Duorastat 20.1.2022
Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.
Buohkat, geat orodit Sámis (Lappi), galget ohcalit destema várás dakkaviđe go dávdamearkkat, mat čujuhit njoammumii, ilbmudit. Sámi (Lappi) gielddat fállet dávdamearkkalaš olbmuide nuvttá destema.
(Liŋka: SDM koronavirusdestema strategiija) (suomagillii)
Áigeguovdilis liŋkkat:
- Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
- SBDB: Ráva koronapositiivalaččaid deastabohtosa ožžon mátkkálažžii
- DBL: Mátkkošteapmi ja koronaviruspandemiija (dušše suomagillii)
- Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
Sámi (Lappi) buohccedikšunbiire
(dieđut 20.1. diibmu 15.28)
Sámi buohccedikšunbiire lea epidemiija leavvanguovlu
Guovtti vahku ilbmudanlohku (3.–16.1.) lea 2561,9/100 000 orru.
Ovtta vahku ilbmudanlohku (10.–16.1.) lea 1203,9/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.
Njoammunmearit bisson seamma dásis go ovddit vahkuidnai
Nohkavaš vahku Sámi buohccedikšunbiirre viidodagas leat gávnnahuvvon 817 ođđa njoammuma, main eanas Roavenjárggas. Njoammumat leat ein dássedit goitge maid eará buohccedikšunbiirriid gielddain.
Mannan vahku (10.–16.1.) Sámi buohccedikšunbiirre viidodagas gávnnahuvvoje oktiibuot 1409 njoammuma. Viidodagas dahkkojuvvoje 13666 koronavirusdeastta. Positiivvalaččaid oassi dahkkojuvvon deasttain lei 11,61 proseantta. Mátkkošteddjiid oassi njoammumiin lea unnume. Viđadas njoammumiin gávnnahuvvoje ruovttu- ja olgoeatnanlaš mátkkošteddjiin. Badjel bealli njoammumiin gávnnahuvvoje Roavenjárggas, muhto njoammumat gávnnahuvvoje juohke buohccedikšunbiirre viidodaga gielddas.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 1: 1614 dáhpáhusa
Vahkku 2: 1409 dáhpáhusa
Vahkku 3: (nohkavaš vahkku) 871 dáhpáhusa (20.1. diibmu 15.28 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 7817 dáhpáhusa. Lohkui gullet maid olgobáikegotti olbmot.
Roavenjárgga gávpot lea heaittihan ilmmuhusaid addima vejolaš dávdaluvvanbáikkiin, daningo geavadis dálá dilis sáhttá dávdaluvvat gos beare. Dearvvašvuođa dáfus dorvvolaš meannudeapmi lea ovddežanai dehálit epidemiija jođánis leavvanleahtu goahcama dihte.
- 5.1. LSHP (SBDB): Oapmahaččaid galledangieldu Sámi guovddášbuohcceviesus ja sode-ovttadagas (suomagillii)
- 4.1. Roavenjárgga gávpot: Koronaguorramii šaddan bahkadasat – gávpot bivdá positiivvalaš deastabohtosa ožžon olbmuid báhcit erremii (suomagillii)
- Bargu fállun: Boađátgo Sámi buohccedikšunbiirre gielddaide duostut korona boahkuheaddjin, guorrin dehe čájánasváldin? (suomagillii)
Dáláš boahkuhangokčevašvuohta (beaiváduvvon 20.1.)
| 12 JAGI DEAVDÁN OLBMUIN | Sámi buohccedikšunbiire | Oarjebađaeatnama buohccedikšunbiire | Oba Suopma |
|---|---|---|---|
| 1. attus | 88,6 % | 87,5 % | 86,4 % |
| 2. addosa | 84,9 % | 83,9 % | 82,9 % |
| 3. addosa | 44,8 % | 40,8 % | 42,4 % |
| BUOT OLBMUIN | Sámi buohccedikšunbiire | Oarjebađaeatnama buohccedikšunbiire | Oba Suopma |
|---|---|---|---|
| 1. attus | 78,7 % | 77,5 % | 76,1 % |
| 2. addosa | 75,4 % | 74,3 % | 73,0 % |
| 3. addosa | 39,8 % | 36,1 % | 37,3 % |
***
Oarjebađaeatnama buohccedikšunbiire
(dieđut 19.1. diibmu 15.43)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.
Oarjebađaeatnama buohccedikšunbiire lea epidemiija leavvanviidodat
Oarjebađaeatnamis rievdaduvvo njoammuma guorran, maiddái karantenaáigi oatnu
Gaskavahkkoiđida rádjái Oarjebađaeatnama buohccedikšunbiirres leat gávnnahuvvon nohkavaš vahku 125 ođđa koronadáhpáhusa. Guovtti vahku ilbmudanlohku lea viidodagas dál sullii 1000 čuohteduháha orru guovdu. Njoammunmearit leat ein lassáneame.
Buohcceviessonoađuheapmi lea maid mannan beivviid áigge lassánan. Buohcceviessodikšumis leat dál 11 koronabuohcci, geain vihtta Oarjebađaeatnama guovddášbuohcceviesus ja guhtta dearvvašvuohtaguovddážiid seaŋgaossodagain. Beaktodikšumis ii leat dán vuoru oktage koronabuohcci.
Njoammunguorran rievdá bearjadaga 21.1.2022 rájes. Mii guovdilastit váldit oktavuođa positiivvalaš koronabohtosa ožžon olbmuide. Sii oahpistuvvojit ilmmuhit njoammumisttiset iežaset bearraša olggobeale lagaskontávttaide dehege dávdaluvvan olbmuide. Seamma oktavuođas dávdaluvvan olbmot ožžot oktavuohtadieđuid njoammudávdadivššarii oktavuođa váldima várás.
Dávdaluvvan olbmot, geain ii leat koronaboahkuheami addin suodji, báhcet karantenii čieža jándorii. Dávdaluvvan olbmot váldet oktavuođa ruovttugielddaset njoammudávdadivššarii dušše dilis, mas dávdaluvvan olmmoš dárbbaha virggálaš duođaštusa njoammudávdabeaiveruđa várás.
Oktavuođa váldin njoammudávdadivššarii dáhpáhuvvá vuosttaš sajis šleađgaboasttain ja nuppi sajis deakstadieđáhusain.
Dávdaluvvan ja buohccán olbmuid karantena- ja errenáigi otnot dás maŋás čieža beaivái. Nuppástus ii guoskka juo addojuvvon karantena- ja errenmearrádusaid.
Ráddjehusat joatkahuvvet ovddešlágánin
Sámi guovlohálddahusvirgedoaimmahat lea mearrádusainis (dušše suomagillii) gieldán álbmotdilálašvuođaid, mat ordnejuvvojit sissajiin, ja almmolaš čoakkámiid, maidda oassálastet badjel 20 olbmo. Mearrádus lea vuoimmis 22.2.2022 rádjái. Dasa lassin viidodagas leat vuoimmis Stáhtaráđi ásahan restauráŋŋaráddjehusat (dušše suomagillii), maid mielde restauráŋŋat sáhttet leat rabas d. 18 rádjái.
Visot oahpes koronadoaimmat – buorre giehtahygieniija, dorvogaskkat ja máskka atnu – leat ain áigeguovdilat. Sihke boahkuvvon ja boahkutkeahtes olbmotge galget daid ein doahttalit. Oarjebađaeatnama viidodagas gustojeaddji koronaávžžuhusat leat čohkkejuvvon suomagillii buohccedikšunbiirre fierbmesiidduide.
Boahkuheamit leat gielddain ovdánan bures ja boahkuheamit leat fállojuvvon maid 5-11 -jahkásaš mánáide. Addojuvvon boahkuhemiid statistihkkii boahtimii ja boahkuhandieđuid sirdáseapmi Kantai lea dattetge ádjánan. Gielddat dieđihit boahkuhemiin ja daid áigedávvalis ja áigevárremis ee. iežaset fierbmesiidduin.
Oarjebađaeatnama guvllolaš pandemiijabargojoavku
Lassidieđuid addá: jođiheaddji njunušdoavttir Jyri J. Taskila, 040 352 1097
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 1: 300 dáhpáhusa
Vahkku 2: 331 dáhpáhusa
Vahkku 3: (nohkavaš vahkku): 125 dáhpáhusa (19.1. diibmu 15.43 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 2885 dáhpáhusa.
Infekšuvnnaid duostunovttadat