Duorastat 27.5.2021
Sámi (Lappi) doronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkaid almmáiduvadettiin.
Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
DBL: COVID-19-boahkuhemiid ovdáneapmi (dušše suomagillii)
Sámi (Lappi) buohccedikšunbiire
Guovtti vahku almmaiduvvanlohku (10.5.–23.5.) lea 6,0/100 000 orru.
Ovtta vahku almmaiduvvanlohku(17.5.–23.5.) lea 2,6/100 000 orru.
Dán olis almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.
Sámi buohccedikšunbiirres jaskes vahkku njoammumiid hárrái – ii oktage njoammun nohkavaš vahku
Sámi buohccedikšunbiirres ii leat gávnnahuvvon oktage koronavirusnjoammun nohkavaš vahku. Mannan vahku (vahku 20) Sámi (Lappi) buohccedikšunbiirre viidodagas gávnnahuvvoje oktiibuot golbma njoammuma. Koronavirusdeasttat dahkkoje oktiibuot 2777 stuhka, , ja dain hoahppoantigenadeasttat ledje 2673. Positiivvalaččaid oassi dahkkojuvvon deasttain lei 0,11 proseantta.
Boahkuheami gokčevašvuođa dilli 24.5.2021:
Sámi buohccedikšunbiirre viidodaga álbmogis boahkuheami 1. addosa oažžun olbmot leat 39,6 proseantta ja 2. addosa oažžun leat 9,9 proseantta. Oba Suoma álbmogis 1. addosa oažžun olbmot ledje 41,1 proseantta ja 2. addosa oažžun 6,8 proseantta.
Bearjadaga 21.5. čoahkkanan Sámi buohccedikšunbiirre koronakoordinašuvdnabargojoavku áigeguovdilasttii iežas addin koronaávžžuhusaid ja -ráddjehusaid. Priváhtadilálašvuođain persovdnaráddjehusávžžuhus sihkkojuvvo, muhto dilálašvuođain ávžžuhuvvojit ein doallat guovtti mehtera dorvogaskkaid ja geavahit muohtomáskka. Lihkadan-, valáštallan- ja joavkoáiggeájit sáhttet ordnejuvvot, muhto koronadorvvolašvuođa rávvagat fertejit muitojuvvot: dollojuvvojit dorvogaskkat ja geavahuvvojit muohtomáskkat buot diliin, earret ieš valáštallančađaheamis.
Sámi buohccedikšunbiirre infekšuvnnaid duostunovttadat lea áigeguovdilastán iežas ruovttueatnama mátkedoaibmarávvaga. Ein lea dehálaš mátkkoštit dearvvašin ja ohcalit dakkaviđe unnimusge dávdamearkkaid ilbmanettiin lagamus destenčuoggái ja bissut erremis dassážii go deastaboađus lea válmmasnuvvan.
Davvi-Norggas njoammunmearit loktanan sakka
(Dieđut 24.5.)
Romssa ja Finnmárkku guovtti vahku almmaiduvvan lea dál 82,2/100 000 orru. Earenoamážit Hámmárfeasttas leat gávnnahuvvon olu njoammumat. Vaikko Suoma ja Norgga rádjeservoša johtolat lea dál luomusnuvvan, de dákkár epidemiijadilis lea ein hui dehálaš, ahte buohkat Davvi-Norggas Supmii boahttit mannet deasttain, juos sis ii leat gustojeaddji negatiivvalaš deastabohtosat.
Maiddái Ruoŧa Norrbottena dávdadilli lea ein aktiivvalaš. Norrbottena guovtti vahku almmaiduvvan lea 809,6/100 000 orru. Guovllu dilli vuhtto buohcceviesso- ja beaktonoađuheamis. Norrbottena gielddain Háhpáránddis dilli lea ráfálaš, Övertorneås sáhttá oaidnit muhtin veardde dávdda lassáneami ja earenoamáš olu dávdadáhpáhusat leat lassánan Gironis, gos gávnnahuvvoje mannan vahku oktiibuot 233 dávdadáhpáhusa.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 19: 4 dáhpáhusa
Vahkku 20: 3 dáhpáhusa
Vahkku 21 (nohkavaš vahkku):): 0 dáhpáhusa (27.5. d. 12.56 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 792 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
Oarjebađaeatnama buohccedikšunbiire lea epidemiija vuođđodásis
Oarjebađaeanan máhccá vuođđodássái – čoahkkananráddjehusat litnot 7.6.2021
Nohkavaš vahku Oarjebađaeatnama buohccedikšunbiirre viidodagas gávnnahuvvoje oktiibuot golbma koronavirusdáhpáhusa.
Dieđáhus 26.5.2021:
Mannan vahku Oarjebađaeatnama buohccedikšunbiirre viidodagas gávnnahuvvoje njeallje koronavirusnjoammuma. Guovtti vahku almmaiduvvanlohku lea 13,4 čuođiduhát orru guovdu. Buohcceviessodikšumis eai leat dál koronabuohccit.
Daningo njoammunmearit ja almmaiduvvan leat čielgasit luoitime, de guvllolaš pandemiijabargojoavku mearridii, ahte Oarjebađaeatnama buohccedikšunbiirre viidodat máhccá epidemiija vuođđodássái.
Guovlohálddahusvirgedoaimmahaga mearridan logi olbmo čoahkkananráddjehus lea vuoimmis 6.6.2021 rádjái. Guvllolaš pandemiijabargojoavku ávžžuha čavgadit, ahte čoahkkananráddjehus doahttaluvvo maid priváhtadilálašvuođain. Čoahkkananráddjehusat burgigoahtejuvvojit 7.6.2021 rájes, juos epidemiijadilli bissu hálddus.
Ruoŧa bealde Norrbottenis epidemiijadilli lea ein váttis, ja dát sáhttá jođánit earáhuhttit dili Oarjebađaeatnamis. Vuohttimis lea maid olbmuid váiban ráddjehusaide ja koronadorvodoaimmaide, mii lea maŋemus vahkuid dolvon viiddes dávdaluvvamiidda guovllus. Bealli vahku áigge boahtán njoammumiin leat dovdameahttun gálduin. Guovllus lea ein dávdamearkkahis olbmuin aktiivvalaš dávda. Álgogeasi feasttat mielddisbuktet riskka, ahte epidemiijadilli vearrána jođánit ođđasit.
Vai epidemiijadilli seaillulii buorrin, de koronavirusdestii galgá ein ohcalit litna dávdamearkkaid ilbmodettiin. Maiddái koronavirusdorvorávvagat (dorvogaskkat, máska, giehtahygieniija) galget ein doahttaluvvot fuolalaččat. Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon buohccedikšunbiirre fierbmesiidduide.
Eatnat boahkuhanáiggit luomusin
Boahkuheamit leat ovdánan gielddain bures ja boahkuhanáiggiid sáhttá dálnai várret eatnat. Muhtin gielddain boahkuhanvuložiid ahkerájit leat vuoliduvvon, daningo boahkut leat bures oažžumis. Ovdamearkka dihte Keminmaas leat loahppavahku áigge olu friddja boahkuhanáiggit badjel 35-jahkásaččaide.
Gieldda olbmuid boahkuhanaktiivavuohta lea fuolastuhtti mearis luoitán ja ballun lea, ahte boahkuhanáiggit báhcet geavakeahttá. Várrejuvvon áiggiid geavakeahttá guođđin mielddisbuktá čuolmmaid, daningo boahkuhanávdnasat sáhttet seailluhuvvot dušše ráddjejuvvon áiggi.
Boahkuheami várás gánnáha dál ohcaluvvot aktiivvalaččat, vai viidodaga boahkuhangokčevašvuohta oažžašuvalii buori dássái. Boahkuheami váldin sáhttá lagas boahtteáiggis álkidahttit maid mátkkošteami. Máŋggat riikkat bidjet riikii boahttiide eaktun, ahte koronaboahkuhanávnnas lea váldojuvvon.
Oarjebađaeatnama guvllolaš pandemiijabargojoavku
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 19: 11 dáhpáhusa
Vahkku 20: 4 dáhpáhusa
Vahkku 21 (nohkavaš vahkku): 3 dáhpáhusa (27.5. d. 7.48 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 688 dáhpáhusa.
Infekšuvnnaid duostunovttadat