Duorastat 26.11.2020

Sámi buohccedikšunbiirre koronageahčastat

(áigedássásaš dieđut 26.11. d. 12.33)

Sámi buohccedikšunbiire lea ain epidemiija vuođđomuttus.

Joavkodávdaluvvamat dáhpáhuvvan, muhto dilli lea daid oasis hálddus

Vahkuloahpa áigge gávnnahuvvoje golbma ođđa dáhpáhusa. Njoammumiin guokte gávnnahuvvoje Roavenjárggas, man nubbi Roavanjárgga vuostáváldiguovddážis. Dasa lassin Gihttelis gávnnahuvvui njoammun olgobáikegotti olbmos.

Joavkodávdaluvvamat leat mannan vahku dáhpáhuvvan Roavenjárggas vuostáváldinguovddážis, Korkalováris Touhula beaiveruovttus sihke Korkalovári skuvllas. Dáid dáhpáhusaid geažil logiid mielde olbmo leat mearriduvvon karantenii.

Dáid lassin dávdaluvvamat leat sáhttán dáhpáhuvvat duorastaga 19.11. čuovvovaččat. Juos don leat leamaš dáin báikkiin namuhuvvon áiggiid, de čuovo iežat veadjima ja ohcal destii juos unnánašge dávdamearkkat ihtet: 

  • D. 18.20 ja 18.50 gaskkas Subways Sampokeskusis
  • D. 19.15 ja 21 gaskkas Roavenjárgga vuojadanbáiki Vesihiisis

Juos don leat sáhttán dávdaluvvat, ii karantenii dán muttus dárbbaš báhcit, muhto muohtomáskka atnu sihke buori giehtahygieniijas fuolaheapmi lea ávžžuhahtti.

Njoammumat leat gávnnahuvvon nohkavaš vahku miehtá Sámi

Nohkavaš vahku leat gávnnahuvvon 14 ođđa dáhpáhusa.

Njoammumat leat gávnnahuvvon earret eará čuovvovaš báikegottiin:

  • Roavenjárggas
  • Muonios
  • Gihttelis
  • Soađegilis
  • Kolaris
  • Ohcejogas

Dorvvolašvuođa rávvagat lea dál hui dehálaš doahttalit, vai dilli bissu buohccedikšunbiirre viidodagas ráfálažžan

Buohccedikšunbiirre viidodaga maŋemus áiggiid njoammumiid álgoboahtimušat eai leat sáhttán čielggaduvvot. Dán oasis lea dehálaš, ahte destii ohcaluvvo vaikko unnánašge dávdamearkkaid dihte, ja ruovttus bissojuvvo deastabohtosiid boahtima rádjái. Dáinna lágiin minimerejuvvo njoammunriska.

Vaikko dilli buohccedikšunbiirre viidodagas lea dál ráfálaš, de buot dorvvolašvuođa rávvagat lea dehálaš doahttalit dárkket, daningo eará sajes riikkas leat viidodagat, main dilli lea duođalaš.  

Dorvogaskkat galget doahttaluvvot, ja juos dat ii leat vejolaš, de adnojuvvo máska. Eará dorvorávvagat gávnnat ovdasiiddus ja buohccedikšunbiirre gustojeaddji ávžžuhusat ja ráddjehusaid dáppe: ______

Sámi buohccedikšunbiirres váldojuvvoje vahku 47 áigge oktiibuot 2832 koronadeastta, main sulaid 110 leat leamaš johtilis dehege hoahppoantigenadeasttat. Positiivvalaččaid oassi lei 0,39 %.

Guovtti ovddit vahku (vahkut 46 ja 47) vuođul almmáiduvvanlohku lea 31,6/100 000 orru.

Ovddit vahku (vahkku 47) vuođul almmáiduvvanlohku lea 9,4/100 000 orru.

*

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 46: oktiibuot 26 dáhpáhusa

Vahkku 47: oktiibuot 11 dáhpáhusa

Vahkku 48 (nohkavaš vahkku): oktiibuot 14 dáhpáhusa (26.11. d. 12.33 rádjái)

Buot buohkanassii Sámi buohccedikšunbiirres leat gávnnahuvvon 319 dáhpáhusa, main 30 leat gávnnahuvvon olgobáikegotti olbmuin.  

Infekšuvnnaid duostunovttadat

***

Oarjebađaeatnama buohccedikšunbiirre koronageahčastat

(áigedássásaš dieđut 26.11. d. 12.13)

Oarjebađaeatnama buohccedikšunbiire lea ain jođálnuvvanmuttus.

Dáhpáhusmeriid stuorrun doajáhagas – čavga ráddjehusat ain dárbbašlaččat

Nohkavaš vahku ođđa dávdadáhpáhusain leat vihtta raporterema. Njoammunmeriid šaddan lea ožžojuvvon maŋemus guovtti vahku áigge doddjot, muhto epidemiijadilli lea Oarjebađaeatnamis ain jođálnuvvanmuttus.

Oarjebađaeatnamis váldojuvvoje mannan vahku 967 koronavirusčájánasa ja gávnnahuvvoje 27 ođđa dáhpáhusa. Njoammumiid guorran lihkostuvvá badjel 80 proseanttas dáhpáhusain. Ođđa dáhpáhusain 75 proseantta leat almmáiduvvan dain, geat juo leat karantenas.

Almmáiduvvanlohku lea dál 91,9/100 000 orru ja dat lea dálá áigge riikka goalmmádin stuorimus.

Ráddjehusaid fápmu joatkahuvvá

Guvllolaš pandemiijabargojoavku attii mannan vahku gievrras ávžžuhusa, ahte badjel logi olbmo čoahkkaneamit eai galggale dál ordnejuvvot. Ávžžuhusat galge leat vuoimmis 2.12.2020 rádjái.

Guvllolaš pandemiijabargojoavku mearridii joatkit visot earánai ávžžuhusaid ja ráddjehusaid vuoimmisorruma 13.12.2020 rádjái. Vaikko njoammunmeriid šaddan lea njohcon, de lea ain várran, ahte epidemiijadilli jorggiha jođánit heajut guvlui.

Pandemiijabargojoavku fuomášii čoahkkimisttis álbmoga doaibmat ávžžuhusaid mielde ja ovdanbuktá das buohkaide giitosa. Ovdamearkka dihte muohtomáskka atnu lea lassánan.

Sosiála- ja dearvvašvuohtaministeriija lea álgovahku addán rávvagiid viidodagaide, mat leat epidemiija leavvanmuttu lasá nalde. Ráddjehusat daid rávvagiid mielde leat leamaš juo anus maŋemus vahkuid Oarjebađaeatnamis. Visot ávžžuhusat ja ráddjehusat, mat leat vuoimmis Oarjebađaeatnama viidodagas, leat čohkkejuvvon (suomagillii) buohccedikšunbiirre fierbmesiidduide.

Kontrollačájánasaide ii leat dárbu

Oassi viidodaga bargoaddiin lea gáibidan koronainfekšuvnna buohcan bargiinis negatiivvalaš deastabohtosa ovdal bargui máhccama. Kontrollačájánasat leat goitge duššit, daningo hearkkes metodat sáhttet addit vearru positiivvalaš bohtosa vel vahkuid maŋŋel dávddas buorráneamis.

Koronainfekšuvnna buohcan ja das buorránan, dávdamearkkahis olmmoš ii leat šat njoammunvárálaš, vaikko deastaboađus livččii positiivvalaš. Son maid ii sáhte positiivvalaš čájánasa vuođul biddjot njoammundávdalága mielde karantenii. Dán lági mielde kontrollačájánasaid dutkan dušše noađuha laboratoriijaid duššás.  

– Oarjebađaeatnama guvllolaš pandemiijabargojoavku

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 46: oktiibuot 29 dáhpáhusa

Vahkku 47: oktiibuot 27 dáhpáhusa

Vahkku 48 (nohkavaš vahkku): oktiibuot 5 dáhpáhusa (26.11. d. 11.40 rádjái)

Buot buohkanassii Oarjebađaeatnama buohccedikšunbiirre čájánasváldinbáikkiin dahkkojuvvon deasttaid vuođul leat gávnnahuvvon 195 dáhpáhusa.

Infekšuvnnaid duostunovttadat