Bearjadat 6.8.2021

• 

• 

• 

Plakáhtagilvvohallama vuoitit leat válljejuvvon! Loga lasi:  

https://koronaturvallinenlappi.fi/julistekilpailu/ (suomagillii)

Sámi (Lappi) koronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkat ilbmudettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)

DBL: Mátkkošteapmi ja koronaviruspandemiija (dušše suomagillii)

Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain

DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(áigedássásaš dieđut d. 14.07)

Sámi buohccedikšunbiire lea epidemiija vuođđodásis.

Guovtti vahku ilbmudanlohku (19.7.–1.8.) lea 68,5/100 000 orru.
Ovtta vahku ilbmudanlohku (26.7.–1.8.) lea 33,4/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Roavenjárgga gávpot sirdása jođálnuvvanmuddui – máskaávžžuhus viidu, gáiddusbarggut ávžžuhuvvojit

Nohkavaš vahku Sámi buohccedikšunbiirre viidodagas leat gávnnahuvvon oktiibuot 83 koronavirusnjoammuma. Dain 61 leat gávnnahuvvon viidodahkii boahtán muorječoaggiin.  

Dieđáhus. Almmustuhtton: 06.08.2021, 13:50
Roavenjárgga gávpot

Heađuštusdili stivrenjoavku čoahkkanii bearjadaga 6.8.2021 ságastallat Roavenjárgga koronaepidemiijadilis.

Heađuštusdili stivrenjoavku gávnnahii, ahte Roavenjárga lea koronavirusepidemiija jođálnuvvanmuttus. Njoammunmearit leat loktanan, ja oasis dáhpáhusain álgoboahtimuš ii sáhte čielggaduvvot. Roavenjárgga ilbmudanlohku lea dál s. 96. Dán vahku Roavenjárggas ledje 80 njoammuma. Jođálnuvvanmuttu kritearat divve juo ovdal muorječoggiin gávnnahuvvon njoammumiid. Vuođđodearvvašvuođa fuolahusa noađuha lassánan čájánasváldin ja guorranbargu sihke njoammuma oažžun olbmuid bagadeapmi ja čuovvun. Buohcceviessodikšumis Roavenjárggas lea doaisttážii ovttaskas buohccit. Eará Sápmi (Lappi) seailu epidemiija vuođđomuttus. 

Jođálnuvvanmuddui sirdáseami dihte heađuštusdili stivrenjoavku mearridii čuovvovaš ávžžuhusain:

• Máskaávžžuhus viiddiduvvo buot bargosajiide visiirra sissajiin.  
• Máskaávžžuhus viiddiduvvo gustot vuođđoskuvllaid bargoveaga. Nuppi dási oahppolágádusain ja allaskuvllain máskaávžžuhus leat juo vuoimmis sihke stuđeanttain ja bargoveagas.
• Árrabajásgeassimis bargoveahka ávžžuhuvvo atnit máskka dehe visiirra nu ahte mánáid vuorrováikkuhusdárbbut váldojuvvojit vuhtii. Fuolaheaddji galgá atnit máskka lihkadettiin árabajásgeassinovttadaga sissajiin.  
• Gáiddusbarganávžžuhus addojuvvo buot bargosajiide ja bargguide, main dat lea vejolaš.
• Álbmotdáhpáhusaid lágideaddjit ja álbmogii rabas sajiid ovddasvástádusbealit muittuhuvvojit ráddjema doaibmabijuin njoammudávdalága 58 c § mielde, main eiseválddiin leat geatnegasvuohta fuolahit.

Doaisttážii Roavenjárggas áiggeádjedoaibma dehe álbmotdáhpáhusaid dehe almmolaš čoahkkanemiid olmmošmearit eai ráddjejuvvo.

Dearvvašvuođa dorvvolašvuođas ferte fuolahuvvot

Roavenjárgga gávpot ja Sámi buohccedikšunbiire muittuhit juohkehačča ovddasvástádusas fuolahit iežaset buohta dearvvašvuođa dorvvolašvuođas:

• Máska ávžžuhuvvo atnit almmolaš sissajiin, almmolaš johtolagas, bargosajiin sihke nuppi dási oahppolágádusain ja allaskuvllain.
• Dorvogaskkain sihke giehta- ja gossanhygieniijas galgá ain fuolahuvvot.
• Koronadestii galgá ohcaluvvot earenoamáš vuollegis lasáin.
• Arvvosnuhttit daid, geat eai leat vel boahkuhuvvon, ohcalit aktiivvalaččat koronaboahkuheapmái. Boahkuheapmi suddje hui duođalaš dávddas, ja dainna sáhttá gohccojuvvot epidemiija leavvan sihke dás maŋás geahpiduvvot ráddjehusat.
• Dearvvašvuođa dorvvolašvuođa rávvagiid lea dehálaš muitit maid idjaeallimis ja olgun olmmošálbmogis.

Dearvvaš 12–15-jahkásaččaid boahkuheamit álget boahtte vahku loahpas
Stáhtaráđđi lea mearridan 5.8. viiddida koronaboahkuhemiid maid dearvvaš 12–15-jahkásaččaide. Gávpot álggaha riskajovkui gullomeahttun 12–15-jahkásaččaid boahkuhemiid boahtte vahku loahpas. Gávpot dieđiha dáin sierra boahtte vahku álggus.

Destemii vuollegis lasáin

Gávpot háliida muittuhit, ahte destemii gánnáha ain ohcaluvvot hui vuollegis lasáin. Roavenjárggas leat golbma koronadeastabáikki: Mehiläinen drive in -destenčuokkis, Terveystalo destenčuokkis sihke Lappica destenčuokkis. Spiehkastatlaččat Terveystalo destenčuokkis Revontulikeskus (Guovssahasguovddáš) lea rabas maid boahtte vahkuloahpa.  

Mehiläinen drive in -destenčuokkis, Sairaalakatu 1 má–be d 7.30–14.30
lá–so d. 8.30–15.30

Dearvvašvuohtafitnodaga Terveystalo destenčuokkis, Gávpeguovddáš Revontuli, 1. gearddis, lulligeahči má–be d. 7.20–13
Spiehkastatlaš rabasáigi: lá–so 7.–8.8. d. 7.20–13.

Lappica destenčuokkis (dušše áiggevárremiin), Lapinkävijäntie 2 má–du d. 7.30–15.30
be d. 7.30–14.30

Destenáiggit ja -báikkit lassidieđuidisguin gávnnat maid gávpoga fierbmesiidduin: https://www.rovaniemi.fi/Poikkeustilanne/Koronavirus/Koronavirustestaus (suomagillii)

Lassidiehtu: Paula Reponen, hálddahusnjunušdoavttir, paula.reponen@rovaniemi.fi, tel. 0400607238

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 29: 41 dáhpáhusa

Vahkku  30: 40 dáhpáhusa

Vahkku 31 (nohkavaš vahkku): 83 dáhpáhusa (6.8. d. 14.07 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1046 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(áigedássásaš dieđut d. 10.56)

Oarjebađaeatnama buohccedikšunbiire lea epidemiija vuođđodásis

Njoammumat levvet dál joavkodáhpáhusain – njoammunriska sáhttá fuopmášahtti ládje unniduvvot fuolahettiin giehtahygieniijas, gokčevaš dorvogaskkain ja muohtomáskka geavahemiin

Oarjebađaeatnama buohccedikšunbiirres leat gávnnahuvvon ievttá rájes golbma ođđa koronavirusdáhpáhusa. Dán vahku leat leamaš oktiibuot 20 njoammuma.

Oba pandemiija áigge viidodagas leat gávnnahuvvon oktiibuot 799 njoammuma, mas lea mielde  rádjedesten.

Ikte gávnnahuvvon joavkodávdaluvvamiid čielggadeapmi lea velnai muhtin muddui gaskan. Dán rádjái sulaid 150 olbmo leat dáin dávdaluvvan koronavirusii ja biddjojuvvon karantenii.

Joavkodávdaluvvamiin okta lea Giemas dáhpáhuvvan dávdaluvvan Ammattiopisto Lappias. Durdnosis dávdaluvvamat leat dáhpáhuvvan dievdduid spábbačiekčama ovddastusspealuin ja mánáid jiekŋaskearroleairras. Dasa lassin okta joavkodávdaluvvan laktása gonagasdolvviide.

Ovttaskas njoammumat leat viidodagas gávnnahuvvon maid laktásettiin Qstockii.

Maiddái eará báikkiin Suomas joavkodáhpáhusat oidnojit áhpálaččat njoammumiid leavvamis. Iežas njoammunriskka dáhpáhusaid oassálasttedettiin sáhttá dovdomassii unnidit nu ahte fuolaha giehtahygieniijas, gokčevaš dorvogaskkain ja geavahettiin muohtamáskka. Dáhpáhusaide ii maid galgga mannat dávdamearkalažžan, muhto litna dávdamearkkainnai galgá mannat koronavirusdestii. Koronavirusdávda sáhttá dábálaš vuoiŋŋahatdávdamearkkaid lassin dihttot maid čoavjedávdan (ee. luhčadávdan).

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 29: 25 dáhpáhusa

Vahkku 30: 10 dáhpáhusa

Vahkku 31 (nohkavaš vahkku): 20 dáhpáhusa (6.8. d. 10.56 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 799 dáhpáhusa.  

Infekšuvnnaid duostunovttadat