Duorastat 28.1.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
Sámi (Lappi) buohccedikšunbiire
(áigedássásaš dieđut d. 12.00)
COVID-19-dilli lea riikkaviidosaččat hedjonan. Váldooassi buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiire lea ain vuođđomuttus.
Guovtti vahku almmáiduvvanlohku (vahkut 2 ja 3) lea 27,4/100 000 orru.
Ovtta vahku almmáiduvvanlohku, vahku 3 oasis lea 23,1/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Earáhuvvamat mátkkošteapmái ja ráji rasttildeapmái ođđa, álkit njoammu koronavirusnuppástusaid viidáneami caggama várás.
Nohkavaš vahku leat gávnnahuvvon 14 ođđa koronavirusdáhpáhusa.
Koronavirusdeasttat dahkkojuvvoje mannan vahku (vahkku 3) oktiibuot 2482 stuhka. Dain 2102 ledje hoahppoantigenadeasttat, dehege sulaid 85 %. Positiivvalaččaid oassi dahkkojuvvon deasttain lei 1,09 %.
Dearvvašvuođa ja buresbirgejumi lágádus lea áigeguovdilastán mátkkošteami ja rádjedestema rávvagiid ráđđehusa ođđajagimánu 22. beaivve dahkkojuvvon mearrádusaid mielde. Mearrádusat bohte vuoibmái gaskavahkku.
Ráji rasttildeapmi Supmi boađidettiin lea Suomas orruid lassin lobálaš dušše fuolahussihkarvuođa dáfus vealtameahttun bargomátkejohtalussii sihke dihto sierradáhpáhusain. Buohkat, geat bohtet Supmii riikkain, main korona almmáiduvvan lea stuorit go 25/100 000 guovtti vahku áigge, ávžžuhuvvojit doahttalit 14 jándora iešoaivválaš karantena. Karantena sáhttá oaniduvvot negatiivvalaš deastabohtosiiguin. Logistihkkajohtalusa oasis doaibmabijut eai galgga váttásnuhttit gálvofievrrideami.
Juos ráji rasttildeaddjis ii leat duođaštus 72 diimmu ovdal riikiiboahtima dahkkojuvvon negatiivvalaš deasttas dehe luohtehahtti duođaštus vuollái guđa mánu áigge buhccojuvvon COVID-19-infekšuvnnas, son oahpistuvvo rádjerasttildančuoggás koronadestii. Juos olmmoš lea Suomas badjel 72 diimmu rádjerasttildeami maŋŋel, son galggalii dalle ohcalit nuppi koronadestii.
Olbmot, geat gullet rádjeservošii Suomas, sihke jeavddalaččat Norgga ja Ruoŧa ráji rasttildeaddji bargomátkejohtalusa oasis ráji rasttildeamis lea nohkka, ahte olbmos lea duođaštus vuollái 7 jándora dahkkojuvvon negatiivvalaš koronadeasttas. Buot dárbbašmeahttun mátkkošteapmi olgoriikkaide ávžžuhuvvo goitge garvojuvvot.
Sámi buohccedikšunbiirre infekšuvnnaid duostunovttadat dárkkálnuhttá rádjerasttildanbáikkiid rabasorrunáiggiid ovttasbarggus gielddaiguin ja rádjegozáhuslágádusain. Ulbmilin lea, ahte ođđa rabasorrunáiggit livčče anus sulaid vahku geahčen. Rádjegozáhuslágádus oahpista rádjerasttildeddjiid koronadeasttaide ovttasbarggus dearvvašvuođa fuolahuseiseválddiiguin. Destemat dahkkojuvvojit eanas rádjerasttildanbáikkiid dearvvašvuohtastašuvnnaid destenčuoggáin, mat leat lahkosiin.
Hoahppoantigenaid anu mielde deastabohtosa oažžun lea johtileabbo go ovdal Destenaktiivavuohta lea earenoamáš dehálaš epidemiija dáfus. Sámi buohccedikšunbiirres lea anus hoahppoantigenadeasttat, goas deastaboađus ožžojuvvo hui jođánit. Deastabohtosa vuorddašeaddji iešoaivválaš karantena lea dalle oanehit go ovdal, juos boađus lea negatiivvalaš. Destemii galgá ohcaluvvot hui vuollegis šielmmáin, vai njoammumat minimerejuvvojit ja njoammungollosat botkejuvvojit. Juohkehaš sáhttá iežas doaimmain eastit epidemiija vearráneami nu ahte atná ávvira buori giehtahygieniijas, doahttala dorvogaskkaid ja atná máskka.
Lappilaš doaibmit leat leamaš dehálaš oasis epidemiija duostunbarggus – infekšuvnnaid duostunovttadat giitá lappilaš ovttasbarggu
Njoammumiid guorranbargu ja ovttasbargu sierra doibmiid, dego fitnodagaid ja oahppolágádusaid gaskkas lea duođaid dehálaš rollas njoammumiid fuomášeamis ja njoammungollosiid johtilis botkemis. Ovttasbargu lea eanas doaibman duođaid bures ja Sámi buohccedikšunbiirre infekšuvnnaid duostunovttadat giitá lappilaš doibmiid oassálastimis beaktilis epidemiija duostunbargui.
Dávdaluvvamat Roavenjárggas bearjadaga ođđajagimánu 22. beaivve
Bearjadaga 22.1. Roavenjárggas Ovnnesvári logahagas sulaid 50 stuđeantta ja 3 oahpaheaddji leat dávdaluvvan koronavirusii. Dávdaluvvan lea dáhpáhuvvan oahppodiimmuid áigge. Dávdaluvvan olbmot biddjojuvvojit karantenii ja eará doaibmabijut eai dán muttus dahkkojuvvo. Karantenii mearriduvvon olbmot galget ohcalit destii, juos dávdamearkkat vuhttojit.
Bearjadaga 22.1. dávdaluvvamat leat sáhttán dáhpáhuvvat Roavenjárggas maiddái Liikku-álšaguovddážis sulaid diibmu 14.40 ja 16.30 gaskkas. Vejolaš dávdaluvvamis galgá ohcalit destii go unnánašge njoammundávdamearkkat dihttojit.
Dasa lassin namuhuvvon áigge álšaguovddážis guossástallan olbmot bivdojuvvojit váldit oktavuođa Roavenjárgga gávpoga guorraneiseválddiide, geat sáhttet dahkat árvvoštallama njoammunriskkas. Roavenjárgga gávpoga guorraneiseválddiide telefonnummárat leat 016 3224600, 016 322 4610 ja 016 322 4620. Nummáriidda vástiduvvo mánnodagas/vuossárgga duorastahkii diibmu 8-16 ja bearjadagaid diibmu 8-15.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 2: 5 dáhpáhusa
Vahkku 3: 26 dáhpáhusa
Vahkku 4 (nohkavaš vahkku): 14 dáhpáhusa (28.1. d. 12.00 rádjái)
Buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 483 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 10.17)
Koronavirusdilli lea Oarjebađaeatnama viidodagas ain jođálnuvvanmuttus.
Njoammundávdadoaktára mearran karantena rihkkun sáhttá leat ráŋggaštanvuloš dahku – vearrámus dáhpáhusas nuppi olbmo njoammudeapmi sáhttá leat várálaš
Nohkavaš vahku ođđa dávdadáhpáhusat leat gávnnahuvvon dán rádjái 10. Vahku 3 Oarjebađaeatnama buohccedikšunbiirre viidodagas váldojuvvoje oktiibuot 797 koronavirusčájánasa, main 17 ledje positiivvalaččat.
Oarjebađaeatnama buohccedikšunbiire muittuha, ahte njoammundávdadoaktára mearran karantena rihkkun lea ráŋggaštanvuloš dahku, mii sáhttá mielddisbuktit duođalaš čuovvumušaid. Oppalašvárálaš njoammundávdan koronavirusinfekšuvdna sáhttá karantena rihkkuma čuovvumuššan njoammut omd. vuoras olbmui, geasa dávda sáhttá leat vearrámussan várálaš.
Joavkoboahkuheamit johtui easka njukčamánus
Njoammunguorran guovllus lea lihkostuvvan bures ja sulaid 85 proseantta buot njoammumiin leat gurrojuvvon. Maiddái dilli buohccedikšuma hárrái lea ráfon mannan vahku maŋŋel.
Riikkaviidosaš ráddjehusat, mat gusket rádjejohtalusa, leat čavgan odne. Ráji rastá lea lobálaš dušše vealtameahttun bargomátkejohtalus. Ráji rastá barggus mátkkošteaddjit galget mannat koronadeasttas okte vahkus, dehe sii galget čájehit duođaštusa jahkebeale siste buhccojuvvon koronavirusdávddas.
Guvllolaš pandemiijabargojoavku muittuha, ahte buohkat geain leat dávdamearkkat, galget ohcalit koronavirusdestii, vaikko dávdamearkkat livčče dušše litnásat. Dat, geain leat dávdamearkkat, galget vuordit destii mannama ja deastabohtosa iešoaivválaš karantenas ja sii galget vealtit buot ruovttu olggobeale sosiála kontávttaid. Karantena doahttaleapmi lea hui dehálaš epidemiija caggamis.
Boahkuheamit ovdánit, muhto njozet
Boahkuheamit ovdánit njozet, daningo boahkuhanávdnasat leat ožžojuvvon riikii njoazibut go maid nohkkojuvvoje. Dán rádjái leat boahkuhuvvon dearvvašvuohtafuolahusa bargit ja dikšunovttadagaid orrut. Maiddái ruovttudikšuma áššehasaid boahkuheamit leat johttáhuvvon dehe álgime. Gielddat dieđihit boahkuhemiin iežaset neahttasiidduin.
Unnánaš boahkuhanávnnasdoaimmahusaid dihte joavkoboahkuheamit álggahuvvojit Oarjebađaeatnama gielddain easka njukčamánus. Boahkuhemiid álggaheamis dieđihuvvo viidát dakkaviđe, go áigedávval gárvána. Gielddain lea válmmasvuohta boahkuhemiid jođánis johttáheapmái.
Ráddjehusat ovddešlágánin
Oarjebađaeatnama guvllolaš pandemiijabargojoavku ávžžuha, ahte čuoiganluopmovahku eai ordnejuvvo rihppaleairrat, muhto dat sirdojuvvojit maŋit áigemuddui. Lahkoneaddji stuđeantačállimiid hárrái bargojoavku linnje, ahte čállimiidda sáhttet koronadorvvolašvuođa rávvagiid (muohtomáska, dorvogaska) doahttalettiin oassálastit maid stuđeanttat, geain leat litna dávdamearkkat, ja geaid koronavirusčájánas lea negatiivvalaš.
Dáláš koronavirusráddjehusat ja -ávžžuhusat guovllus leat vuoimmis 18.2.2021 rádjái. Buot Oarjebađaeatnama guovllu gustojeaddji ávžžuhusat ja ráddjehusat leat čohkkejuvvon deike sihke buohccedikšunbiirriid fierbmesiidduide.
-Oarjebađaeatnama guvllolaš pandemiijabargojoavku
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 2: 15 dáhpáhusa
Vahkku 3: 17 dáhpáhusa
Vahkku 4 (nohkavaš vahkku): 10 dáhpáhusa (28.1. d. 10.17 rádjái)
Buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 437 dáhpáhusa.
Infekšuvnnaid duostunovttadat