhusas Sairaalakatu 1. Destenčuokkis lea rabas má–be d. 7.30–14.30 ja lá–so d. 8.30–11.30. Áiggi ii dárbbaš várret.
Dearvvašvuohtafitnodaga Terveystalo destenčuokkis lea gávpeguovddáš Revontuli 1. gearddis, sisamannan gávpeguovddáža lulábealde iežas olgouvssas (Repolainen stoahkanbáiki). Koronadesten áigevárrema haga má-di d. 7.20-14, ga-be d. 7.20–13.
Lappica destenčuokkis bálvala visot badjel 7-jahkásaččaid sihke Lappica bargodearvvašvuođa áššehasaid bussestašuvnna šilju gonttes čujuhusas Lapinkävijäntie 2. Bálvalančuokkis lea rabas árggaid diibmu 7.30-15.20. Lappica destenčuoggái galgá boahtit álot áigevárrehusain:
Lappica bargodearvvašvuođa áššehasat sáhttet várret áiggiid destii fierpmis: Lappica elektrovnnalaš áigevárrehus (suomagillii). Earáid, badjel 7-jahkásaččaid koronadeastaáiggi oažžu go čuojaha Lappica telefonbálvalussii 020 692 190 árggaid d. 8–12 gaskkas. Guođe ruovttoluotta čuojahanbivdaga, goas dutnje čuojahuvvo ruovttoluotta ja addojuvvo deastaáigi.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 22: 1 dáhpáhus
Vahkku 23: 5 dáhpáhus
Vahkku 24 (nohkavaš vahkku): 4 dáhpáhusa (16.6. d. 12.28 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 802 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d 13.47)
Oarjebađaeatnama buohccedikšunbiire lea epidemiija vuođđodásis
Čoahkkananráddjehusat jávket – eará koronadorvodoaimmat vel dárbbašlaččat
Mannan vahku Oarjebađaeatnama buohccedikšunbiirre viidodagas gávnnahuvvoje 15 koronavirusnjoammuma, main gávcci ledje iežaset guovllus ja loahppa olgobáikegotti olbmuin. Nohkavaš vahku ođđa njoammumat leat gávnnahuvvon dán rádjái njeallje.
Guovtti vahkku almmaiduvvanlohku Oarjebađaeatnama viidodagas dál lea sulaid 25 čuohteduháha orru guovdu. Buohcceviessodivššus eai leat dál koronabuohccit. Epidemiijadilli lea viidodagas vuođđodásis.
Njoammumiid mearri lea loktanan mannan vahkuid litnásit. Njoammumiin mearkkašahtti oassi lea goitge gávnnahuvvon čađajohtinmátkkis leamaš olgobáikegotti olbmuin dehe karantena siste. Dávdamearkkahis dávdaguoddit orrot dattetge leame muhtin veardde.
Boahkuheami váldin álkidahttá mátkkošteami
Guvllolaš pandemiijabargojoavku ávžžuha visot viidodaga orruid várret boahkuhanáiggi, go dat dat lea boahkuhanortnega mielde vejolaš. Boahkuhangokčevašvuohta ferte ožžojuvvot dárbahassii buori dássái, vai epidemiija sáhttá gávuhuvvot.
Boahkuheami váldin gánnáha, daningo dat álkidahttá maid mátkkošteami. Guovtte háve boahkuhuvvon suopmelaš mátkkošteaddjit sáhttet dán beaivvi rájes rasttildit ráji almmá koronavirusdestema haga. Deasttas, mii dahkkojuvvo ráji nalde, bestojuvvojit maid oktii boahkuhuvvon olbmot, muhto sii šaddet ohcalit koronavirusdestii 72 diimmu geahčen riikii boahtimis. Eará osiid mielde dearvvašvuođa dárkkisteamit, mat dahkkojuvvojit ráji nalde joatkahuvvet Sámi guovlohálddahusvirgedoaimmahaga 15.6.2021 dahkan mearrádusa mielde. (suomagillii)
Duođaštusa ožžojuvvon koronavirusboahkuhemiin oažžu Omakanta-bálvalusas (sámás: Iežasvuorká). Lassidiehtu boahkuhanduođaštusas lea čujuhusas https://www.kanta.fi/koronatodistus (suomagillii).
Ávžžuhusat, mat gusket čoahkkanemiid, leat vuoimmis vel dán vahku
Ávžžuhusat, mat gusket čoahkkanemiid ja álbmotdilálašvuođaid jávket 21.6.2021 rájes Oarjebađaeatnama viidodagas. Nohkavaš vahku lohppii lea vuoimmis ávžžuhus, man mielde sissajiin sáhttet čoahkkanit eanemusat 50 olbmo. Olgosajiin rádji lea 100 olbmo.
Guvllolaš pandemiijabargojoavku ávžžuha garrasit, ahte eará koronadorvodoaimmat (buorre giehtahygieniija, máskkat, dorvogaskkat) doahttaluvvojit ain buot sosiálalaš kontávttain. Riska epidemiijadili vearráneapmái lea ain leame viidodagas.
Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon buohccedikšunbiirre fierbmesiidduide.
Oarjebađaeatnama guvllolaš pandemiijabargojoavku
Lassidieđuid addá: vs. hoavdanjunušdoavttir Petra Portaankorva, t. 040 168 5211
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 22: 12 dáhpáhusa
Vahkku 23: 15 dáhpáhusa
Vahkku 24 (nohkavaš vahkku): 4 dáhpáhusa (16.6. d. 13.47 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 723 dáhpáhusa.
Infekšuvnnaid duostunovttadat