Duorastat 11.3.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 12.29)
COVID-19-dilli lea riikkaviidosaččat hedjonan. Eanas buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres lea manname epidemiija jođálnuvvanmuddu.
Guovtti vahku almmáiduvvanlohku (vahkut 8 ja 9) lea 59/100 000 orru.
Ovtta vahku almmáiduvvanlohku, vahku 9 oasis lea 24/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Levis lea fuomášuvvon, ahte njoammumat, mat laktásit turismii, suotnjarastet idjadan- ja restauráŋŋasuorggi bargiide – bargit destejuvvojit dál njoammumiid dihte
Nohkavaš vahku leat gávnnahuvvon oktiibuot 16 njoammuma. Stuora oassi njoammumiin laktásit Gihttela Levii ja eanas dain leat gávnnahuvvon Levis idjadan- ja restauráŋŋasuorggi bargiin. Levis idjadan- ja restauráŋŋasuorggi bargiide lea dán dihte mearriduvvon čuozihuvvon koronavirusdesten.
Sámi guovlohálddahusdoaimmahat lea addán mearrádusa sajiid dorvvolaš anus áigemearrái 8.3. – 28.3.2021. Mearrádusain Sámi guovlohálddahusdoaimmahat geatnegahttá doibmiid váfistit, ahte áššehasaide ja doibmii oassálastiide dárkkuhuvvon sajiid olbmot eai šatta gaskaneaset lagaskontáktii. Mearrádus vuođđuduvvá njoammundávdalága paragráfii 58 d.
Sámi guovlohálddahusdoaimmahaga mearrádus 4.3.2021 (suomagillii)
Dearvvašvuođa ja buresbirgejumi lágádus: AstraZeneca koronaboahkuhanávdnasiin sáhttet boahkuhuvvot maid ahkeolbmot – boahkuheamit čuozihuvvojit dás maŋás badjel 70-jahkásaččaide
AstraZeneca Covid-19 koronavirusboahkuhanávnnas lea gávnnahuvvon ábasin maid badjel 70-jahkásaččaide. Dán dihte Dearvvašvuođa ja buresbirgejumi lágádus lea ráhkadan ođđa rávvagiid boahkuhanortnegis. Boahkuheamit čuozihuvvojit dás maŋás agi vuođul vuohččan badjel 70-jahkásaččaide, ceahkkálastin lea alimus agis vulos guvlui. Go visot badjel 70 jagi deavdán olbmot leat boahkuhuvvon, de jotkojuvvojit riskajovkui gullevaš vuollel 70-jahkásaččaid boahkuheamit.
Sámi buohccedikšunbiirre viidodagas dollojuvvojit vuoimmis juo addojuvvon boahkuhanáiggit, mat leat addojuvvon vuollel 70-jahkásaččaide riskajovkui gullama vuođul. Dás maŋás ođđa áiggit addojuvvojit agi vuođul ceahkkálasttedettiin boarrásepmosis nuoramussii 70 jagi agi rádjái, man maŋŋel sáhttet jotkojuvvot vuollel 70-jahkásaččaid riskajovkui gullevaččaid boahkuheamit.
Brihttavariánta lassána: ale dávdaluhte earáid, muhto ohcal destii dakkaviđe go unna dávdamearkkažat ihtet ja biso eaktodáhtolaš karantenas deastabohtosa válmmasnuvvama rádjái
(8.3.2021) Badjelaš guovtti vahku áigge Sámi buohccedikšunbiirre viidodagas gávnnahuvvon positiiva čájánasain oktanuppelohkái čájánassii dahkkojuvvui dárkilit analysa. Gávcci čájánasas gávdnui koronavirusa brihttavariánta.
Dál, go ain hearkkibut viidáneaddji koronavirusa brihttavariánta lea lassánan, galgá deasttaide ohcalit velnai vuollegit šielmmáin. Go unnanašge dávdamearkkat ihtet, de galgá ohcaluvvot destii dakkaviđe ja bissu karantenalágán diliin sihke destii beassama ja bohtosa válmmasnuvvama vuorddašettiin.
Dearvvašvuođa dorvvolašvuođa doaibmamálle Supmii boahtti mátkkošteddjiide Sámi buohccedikšunbiirre viidodagas
Stáhtaráđi mearrádusa mielde riikii boahtima ráddjehusat leat čavgejuvvon Suomas. Sámi guovlohálddahusdoaimmahat attii 26.2.2021 mearrádusa guovllu gielddaide ja buohccedikšunbiirriide, ahte Covid19-njoammumiid leavvama eastadeami várás galgá juohke riikii boahtti oahpistuvvot dearvvašvuođa dárkkisteapmái Sámi (Lappi) rádjerasttildanbáikkiin.
Sámi buohccedikšunbiire ja Sámi (Lappi) gielddaid (Salla, Anár, Ohcejohka, Eanodat, Muonio, Gihttel, Pello ja Roavenjárga) dearvvašvuohtaeiseválddit leat mearridan váldit atnui doaibmamálle mátkkošteddjiid oahpisteami várás dearvvašvuođa dárkkisteapmái.
Doaibmamállii gullá maid riikii boahtima olis dearvvašvuođa diehtoskovvi, mii addojuvvo mátkkošteaddji deavdima várás ja mii čoggojuvvo dearvvašvuohtaeiseválddiide. Dearvvašvuođa diehtoskovi mielde eiseválddit sáhttet leat maŋŋel oktavuođas mátkkošteaddjái vejolaš koronadestema ordnema várás.
Mátkkošteaddjit eai oahpistuvvo dearvvašvuođa dárkkisteapmái, juos
- mátkkošteaddji sáhttá čájehit negatiiva bohtosa eanemusat 72 diimmu ovdal riikii boahtima váldojuvvon koronavirusdeasttas (PCR- dehe antigenadeasta) dehe
- mátkkošteaddjis lea luohtehahtti duođaštus maŋemus 6 mánu áigge buhccojuvvon COVID-19-infekšuvnnas dehe
- mátkkošteaddjis lea vuollel 7 jándora boares dearvvašvuohtaeiseválddi addin negatiiva koronavirusdeastta duođaštus dehe
- mátkkošteaddji lea logistihkka- ja fievrridansuorggi ovddasteaddji
Doaibmamálle ollašuhttin dáhpáhuvvá ovttasbarggus Sámi (Lappi) rádjebearráigeahčuin. Rádjerasttildanbáikkiin rádjefávttat juhket dearvvašvuohtaeiseválddiid ráhkadan rávvagiid ja dearvvašvuođa diehtoskoviid mátkkošteddjiide ja oahpistit dáhpáhusguovdasaččat mátkkošteddjiid dearvvašvuođa dárkkistemiide. Doaibmamálle atnuiváldin ii váikkut riikii beassama eavttuid dárkkisteapmái.
Vejolaš dávdaluvvamat koronavirusii
Levi, Gihttel:
- Bar Alakerta bearjadaga 5.3. diibmu 20–22
- Café & Bar Kota bearjadaga 5.3. diibmu 18.30–20
- Ravintola Tuikku bearjadaga 5.3. diibmu 15–16.30
- Subway Levi bearjadaga 5.3. diibmu 10–13.30
- Subway Levi duorastaga 4.3. diibmu 10–20.30
- Stefan’s Steakhouse gaskavahku 3.3. diibmu 20–22
- Rinneravintola Sivakka gaskavahku 3.3. diibmu 12–13 ja 15–16
- Gastro K. disdaga 2.3. diibmu 20–23
- Ravintola Panorama disdaga 2.3. diibmu 20–22
- Cafe & Bar Kota disdaga 2.3. diibmu 19–20
- Subway Levi disdaga 2.3. diibmu 13–15
- Ravintola Draivi mánnodaga 1.3. diibmu 12–15
Sihke:
- Roavenjárggas Ravintola Gustav bearjadaga 5.3. diibmu 21–23
- Pelkosenniemi Pyhätunturis Ravintola Huttuhippu bearjadaga 19.2. diibmu 18.30–19.15 ja 20–21.30
Logahallon báikkiin namuhuvvon áiggiid galledan olbmot galget dárkot iežaset veadjima ja ohcalit destema várás unnánašge dávdamearkkaid almmáiduvadettiin.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 8: 41 dáhpáhusa
Vahkku 9: 28 dáhpáhusa
Vahkku 10 (nohkavaš vahkku): 16 dáhpáhusa (11.3. d. 12.29 rádjái)
Oktiibuot Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 674 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 10.17)
Oarjebađaeatnama buohccedikšunbiirres leat epidemiija jođálnuvvanmuttus.
Njoammumiid unnánaš mearis fuolakeahttá dorvvolašvuođa rávvagiid doahttaleapmi lea ain earenoamáš dehálaš
Oarjebađaeatnamis lea nohkavaš vahku gávnnahuvvon okta koronavirusnjoammun. Mannan vahku njoammumat gávnnahuvvoje oktiibuot 12. Vaikko dávdadáhpáhusat eai leat jur maŋemus beivviid dihtton, guovllu dilli sáhttá earáhuvvat jođánit. Čavga koronanjoammundoaimmat leat ain dárbbašlaččat, vai guovllu dilli ožžojuvvo bissut ráfálažžan ja eastaduvvo dáhpáhusmeriid lassáneapmi sihke earenoamážit virusvariántta leavvan.
Buohccedikšunbiire ávžžuha guovllu olbmuid ain fuolahit koronadorvodoaimmain, dego dušši kontávttaid vealtamis sihke muohtomáskkaid anus. Juo láivvesge dávdamearkkaid dihte ferte mannat koronadestii. Destii mannama ja deastavástádusa galgá vuordit ruovttus eaktodáhtolaš karantenas. Go lea buohcci ja leat dávdamearkkat, de ii galgga mannat bargui, iige doalvut dávdamearkkalaš máná beaiveruktui.
AstraZenecain boahkuhuvvojit dás maŋás maid ahkeolbmuid – ođđa boahkuhanáiggit čuozihuvvojit vuohččan badjel 70-jahkásaččaide
AstraZeneca Covid-19 koronavirusboahkuhanávnnas lea gávnnahuvvon ábasin maid badjel 70-jahkásaččaide ja Álbmotlaš boahkuhanáššedovdijoavku lea gávnnahan, ahte AstraZeneca koronaboahkuhanávdnasiin sáhttet boahkuhuvvot maid badjel 70-jahkásaččat. Oarjebađaeatnama buohccedikšunbiirre guovllus juo addojuvvon áiggit eai šluhttejuvvo, muhto dás maŋás boahkuheamit čuozihuvvojit DBL rávvagiid mielde agi vuođul ceahkkálasttedettiin alimus agis vulos guvlui. Go badjel 70-jahkásaččat leat boahkuhuvvon, de sáhttet jotkojuvvot vuollel 70-jahkásaččaid boahkuheamit. Boahkuhanvuoruid jearaheami telefovnna bakte galgá vealtat. Gielddat dieđihit boahkuhanáššiin interneahtta-siidduineaset.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 8: 9 dáhpáhusa
Vahkku 9: 12 dáhpáhusa
Vahkku 10 (nohkavaš vahkku): 1 dáhpáhus (11.3. d. 10.17 rádjái)
Oktiibuot Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 538 dáhpáhusa.
Infekšuvnnaid duostunovttadat