Duorastat 4.2.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 12.00)
Guovtti vahku almmáiduvvanlohku (vahkut 3 ja 4) lea 42,8/100 000 orru.
Ovtta vahku almmáiduvvanlohku, vahku 4 oasis lea 18,8/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Visot vuovdilobi ožžon boahkuhanávdnasiid beaktoattus addojuvvo dás maŋás 13 vahku geahčen – juo addojuvvon beaktoboahkuhanáiggit šaddet šluhttejuvvon boahtte vahku rájes
Nohkavaš vahku Sámi buohccedikšunbiirres leat gávnnahuvvon guhtta dáhpáhusa. Njoammumiin njeallje gávnnahuvvoje Roavenjárggas, main guovttis njoammumat laktásit ovddit njoammungollosii ja olbmot leat leamaš válmmasin karantenas ja guokte Gihttelis, main nubbi lea olgobáikegotti olmmoš ja nubbi olgoriikka olmmoš.
Vahku 4 Sámi buohccedikšunbiirres fuomášuvvoje oktiibuot 22 dáhpáhusa, main vihtta gávnnahuvvoje olgobáikegotti olbmuin. Vaikko Kolaris gávnnahuvvoje máŋga njoammuma, de dat laktásit váldoáššis ovtta stuora njoammungollosii. Dán lági mielde Kolarisge ii leat fuomášuvvon epidemiija jođálnuvvan ja oba Sámi buohccedikšunbiirres leat ain epidemiija vuođđodásis.
Dearvvašvuođa ja buresbirgejumi lágádus linnjii, ahte buot Suomas vuovdinlobi ožžon, dehege Pfizer-BioNTechi, Moderna sihke AstraZeneca boahkuhanávdnasiid beaktoaddosat addojuvvojit dás maŋás 12 vahku geahčen vuosttaš boahkuhanaddosa oažžumis. Rávven álgojuvvo ollašuhttit dakkaviđe, muhto maŋemusat boahtte vahku rájes juo addojuvvon beaktoboahkuheami addimii dárkkuhuvvon fitnanáiggit šluhttejuvvojit. Ná seastahuvvan boahkuhanávdnasat čuozihuvvojit badjel 80-jahkásaččaid boahkuhemiide.
Oanehisáigge stuđeantalonohallan ávžžuhuvvo gaskkalduhttojuvvot gaskaboddasaččat
Sihke Supmii boahtti ja Suomas vuolgi oanehisáigge stuđeantalonohallan ávžžuhuvvo gaskkalduhttojuvvot, muitala Dearvvašvuođa ja buresbirgejumi lágádus. Oanehisáigge stuđeantalonohallamiin dárkkuhuvvojit oanehis, ovdamearkka dihte vahkuid bisti intensiivakurssat giella- ja kulturlonohallamat sihke eará lohkanbaji oanehit lonohallanráidduid.
Ággan leat lunddolaš oassin stuđeanttaid čoahkkaneamit, mat gullet stuđeantalonohallamii, ja mat sáhttet dagahit riskka njoammumiid lávdamii. Kurssat ordnejuvvojit váldoáššis gáiddusoahpahussan, goas oanehis stuđeantalonohallamiin vuojulduvvo lagamusat stuđeanttaidgaskasaš sosiálalaš dahkamuššii. Koronavirus dihtto máŋggain riikkain čielgasit eanet go Suomas.
Jyväskylä viiddes dávdaluvvamat ja spiehkastatviiddes koronanjoammumat leat čájehan, ahte stuđeanttaid čoahkkaneamit sáhttet ráhkadit riskka korona jođálnuvvamii.
Earáhuvvan koronavirusa dihte ávžžuhuvvo ollásit vealtit mátkkošteami Stuora-Británnia, Lulli-Afrihká ja Irlándda lassin dás maŋás maid Portugalii ja Brasiliai. Eará riikkaid buohta máilmmiviidosaš oppalašávžžuhus koronaviruspandemija dihte lea garvit dárbbašmeahttun mátkkošteami. (Gáldu: Olgoáššiidministeriija)
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 3: 28 dáhpáhusa
Vahkku 4: 22dáhpáhusa
Vahkku 5 (nohkavaš vahkku): 6 dáhpáhusa (4.2. d. 12.00 rádjái)
Buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 499 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 11.36)
Koronavirusdilli lea Oarjebađaeatnama viidodagas ain jođálnuvvanmuttus.
Mannan vahku álggahuvvon rádjedestema mielde njoammumat gávdnojit álkibut
Vahku 4 Oarjebađaeatnama buohccedikšunbiirre viidodagas váldojuvvoje oktiibuot 864 koronavirusčájánasa, main 29 ledje positiivvalaččat. Nohkavaš vahku dávdadáhpáhusat ledje fuomášuvvon oktiibuot 16.
Mannan vahku Durdnosis álggahuvvui rádjerasttildeddjiid mássádesten. Njoammumat leat dán mielde gávnnahuvvon ovddibu eanet, daningo rádjerasttildeaddjit lea eanas dávdamearkkaheamit, geat eai muđuid destejuvvo. Eanas ođđa njoammumiin leat gávnnahuvvon rádjerasttildeddjiin, geat orrot Ruoŧa bealde. Oktage earáhuvvan koronavirusnjoammun ii leat doaisttážii gávnnahuvvon Oarjebađaeatnamis. Maiddái buohcceviessodikšuma hárrái dilli lea bisson ráfálažžan. Epidemiija lea guovllus jođálnuvvanmuttus.
Koronaboahkuhemiid áigedávvalat earáhuvvet – dás maŋás beaktoboahkuheapmi addojuvvo 12 vahku geahčen vuosttaš addosa oažžumis
DBL ievttáš ávžžuhusa mielde guovvamánnui plánejuvvon koronavirusboahkuheamit earáhuvvet Oarjebađaeatnamis. Ikte boahtán boahkuhanearri stivrejuvvo ovddit plánas spiehkasteaddji ládje beavttálmahttimiid sajis ođđa buhcciid boahkuheapmái.
Boahkuhemiid beaktogaskkat leat riikkaviidosaččat guhkiduvvon 12 vahkkui, daningo juo 1. attus addá fuopmášahtti suoji duođalaš koronavirusinfekšuvnna várás.
Oarjebađaeatnama gielddat leat dál boahkuheame birrajándordivššu ja ruovttudikšuma áššehasaid. Čuovvovažžan boahkuheamit sirdásit ruovttus orru badjel 80-jahkásaš olbmuide. Boahkuhemiid ovdáneamis ja ollašuhttimis leat gieldaguovdasaš erohusat. Olbmot ávžžuhuvvojit čuovvut iežaset ruovttugieldda interneahtta-siidduid boahkuhaninfo ja báikkálaš mediaid. Gielddat dieđihit áššis boahtte bahku áigge.
Eará álbmotjoavkkuid boahkuhemiid áigedávvaliin dieđihit viidát, go boahkuheamit ovdánit. Sávvat olbmuin gierdavašvuođa, daningo boahkuhanvuoruid jearadeapmi noađuha dearvvašvuohtafuolahusa viidát.
Ráddjehusat gusket maid valáštallama
Dáláš koronaráddjehusat ja -ávžžuhusat leat vuoimmis 18.2.2021 rádjái. Dát geahčaduvvojit čuovvovaš háve guvllolaš pandemiijabargojoavkku čoakkámis 10.2.2021. Dálá epidemiijadilis ráddjehusaid ii leat vejolaš ložžet.
Buot badjel 10 olbmo álbmotdilálašvuođat ja almmolaš čoakkámat Oarjebađaeatnama guovllus leat gildojuvvon Sámi guovlohálddahusdoaimmahaga mearrádusain seamma ládje 18.2.2021 rádjái. Guovlohálddahusdoaimmahat AVI lea dárkkálnuhttán álbmotdilálašvuođaid meroštallama nu, ahte maiddái iešguđetlágán mássávaláštallandáhpáhusat gehččojuvvojit álbmotdilálašvuohtan, vaikko báikki nalde eai livčče olbmot. Dárkilit dieđut: Guovlohálddahusdoaimmahat
Badjel 18-jahkásaččaid joavkolundosaš áiggeádjedoaimmat, mat dáhpáhuvvet sissajiin, ávžžuhuvvojit gaskkalduhttojuvvot 18.2.2021 rádjái. Ávžžuhus guoská maid SM-dási joavkogilvovaláštallama. Gielddat dahket lihkadanbáikkiid anus ja daid giddemis iežaset mearrádusaid.
Vuollel 18-jahkásaččaid áiggeádjedoaimmas eai leat ráddjehusat, muhto koronadorvvolašvuođa rávvagat (máska, dorvogaska, giehtahygieniija) galget jotkojuvvot ovddeš ládje.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 3: 17 dáhpáhusa
Vahkku 4: 29 dáhpáhusa
Vahkku 5 (nohkavaš vahkku): 16 dáhpáhusa (4.2. d. 11.36 rádjái)
Buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 472 dáhpáhusa.
Infekšuvnnaid duostunovttadat