Duorastat 11.11.2021

Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.

Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(dieđut 11.11. diibmu 13.42)

Sámi buohccedikšunbiire lea epidemiija vuođđodásis.

Guovtti vahku ilbmudanlohku (25.10.–7.11.) lea 44,5/100 000 orru.
Ovtta vahku ilbmudanlohku (1.–7.11.) lea 17,1/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Muoná dávdačoahkki viidu ain

Nohkavaš vahku Sámi buohccedikšunbiirre viidodagas leat gávnnahuvvon oktiibuot 21 koronavirusnjoammuma. Muonás lea gávnnahuvvon dávdačoahkki, mas lea dál 11 njoammuma. Muđuid nohkavaš vahku dáhpáhusain njoammumat leat ožžojuvvon eanas buohccedikšunbiirre olggobealde.

Mannan vahku (vahkku 44) Sámi buohccedikšunbiirre viidodagas gávnnahuvvoje oktiibuot 21 koronanjoammuma. Mannan vahku viidodagas dahkkoje oktiibuot 2112 koronavirusdeastta ja dain hoahppoantigenadeasttat ledje 1846. Positiivvalaččaid oassi dahkkojuvvon deasttain lei 0,95 proseantta.

Sámi buohccedikšunbiire viidodaga olbmuin ovtta boahkuheami leat ožžon 8.11. rádjái 75,9 proseantta ja goappašiid boahkuhanaddosiid leat ožžon 70,8 proseantta. Oba Suoma álbmogis 1. boahkuhanaddosa leat ožžon 75,6 proseantta ja guokte addosa leat ožžon 70,3 proseantta.

8.11. rádjái Sámi buohccedikšunbiirre álbmogis 1. boahkuheami ožžon ledje 75,9 proseantta ja guokte boahkuheami ožžon 70,8 proseantta. Oba Suoma álbmogis 1. boahkuheami ožžon ledje 75,6 proseantta ja guokte boahkuheami ožžon ledje 70,3 proseantta.

Logahallan dávdaluvvanbáikkiin maŋemus guovtti vahku áigge (áigeguovdilaston duorastaga 11.11.)

• du 28.10. K-Supermarket Gávpetorga diibmu 8.30–9.00
• du 28.10. Prisma, Roavenjárga diibmu 19.15–19.45
• be 29.10. Prisma Roavenjárga 9.30–10.30
• be 29.10. Minimani Roavenjárga diibmu 11.00–11.30
• be 29.10. Roavenjárgga bolesstašuvnna bássa- ja lohpeáššit diibmu 11–11.30
• be–lá 29.–30.10. Oliver’s Corner Irish Pub, Roavenjárga diibmu 22–04
• lá 30.10. Sokos, Roavenjárga diibmu 10.35–11.00
• lá 30.10. Kotipizza Pohjolankatu, Roavenjárga diibmu 18.30–19.45
• lá 30.10. Scanburger (Koskikatu), Roavenjárga diibmu 04–05
• lá 30.10. Santa´s Pizza & Burger, Roavenjárga diibmu 16–17
• lá 30.10. Restauráŋŋa Comico, Roavenjárga diibmu 16–18
• lá 30.10. Roavenjárgga Stašuvdnarestauráŋŋa sullii diibmu 19.30–20
• lá 30.10. Uitto Pub, Roavenjárga diibmu 21–23
• lá–so 30.–31.10. Oliver’s Corner Irish Pub, Roavenjárga diibmu 23–04
• so 31.10. Kotipizza Koskikatu, Roavenjárga diibmu 04–05
• so 31.10. Prisma, Roavenjárga diibmu 11.45–12.15
• so 31.10. Shell Roavenjárga Erottaja sullii diibmu 15–16
• so 31.10. Prisma, Roavenjárga diibmu 16–17
• má 1.11. Ruokahuone Mariza, Roavenjárga diibmu 10–14
• di 2.11. Minimani Roavenjárga diibmu 17–18
• lá 6.11. Koivumaa Erä sarvvaboradandoalut, Vihreä Pysäkki, Pello diibmu 14-17
• di 9.11. SPR Kontti, Roavenjárga sullii diibmu 16.30–17 (ođđa)
• di 9.11. Prisma, Roavenjárga diibmu 17–18 (ođđa)
• ga 10.11. Vintikki, Roavenjárga sullii diibmu 10–10.15 (ođđa)

Dáin báikkiin namuhuvvon áiggiid galledeaddjit ávžžuhuvvojit čuovvut iežaset veaju ja ohcalit destii, juos unnánašge infekšuvnna dávdamearkkat ilbmudit.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 43: 32 dáhpáhusa
Vahkku 44: 21 dáhpáhusa
Vahkku 45 (nohkavaš vahkku): 24 dáhpáhusa (11.11. diibmu 13.42 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1662 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(dieđut 10.11. diibmu 12.41)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija leavvanmuttus.

Oarjebađaeanan sirdása leavvanmuddui – ráddjehusat boahtime atnui

Mannan vahku Oarjebađaeatnama buohccedikšunbiirre viidodagas gávnnahuvvoje oktiibuot 84 koronavirusnjoammuma. Vaikko njoammumiid guorran doaibmá viidodagas velnai bures, de mannan vahku njoammumiid gálduin viđadas bázii čilgekeahttá.  

Buohccedikšunbiirre viidodagas leat gávnnahuvvon nohkavaš vahku gaskavahku iđđesbeaivve rádjái juo 27 ođđa njoammuma. Guovtti vahku ilbmudanlohkuleaOarjebađaeatnama viidodagas dál sullii 220 čuođiduháha orru guovdu. Njoammumat leat gávnnahuvvon maid guovtte háve boahkuhuvvon olbmuin.  

Buohcceviessodikšumis lea dál muhtin koronabuohcci, muhto beaktodikšumii ii leat dárbbahuvvon dorvvastit. Koronabuohccit leat divššus maid dearvvašvuohtaguovddážiid seaŋgaossodagain.

Guovllu epidemiijadilli lea váttásnuvvan mannan vahkuid johtilit. Njoammuma guorran lea juo badjelmeare noađuhuvvan, ja juos dilli vearrána vel dás, várran lea maid buohccedikšuma badjelmeare noađuhuvvan. Guvllolaš pandemiijabargojoavku gávnnahii, ahte Oarjebađaeanan sirdása epidemiija leavvanmuddui.   

Gielddat mearridit ráddjehusain

Oarjebađaeatnama viidodagas leat gávnnahuvvon restauráŋŋain vuolgán njoammungollosa, mat leat dolvon maid buohcceviessodikšumii. Dán dihte guvllolaš pandemiijabargojoavku doarjala stáhtaráđđái ja árvala oba guvlui restauráŋŋaráddjehusaid. Koronabássain ovdamearkka dihte restauráŋŋain ja idjaklubbain livččii vejolaš fitnat ráddjehusain fuolakeahttá.

Guvllolaš pandemiijabargojoavku ávžžuha gielddaid gáržžidit almmolaš čoakkámiidda ja álbmotdilálašvuođaide oassálastima. Gielddat mearridit aitosaš čoahkkanangáržžidemiin, ja dat bohtet vuoibmái, go dat leat gieđahallojuvvon gielddaid mearrádusdahkama olis.

Visot koronadorvodoaimmat – buorre giehtahygieniija, dorvogaskkat ja máskka geavaheapmi – leat ein áigeguovdilat. Nu boahkuhuvvon go boahkutkeahtes olbmot galggale doahttalit daid. Oarjebađaeatnama gustojeaddji koronaávžžuhusat ja -ráddjehusat leat čohkkejuvvon buohccedikšunbiirre fierbmesiidduide.

Boahkuhangokčevašvuođa hárrái Oarjebađaeatnama guovlu lea bázahallan eará Suomas. Guokte boahkuheami leat ožžon 78,3 proseantta buohkain badjel 12-jahkásaččain. Boahkuhanávnnas suddje bures earenoamážit koronavirusa dagahan duođalaš dávdahámiin.  

Boahkuhanáiggit leat bures oažžunsajis gielddain. Oassi gielddain ordnejit pop-up –boahkuhandáhpáhusaid, main boahkuhuvvojit maid olgobáikegotti olbmot. Gielddat dieđihit boahkuhanáiggis iežaset fierbmesiidduin.   

Oarjebađaeatnama guvllolaš pandemiijabargojoavku

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 43: 60 dáhpáhusa
Vahkku 44: 84 dáhpáhusa
Vahkku 45 (nohkavaš vahkku): 27 dáhpáhusa (10.11. diibmu 12.41 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1304 dáhpáhusa.

Infekšuvnnaid duostunovttadat

• 

• 

•