Duorastat 3.2.2022

Sámi (Lappi) koronageahčastat almmustuhttojuvvo jorgalussan vahkkosaččat.

Buohkat, geat orodit Sámis (Lappi), galget ohcalit destema várás dakkaviđe go dávdamearkkat, mat čujuhit njoammumii, ilbmudit. Sámi (Lappi) gielddat fállet dávdamearkkalaš olbmuide nuvttá destema.
(Liŋka: SDM koronavirusdestema strategiija) (suomagillii)

Áigeguovdilis liŋkkat:

• Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
• SBDB: Ráva koronapositiivvalaččaid deastabohtosa ožžon mátkkálažžii
• DBL: Mátkkošteapmi ja koronaviruspandemiija (dušše suomagillii)
• Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
• SBDB: Ráva COVID-19-positiivvalažžii erremis ja dávdaluvvan olbmuid dieđiheamis

Sámi (Lappi) buohccedikšunbiire

(dieđut 3.2. diibmu 15.15) 

Sámi buohccedikšunbiire lea epidemiija leavvanviidodat

Guovtti vahku ilbmudanlohku (17.–30.1lea 2514,0/100 000 orru.
Ovtta vahku ilbmudanlohku (24.–30.1.) lea 1276,7/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Njoammunmearit bissot dássedin

Nohkavaš vahku leat raporterejuvvon 891 ođđa njoammundáhpáhusa. Dáhpáhusmearit leat dán muttos seamma dásis go mannan vahku. Eanas nohkavaš vahku njoammumiin leat gávnnahuvvon Roavenjárggas.

Mannan vahku (17.–23.1.) Sámi buohccedikšunbiirre viidodagas gávnnahuvvoje oktiibuot 1493 njoammuma. Viidodagas dahkkojuvvoje 7609  koronavirusdeastta ja dain hoahppoantigenadeasttat ledje 7148  stuhka. Positiivvalaččaid oassi dahkkojuvvon deasttain lei 19,61 proseantta.

Sámi buohccedikšunbiirre koronakoordinašuvdnajoavkku dillegeahčastat 21.1.2022

Sámi buohccedikšunbiirre koronakoordinašuvdnajoavkkus lea 21.1.2022 addojuvvon ávžžuhus Sámi buohccedikšunbiirre viidodagas čuovvovaš áššiide: 

Sámi buohccedikšunbiirre viidodagas koronadesten viggojuvvo doallat ain alla dásis. 
Koronapositiivvalaš olbmuide kontávtta doallan ja sin bidjan erremii njoammudávdaeiseválddiid doaimmas jotkojuvvo ain. 

Koronai dávdaluvvan olbmuide kontávttaid doallamis ja sin bidjamis karantenii luhppojuvvo. 

FFP2-vuoigŋansujiid atnu bargovehkii ávžžuhuvvo mearreáigásaččat 28.2.2022 rádjái akuhtaossodagain ja guorahallama mielde maid dikšunovttadagain.

Sámi (Lappi) guovllu áigeguovdilis ávžžuhusat ja ráddjehusat leat dego dábálaččat gávdnamis www.koronaturvallinenlappi.fi -siiddus.

Lassidieđut

Jukka Mattila
jođiheaddji njunušdoavttir
tel. 050 572 6277

Markku Broas
infekšuvdnanjunušdoavttir
t. 050 347 2387

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 3: 1442 dáhpáhusa
Vahkku 4: 1493 dáhpáhusa
Vahkku 5: (nohkavaš vahkku) 891 dáhpáhusa (3.2. diibmu 15.15 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 10772 dáhpáhusa. Lohkui gullet maid olgobáikegotti olbmot.

• Bargu fállun: Boađátgo Sámi buohccedikšunbiirre gielddaide duostut korona boahkuheaddjin, guorrin dehe čájánasváldin?  (suomagillii)

Dáláš boahkuhangokčevašvuohta (beaiváduvvon 3.2.)

12 JAGI DEAVDÁN OLBMUIN	Sámi buohccedikšunbiire	Oarjebađaeatnama buohccedikšunbiire	Oba Suopma
1. attus	89,6 %	88,9 %	87,4 %
2. addosa	86,9 %	86,0 %	84,7 %
3. addosa	58,4 %	55,7 %	55,3 %

 

BUOT OLBMUIN	Sámi buohccedikšunbiire	Oarjebađaeatnama buohccedikšunbiire	Oba Suopma
1. attus	81,2 %	79,2 %	78,0 %
2. addosa	76,4 %	74,9 %	73,7 %
3. addosa	48,3 %	45,5 %	45,1 %

***

Oarjebađaeatnama buohccedikšunbiire

(dieđut 2.2. diibmu 13.16)

Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija leavvanviidodat

Njoammunmearit lassáneame – stuorimus dávdamearri ii leat vel olahuvvon

Gaskavahkkoiđida rádjái Oarjebađaeatnama buohccedikšunbiirres leat gávnnahuvvon nohkavaš vahku 245 koronanjoammuma.  Njoammunmearit leat ein lassáneame. Mannan vahku viidodagas gávnnahuvvoje sullii 650 njoammuma.

Mannan vahku dahkkon mearrádusa mielde visot dávdaluvvan olbmot eai šat gurrojuvvo eaige visot dávdaluvvan ja njomohallan olbmot šat merrojuvvo karantenii dehe erremii. Litná dávdamearkkalaččat leat ávžžuhuvvon bissut erremis eaktodáhtolaččat, muhto koronadestii ohcaleapmi ii leat šat vealtameahttun. Deastameriid vuođul destii ohcaluvvo goitge ein herkket.

Buohcceviessodikšumis leat dál oktiibuot 19 koronabuohcci. Oarjebađaeatnama guovddášbuohcceviesus lea dikšumis čieža koronabuohcci, geain vihttasis koronanjoammun lea dikšuma deháleamos ágga. Beaktodikšun ii dárbbahuvvo dálá dilis. Dearvvašvuohtaguovddáža seaŋgaossodagain leat dikšumis 12 koronabuohcci, geain sulaid bealli dikšojuvvojit koronanjoammuma dihte.

Dearvvašvuohtafuolahusas bargoveaga eretorrumat leat maŋemus vahkuid lassánan. Vuoigŋanoalledávdamearkkain gillájeaddji sosiála- ja dearvvašvuohtafuolahusas bargit ávžžuhuvvojit ein ohcalit herkket koronadestii. Dávdaluvvan ja buohccán sode-bargit sihke sin bearašlahtut biddjojuvvojit ein njoammudávdalága mielde karantenii dehe erremii. Eretorrumat eai goitge leat vel mearkkašahtti ládje váikkuhan bálvalusaid ordnemii.

Ráddjehusat joatkahuvvet, boahkuheapmi ávžžuhuvvo velnai

Oarjebađaeatnama guvllolaš pandemiijabargojoavku ávžžuha dáláš ráddjehusaid joatkima, daningo viidodat lea njoammumiid ceakkoloktaneami muttus. Alimus dávdamearri ii leat vel olahuvvon. Ráddjehusat leat vealtameahttumat, vai sosiála- ja dearvvašvuohtafuolahusa bargoveaga eretorrumat ja buohcceviessonoađuheapmi eai šattale meareheamit. Lagasguovlluin ráddjehusat leat juo litnuduvvon.

Álbmotdilálašvuođa ráddjehusain mearrá Sámi guovlohálddahusdoaimmahat. Dálá áigge lea vuoimmis mearrádus (suomagillii), mii gieldá álbmotdilálašvuođaid sissajiin ja almmolaš čoakkámiid, maidda oassálastet badjel 20 olbmo.  Oarjebađaeatnama viidodagas gustojeaddji koronaávžžuhusat leat čohkkejuvvon suomagillii  buohccedikšunbiirre fierbmesiidduide.

Guvllolaš pandemiijabargojoavku ávžžuha ein boahkuheami korona vuostá. Boahkuheapmi duddje ein bures dávdda duođalaš hámiin, vaikko ođđa variánttat orrot garvime boahkuheami addin suoji. Gielddat dieđihit boahkuhemiin ja daid áigedávvalis iežaset fierbmesiidduin. 

Oarjebađaeatnama guvllolaš pandemiijabargojoavku 

Lassidieđuid addá: sadjásaš jođiheaddji njunušdoavttir Petra Portaankorva, tel. 040 168 5211

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 3: sullii 450 dáhpáhusa
Vahkku 4: sullii 650 dáhpáhusa
Vahkku 5: (nohkavaš vahkku): 245 dáhpáhusa (2.2. diibmu 13.16 rádjái)

Infekšuvnnaid duostunovttadat