Duorastat 16.9.2021

• 

• 

• 

Sámi koronageahčastat almmustuhttojuvvo jorgalussan okte vahkus.  
Buohkat, geat orodit Sámis (Lappis), galget ohcalit destema várás vuollegis šielmmáin, unnánašge infekšuvnna dávdamearkkat ilbmudettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(dieđut 16.9. d. 14.00)

Sámi buohccedikšunbiire lea epidemiija vuođđodásis.

Guovtti vahku ilbmudanlohku (30.8.–12.9.) lea 25,7/100 000 orru.
Ovtta vahku ilbmudanlohku (6.–12.9.) lea 25,7/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Dál leat gávnnahuvvon 34 njoammuma, mat laktásit Levi idjaklubbagollosiidda

Levi idjaklubbain čakčamánu 3.-5 beivviid vahkuloahpa vuolgán dáhpáhusaide laktásit dál oktiibuot 34 dáhpáhusa, juogo njuolga dehe lagasbirrasa joatkkanjoammumin.

Mannan vahku (vahkku 36) Sámi buohccedikšunbiirre viidodagas gávnnahuvvoje oktiibuot 29 koronanjoammuma. Koronavirusdeasttat dahkkoje oktiibuot 3614 stuhka, dain hoahppoantigenadeasttat ledje oktiibuot 3457 stuhka. Positiivvalaččaid oassi dahkkojuvvon deasttain lei 0,83 proseantta.

Sámi buohccedikšunbiire viidodaga olbmuin ovtta boahkuheami leat ožžon 73,3 proseantta ja goappašiid boahkuhemiid leat ožžon 55,2 proseantta. Oba Suoma álbmogis 1. boahkuhanaddosa ožžon leat 73 proseantta ja guokte addosa leat ožžon 57,4 proseantta.

Boahkuhangokčevašvuohta ovddiduvvui gilvvuin Sámi buohccedikšunbiirres – viđa buoremus boahkuhangokčevašvuođa gildii ruhtabálkkašupmi nuoraid buresbirgejumi ovddideami várás

Sámi buohccedikšunbiirres gielddaid gaskkas lei loahppagease jođus gilvu, mas vihtta alimus boahkuhangokčevašvuođa 1. boahkuhanaddosa oasil 15.9. rádjái olahan gieldda ožžot guhtenai 1000 euro nuoraidstivrra geavaheami várás. Boahkuhangokčevašvuohta seasaduvvui oba álbmoga oasil. Vuoitigielddat, dehege vihtta alimus boahkuhangokčevašvuođa gieldda leat ortnegis čuovvovaččat: Posio (81,3 %), Pello (81,0 %), Salla (80,9 %), Pelkosenniemi (78,6 %) ja Suovvaguoika (78,5 %).

“Gilvvu vuoitán gielddat leat lokten boahkuhangokčevašvuođaset oba geasi áigge ja giittus das gullá earenoamážit gieldda olbmuide”, giitala infekšuvdnanjunušdoavttir Markku Broas.

Bálkkašumiid ollislašsubmi čoahkkana boahkuhangokčevašvuođa ovddideapmái ožžojuvvon skeŋkemiin. Juohke nuoraidstivra, masa vuoitosubmi čujuhuvvo, oažžu ieš mearridit makkár nuoraiddoibmii vuoitosupmi geavahit.

Sámi buohccedikšunbiirre infekšuvnnaid duostunovttadat ovddida giitosis juohke buohccedikšunbiirre gildii ja gieldda orruide boahkuhangokčevašvuođa loktemis. Gielddat leat ovdamearkka dihte ordnen pop up-hutkkiid, mas boahkuheami lea sáhttán mannat váldime almmá áigevárrema haga. Geavat lea doaibman bures earenoamážit nuorat ahkeluohkáid gaskavuođas.

Fuolakeahttá gilvvu nohkamis oktasaš dáistaleapmámet koronavirusa vuostá joatkahuvvá ain. Buohccedikšunbiire olde visot lappilaččaid háhkat boahkuhanávdnasa, daningo dat buktá oadjebasvuođa sihke alccesis ja earáide.

Lassidieđut:
Markku Broas
Infekšuvdnanjunušdoavttir
Sámi buohccedikšunbiire
t. 050 347 2387 

Logahallan dávdaluvvanbáikkiin áigodagas čakčamánu 2.–12. (áigeguovdilaston 15.9.)

• du 2.9 Roavenjárgga Riikkaidgaskasaš Stuoramárkanat diibmu 15–17
• du 2.9. Subway Sampokeskus, Roavenjárga diibmu 16–16.20
• be 3.9 K-Supermarket Gávpetoarga, Roavenjárga diibmu 19–20
• be 3.9 Minimani Roavenjárga diibmu 18–19
• be–lá 3.–4.9. Restauráŋŋa Narran, Levi diibmu 18–04
• lá–so 4.–5.9. Restauráŋŋa Narran, Levi diibmu 12–04
• lá 4.9 Hotealla Soađegili iđitborramušfáladeapmi diibmu 8–9
• lá 4.9. K-Supermarket Levi diibmu 16–17
• lá 4.9 Santasport bovlenbána, Roavenjárga diibmu 17.30–18.30
• lá–so 4.–5.9. Hullu poro Areena, Levi diibmu 21–02
• so 5.9. Kätkätunturi, Kätkän laavu, Levi diibmu 12–13
• so 5.9. Levin Teboil bensiidnastašuvdna diibmu 12–13.15
• so 5.9 Roavenjárgga Riikkaidgaskasaš Stuoramárkanat diibmu 13–15
• so 5.9. SEO Soađegilli diibmu 16–17
• so 5.9. Pihvipirtti, Levi diibmu 18–20
• má 6.9. K-Supermarket Pohjantähti, Soađegilli diibmu 9–9.45
• má –ga 6.–8.9. Restauráŋŋa Ruska, Soađegilli diibmu 10.45–11.30
• di 7.9 Levin Panimo Pub diibmu 16–17
• be 10.9. Lidl Industriijagilli, Roavenjárga diibmu 7–13
• be 10.9. Restauráŋŋa Gustav, Roavenjárga diibmu 18–02
• be 10.9 Kansan pubi, Roavenjárga diibmu 20.30–21.00
• be 10.9. Half Moon Night Club, Roavenjárga diibmu 21.00–00.00
• lá 11.9. Lidl Industriijagilli, Roavenjárga diibmu 7–14.15
• so 12.9 Kotipizza Pohjolankatu, Roavenjárga diibmu 19–19.30

Dáin báikkiin namuhuvvon áiggiid galledeaddjit ávžžuhuvvojit čuovvut veajuideaset ja ohcalit destii, juos unnánašge infekšuvnna dávdamearkkat ilbmudit.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 35: 29 dáhpáhusa
Vahkku 36: 30 dáhpáhusa
Vahkku 37 (nohkavaš vahkku): 25 dáhpáhusa (16.9. d.14.00 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1416 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(dieđut 15.9. d. 13.31)

Oarjebađaeatnama buohccedikšunbiire lea epidemiija vuođđodásis.

Guvllolaš pandemiijabargojoavku: Influeanssaid galgá buohcat ruovttus l

Mannan vahku Oarjebađaeatnama buohccedikšunbiirre viidodagas gávnnahuvvoje 19 koronavirusnjoammuma, main sulaid bealli lei karantena siste. Nohkavaš vahku leat dán rádjái gávnnahuvvon ovcci ođđa njoammuma. Badjel bealli dáin leat karantena siste.

Vaikko epidemiijadilli lea bisson ráfálažžan, de maŋemus vahkuid koronabuohccit leat leamaš Oarjebađaeatnama viidodagas maid buohcceviessodikšumis. Buohcceviessodikšumii gártan buohccit leat leamaš lagamusat boahkutkeahtes olbmot.  

Oarjebađaeatnama olbmuin unnimusat ovtta boahkuheami leat ožžon dán rádjái 71,7 proseantta. Goappašat boahkuheamit leat ožžon 54,8 proseantta álbmogis. Boahkuhanávdnasat leat viidodaga gielddain bures oažžunsajis. Gielddat dieđihit boahkuhemiin iežaset fierbmesiidduin.

Guokte boahkuhanaddosa oažžun olbmos lea logi geardde unnit riska šaddat buohcceviesso- dehe beaktodikšumii koronavirusa dihte go boahkutkeahtes olbmos. Litna dávdda buohcama hárrái riskagorri lea sulaid viđageardásaš. Dát dárkkuha dan, ahte boahkutkeahtes olbmo riska buohccát koronadávdii lea viđageardásaš boahkuhuvvon olbmuid ektui.

Dávdaluvvan olmmoš galgá bissut ruovttus

Sosiála- ja dearvvašvuohtaministeriija dieđihii ikte koronadesten- ja guorrankritearaid galljudeamis, maidda DBL ráhkada dárkileabbo rávvagiid. Guvllolaš pandemiijabargojoavku muittuha, ahte láivves influeanssatnai galget dattetge buhccojuvvot ruovttus, iige dávdaluvvan olmmoš galgga vuolgit ovdamearkka dihte bargui, skuvlii dehe áiggeájiide. Ávžžuhahtti lea bissut ruovttus guokte dávdamearkkahis beaivvi buohcama maŋŋel.

Oarjebađaeatnama viidodaga koronaávžžuhusat leat čohkkejuvvon buohccedikšunbiirre fierbmesiidduide (suoma- ja eŋgelasgillii).

                             Oarjebađaeatnama guvllolaš pandemiijabargojoavku

Lassidieđuid addá: hoavdanjunušdoavttir Jyri J. Taskila, 040 352 1097

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 35: 27 dáhpáhusa
Vahkku 36: 19 dáhpáhusa
Vahkku 37 (nohkavaš vahkku): 9 dáhpáhusa (15.9. d. 13.31 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 918 dáhpáhusa. 

Infekšuvnnaid duostunovttadat