Disdat/maŋŋebárga 29.12.2020
Sámi (Lappi) koronageahčastat almmustuhttojuvvo jorgalussan okte vahkus. Koronadorvvolaš Sápmi (Lappi) lea dál maid Facebookas. Mii leat álggahan Gaskkus-kampánnja máŋgga medias koronadorvvolašvuođas muittuheami várás.
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
Sámi (Lappi) buohccedikšunbiire
(áigedássásaš dieđut d. 13.53)
Guovtti vahku almmáiduvvanlohku (vahkut 51 ja 52) lea 24,0/100 000 orru.
Mannan vahku oasis (vahkku 52) almmáiduvvanlohku lea 11,1/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Sámi buohccedikšunbiirres gávnnahuvvonje juovlavahku 13 dáhpáhusa
Juovlavahku (vahkku 52) gávnnahuvvoje oktiibuot 13 koronavirusdáhpáhusa. Nohkavaš vahku ii leat dán rádjái dihtton oktage ođđa dáhpáhus.
Vahku 52 Sámi buohccedikšunbiirre viidodagas dahkkojuvvoje oktiibuot 2120 koronavirusdeastta, main antigenadeasttat ledje 699. Juohke goalmmát (33 %) dahkkojuvvon deasttain lei nappo hoahppoantigenadeasta. Positiivvalaččaid oassi čájánasain lei 0,61 proseantta.
Deasttaide lea juovllaid áigge ohcaluvvon herkket ja dorvvolašvuođa rávvagat leat doahttaluvvon bures. Infekšuvnnaid duostunovttadat sávvá, ahte seammalágán ovddasvásttolašvuohta joatkahuvvá maid ođđajagi áiggiid. Ođđajahki gánnáha ávvuduvvot iežas bearraša siste nu ahte dorvvolašvuođa rávvagat doahttaluvvojit.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 51: 15 dáhpáhusa
Vahkku 52: 13 dáhpáhusa
Vahkku 53 (nohkavaš vahkku): 0 dáhpáhusa (29.12. d. 13.53 rádjái)
Buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 401 dáhpáhusa. Lohkui gullet maid olgobáikegotti olbmot.
Infekšuvnnaid duostunossodat
***
Oarjebađaeatnama buohccedikšunbiire
(áigedássásaš dieđut d. 9.22)
Koronavirusdilli lea Oarjebađaeatnamis ain jođálnuvvanmuttus.
Dilli lea vearráneame Oarjebađaeatnamis
Juovlavahku Oarjebađaeatnamis gávnnahuvvoje oktiibuot 14 koronavirusdáhpáhusa. Buohccedikšunbiirre viidodagas epidemiijadilli lea jođánit hedjoneame. Nohkavaš vahku leat gávnnahuvvon ovcci ođđa koronavirusdáhpáhusa. Njoammungollosa čielggadeapmi lea dain ain gaskan. Njoammumiin 80 % leat Durdnosis.
Koronadilli lea hedjonan maid Háhpáránddis, gos mannan vahku (vahkku 52) gávnnahuvvui guovttegeardán dáhpáhusmearri ovddit vahku ektui. Dáhpáhusat ledje mannan vahku oktiibuot 19.
Maŋemus vahku áigge gávnnahuvvon dáhpáhusain máŋga njoammungollosa mannet ovddas ruoktot ráji rastá. Rádjegielddaid orruid gánnáha geahččat ovdasis mii dahkamušaid ráji rastá lea vealtameahttun go epidemiijadilli vearrána.
Virus njoammu maid dávdamearkkahis olbmuid bakte, nu ahte áidna vuohki unnidit guovllu njoammumiid lea sosiála kontávttaid unnideapmi. Guossástallamiid ja galledemiid gánnáha dálá dilis garvit ja ođđajahki gánnáha ávvuduvvot iežas bearraša searvvis almmá olggobeale kontávttaid haga.
Olbmot gánnáhit ollašuhttit vealtameahttun sosiála kontávttaid nu ahte fuolahit dorvogaskkain ja geavahit muohtomáskka.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 51: 10 dáhpáhusa
Vahkku 52: 14 dáhpáhusa
Vahkku 53 (nohkavaš vahkku): 9 dáhpáhusa (29.12. d. 9.22 rádjái)
Buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 354 dáhpáhusa.
Infekšuvnnaid duostunossodat