Duorastat 16.12.2021

Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.

Áigeguovdilis liŋkkat:

• Logahallan dávdaluvvanbáikkiin maŋemus guovtti vahku áigge (dušše suomagillii)
• Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
• SBDB: Ráva koronapositiivvalaš deastabohtosa ožžon mátkkálažžii (dušše suomagillii)
• DBL: Mátkkošteapmi ja koronaviruspandemiija (dušše suomagillii)
• Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
• TDBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(dieđut 16.12. diibmu 15.57)

Sámi buohccedikšunbiire lea epidemiija leavvanguovlu

Guovtti vahku ilbmudanlohku (29.11–12.12.) lea 385,1/100 000 orru.
Ovtta vahku ilbmudanlohku (6.–12.12.) lea 240,4/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Oba Sámi buohccedikšunbiire gullá dál leavvanviidodahkii – ráddjehusat boahtime

Nohkavaš vahku leat gávnnahuvvon oktiibuot 168 ođđa koronadáhpáhusa. Njoammumat leat gávnnahuvvon miehtá buohccedikšunbiirre, muhto Roavenjárga joatká ein buohccedikšunbiirre njunušbáikin njoammumiid dáfus.  

Mannan vahku (vahkku 49) Sámi buohccedikšunbiirre viidodagas gávnnahuvvoje oktiibuot 281 koronanjoammuma. Viidodagas dahkkoje 8271 koronavirusdeastta ja dain hoahppoantigenadeasttat ledje 7185. Positiivvalaččaid oassi dahkkojuvvon deasttain lei 3,40 proseantta.  

Sámi buohccedikšunbiirre koronakoordinašuvdnabargojoavku gávnnahii disdaga 14.12., ahte oba buohccedikšunbiire deavdá leavvanviidodaga kritearaid. Dása laktásettiin Stáhtaráđđi gieđahallá guovllu restauráŋŋaráddjehusaid duorastaga 16.12.

Dasa lassin Sámi guovlohálddahusvirgedoaimmahat válmmastallá mearrádusa čoahkkananráddjehusain Anára, Gihttela ja Kolari gielddaid buohta. Mearrádus gieldá badjel 20 olbmo álbmotdilálašvuođaid ja almmolaš čoakkámiid ordnema. Loahpalaš mearrádus čoahkkananráddjehusain lea dárkkuhus addojuvvot maŋemusat duorastaga juovlamánu 16. beaivvi dađi lági mielde, ahte dat boahtá vuoibmái lávvordaga juovlamánu 18. beaivvi.
Sámi guovlohálddahusvirgedoaimmahaga dieđáhus 14.12. (suomagillii)

Ođđa dávdaluvvanbáikkit

Dáppe oainnát logahallama dávdaluvvanbáikkiin ollislaččat maŋemus guovtti vahku áiggis (suomagillii)

Dáin báikkiin namuhuvvon áiggiid galledan olbmot ávžžuhuvvojit čuovvut iežaset veaju ja ohcalit destii, juos unnánašge infekšuvnna dávdamearkkat ilbmudit.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 48: 169 dáhpáhusa
Vahkku 49: 122 dáhpáhusa
Vahkku 50: (nohkavaš vahkku) 281 dáhpáhusa (16.12. diibmu 15.57 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 2495 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Dáláš boahkuhangokčevašvuohta (áigeguovdilaston 16.12.)

12 jagi deavdán olbmuin	Sámi buohccedikšunbiire	Oarjebađaeatnama buohccedikšunbiire	Oba Suopma
1. boahkuhanaddosa	87,6 %	86,6 %	87,4 %
2. boahkuhanaddosa	83,1 %	81,8 %	83,0 %

Buot olbmuin	Sámi buohccedikšunbiire	Oarjebađaeatnama buohccedikšunbiire	Oba Suopma
1. boahkuhanaddosa	77,7 %	76,7 %	77 %
2. boahkuhanaddosa	73,7 %	72,5 %	73 %

***

Oarjebađaeatnama buohccedikšunbiire

(dieđut 15.12. diibmu 13.09)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija leavvanviidodat

Oarjebađaeatnamis ožžojuvvon njoammuma gáldu báhcá dávjá dovdameahttumin

Nohkavaš vahku Oarjebađaeatnama buohccedikšunbiirres leat gávnnahuvvon 32 ođđa koronavirusinfekšuvnna. Omikron-dáhpáhusat eai doaisttážii leat gávnnahuvvon viidodagas. Buohcceviessodikšumis leat aiddo dál čieža buohcci, geain guhtta guovddášbuohcceviesus. Maiddái beaktodikšun dárbbahuvvo viidodagas.

Mannan vahku njoammumiin guokte goalmmádasa gávnnahuvvoje boahkukeahtes dehe váilevaččat boahkuhuvvon olbmuin. Mannan vahku karantenii biddjojuvvoje 269 olbmo. Mannan vahku gávnnahuvvon báikkálaš njoammumiin (59 njoammuma) dušše 60 proseantta sáhtte gurrojuvvot.  

Eanas dovdameahttun dáhpáhusain olmmoš ii diehtán iežas dávdaluvvanbáikki. Dát muitala das, ahte lupmosit johtti dávda lea olu jođus ja dávdaluvvat sáhttá gos beare. Dán dihte Oarjebađaeatnama buohccedikšunbiire ii ilmmut systemáhtalaččat dávdaluvvanbáikkiid. Buohccedikšunbiire ávžžuha ein, ahte visot infekšuvdnadávdamearkkalaččat ohcalit koronavirusdestii herkket.  

Guovtte háve boahkuhuvvon čađahaninfekšuvnnat leat lassánan maŋemus guovtti vahku áigge. Boahkuhuvvon olbmuin dávda lea goitge dábálaččat láivi. Buohcceviessodikšumii šaddama riska almmá boahkuhemiid haga lea sulaid 20-geardásaš ja beaktodikšumii šaddama riska lea badjel 30-geardásaš.

Ovdal namuhuvvon dieđu čuovggas ávžžuhit sakka koronaboahkuhanávdnasa viežžama ja koronadorvodoaimmaid joatkima. Dasa lassin go dávda lea eanet jođus, de ávžžuhit koronašleđggona láddema iežas telefovdnii.

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 48: 61 dáhpáhusa
Vahkku 49: 59 dáhpáhusa
Vahkku 50: (nohkavaš vahkku): 32 dáhpáhusa (15.12. diibmu 13.10 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1600 dáhpáhusa.

Infekšuvnnaid duostunovttadat

• 

• 

•