Duorastat 8.4.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 13.33)
COVID-19-dilli lea riikkaviidosaččat hedjonan. Eatnasat buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirre dilli lea maŋemus guovtti vahku áigge dovdomassii ráfon ja Sámi buohccedikšunbiirre koronakoordinašuvdnajoavku lea dahkan mearrádusa viidodaga sirdáseamis ruovttoluotta vuođđodássái cuoŋománu 6. beaivve rájes.
Guovtti vahku almmáiduvvanlohku (vahkut 12 ja 13) lea 18,0/100 000 orru.
Ovtta vahku almmáiduvvanlohku (vahkku 13) lea 6,8/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Sámi buohccedikšunbiirres lea disdaga/maŋŋebárgga 6.4. sirdásuvvon epidemiija vuođđomuddui
Nohkavaš vahku leat gávnnahuvvon guokte njoammuma, muhto njommohallan olbmot eai šat orot Sámi buohccedikšunbiirre viidodagas, eaige buohccedikšunbiirres leat dáhpáhuvvan dávdaluvvamat dáhpáhusaid dihte. Dáhpáhusat registrerejuvvojit goitge Sámi buohccedikšunbiirre njoammumin destenbáikki ja ruovttubáikegotti vuođul.
Disdaga 6.4.2021 čoahkkanan Sámi buohccedikšunbiirre koronakoordinašuvdnajoavku geahčai, ahte koronavirusdilli lea ráfon viidodagas ja mearridii, ahte viidodagas máhccojuvvo koronavirusepidemiija vuođđodássái:
Guovtti maŋemus vahku áigge leat gávnnahuvvon logenáre ovttaskas njoammundáhpáhusa vahkus, main eatnasat olgobáikegotti olbmuin. Njoammungollosat eai leat šaddan. Dávdda almmáiduvvanlohku lea čielgasit boahtime vulos. Dearvvašvuođa ja buresbirgejumi lágádusa raportta mielde guovtti maŋemus vahku oasis dávdda almmáiduvvanlohku lei 13,7 dáhpáhusa 100 000 orru guovdu, mii lea riikkaviidosaš dásis nubbin vuolimus.
Buohccedikšunbiirre viidodagas leat ain váldojuvvon eatnat koronadeasttat. Mannan vahku dahkkojuvvoje 3839 koronadeastta, main positiivvalaččaid oassi lei 0,21 %.
Sámis (Lappis) lea bargojuvvon luopmobajis koronadorvvolaččat ja addojuvvon rávvagat leat doahttaluvvon bures. Vai dilli livččii bissut dás maŋásge buorrin, koordinašuvdnajoavku muittuha leavvama eastadeami várás addojuvvon dorvvolašvuođa rávvagiin. Ain lea dehálaš fuolahit giehta- ja gossanhygieniijas, doallat 2 mehtera dorvogaskkaid, garvit olmmošjoavkkuid, atnit muohtomáskka ja ohcalit litna dávdamearkkainnai koronadestii.
Earáhuvvamat ávžžuhusaide
Koordinašuvdnajoavku manai čađa iežas addin rávvagiid ja ávžžuha, ahte badjel 20 heakka priváhtadilálašvuođat ja čoahkkaneamit garvojuvvole, gáiddusbarggut jotkojuvvole ja skuvllain bargoveahka ja badjel 6-luohkálaččat doalale ain muohtomáskka. Koordinašuvdnajoavku mielde šat ii leat dárbu badjeskuvllaid ja 2 dási oahppolágádusaid gáiddusoahpahussii iige badjel 16-jahkásaččaid joavkodoaimma gaskkalduhttimiidda.
Ain ávžžuhuvvo goitge, ahte buohccedikšunbiirre rájiid rasttildeaddji valáštallan- ja lihkadandáhpáhusat eai lágiduvvo 24.4. rádjái. Ávžžuhus guoská buotahkásaš ovttahatolbmo- ja joavkošlájaid lihkadan- ja valáštallandáhpáhusaid sis- ja olgosajiin. Ávžžuhus ii goitge guoskka riikajoavkodoaimma iige SM- ja 1-divišuvdnadási gilvodáhpáhusaid.
Koronakoordinašuvdnajoavku gieđahalai čoahkkimis maid Gihttela dávdadili. Guovtti maŋemus vahku áigge lea gávnnahuvvon koronanjoammun guovtti báikegotti olbmos, eará gávnnahuvvon dáhpáhusat leat leamaš olgobáikegotti olbmuin. Gieldda unna orrumearáža dihte almmáiduvvanlohku lea 31,3 / 100 000 orru guovdu. Koordinašuvdnajoavku geahččá, ahte viidodaga restauráŋŋasteŋgen ii leat epidemiija hálddašeami vuođul vealtameahttun ja lea dán dáfus fitnodatolbmuide meariheapme. Koordinašuvdnajoavku ovdanbuktá stáhtaráđđái, ahte Gihttela guovllu restauráŋŋastengen galggalii burgojuvvot.
Infekšuvnnaid duostunovttadat giitá ovddasvástáduslaš doaimmas ja ávžžuha joatkit seammá ládje
Sámis (Lappis) ovddasvástáduslašvuohta vuhtto lappilaččaid go mátkkálaččaid, fitnodagaid, servošiid ja oahppolágádusaid oasis. Infekšuvnnaid duostunovttadat ávžžuha joatkit ovddasvástáduslaš doaimma lihkka mállegelbbolaččat go dánnai rádjái. Jotkot dorvogaskkain fuolaheami, atnot máskkaid ja ollašuhttot buori giehtahygieniija sihke ohcaluvvot dás maŋásge destema várás vuollegis šielmmáin.
Sáhttit gávnnahit, ahte hoahppoantigenadesten, mii geavahuvvo Sámi buohccedikšunbiirre viidodagas, doaibmá bures. Deastabohtosa oažžu jođánit, goas maid njoammumiid leavvan sáhttá ráddjejuvvot áhpasit. Buohccedikšunbiirre viidodagas deasttat dahkkojuvvojit ain riikkaviidosaččat earenoamáš gokčevaččat.
Boahkuhangokčevašvuohta Sámi buohccedikšunbiirres
Gaskavahkku 7.4. Sámi buohccedikšunbiirres unnimusat vuosttaš boahkuhanaddosa ožžon olbmot ledje 18,8 proseantta guovllu álbmogis. Vulobeale dávvalis lea ilmmuhuvvon boahkuhangokčevašvuohta ahkejoavkkuid mielde buohccedikšunbiirre viidodagas.
80 jagi deavdán olbmuin boahkuheami leat ožžon 84,2 proseantta, 75–79-jahkásaččain 80,3 proseantta sihke 70–74-jahkásaččain 43,0 proseantta.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 12: 13 dáhpáhusa
Vahkku 13: 8 dáhpáhusa
Vahkku 14 (nohkavaš vahkku): 2 dáhpáhusa (8.4. d. 13.33 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 749 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 9.27)
Oarjebađaeatnama buohccedikšunbiire lea epidemiija jođálnuvvanmuttus.
Mannan vahkku lei Oarjebađaeatnamis jaskat, njoammumat ledje dušše guokte
Nohkavaš vahku njoammumat leat gávnnahuvvon oktiibuot čieža. Odne dáhpáhusat gávnnahuvvoje guokte ja dat leat karantena siste. Karantenas leat dál sulaid 50 olbmo.
Oarjebađaeatnama buohccedikšunbiirres gavnnahuvvoje vahku 13 dušše guokte koronavirusdáhpáhusa. Guovtti vahku almmáiduvvan luittii mannan vahku vuođđodási lahka ja almmáiduvvanlohku lei 11,7/100 000 orru.
Almmáiduvvan loktanišgođii goitge ođđasit, go Nuortabađaeatnamis gávnnahuvvoje mánnodaga áigge vihtta koronavirusnjoammuma. Oassi dáin dáhpáhusain laktásit Durdnosa Näätsaari skuvlii, mii lea biddjon karantenii 15.4. rádjái. Skuvla lea gáiddusoahpahusas karantena loahpa rádjái.
Davvi-Ruoŧa dávdadilli lea ain váttis, mii vuhtto maid Oarjebađaeatnama njoammumiin. Davvi-Ruoŧa ruvkkiin Supmii mahccit gánnáhit mannat ráje nalde koronadeasttas álohii go máhccet riikii.
Oassái koronavirusdávda dihtto dušše litna nuorvodávdamearkkaiguin. Juo litna dávdamearkkaid dihte gánnáha ohcalit koronavirusdestii epidemiija leavvama caggama várás. Beassážiid luopmoreaissus máhcadettiin dát lea earenoamáš dehálaš, daningo guovllu dávdadilli sáhttá hedjonit jođánit.
Muittuhus: Dávdaluvvamis sáhttá gollat juobe guokte vahku dávdda almmáiduvvamii – destii sáhttá ohcalit álohii unnánašge dávdamearkkain
Koronavirusdávdda ihtináigi lea gaskamearálaččat 5-6 jándora. Oassi dáhpáhusain almmáiduvvet easka 10-14 jándora dávdaluvvamis. Dán dihte lea hui dehálaš, ahte litna dávdamearkkaidge iđedettiin ohcaluvvo koronavirusdestii, vaikko máŧolaš mátkkis váddásit epidemiija-guovlluide livččii gollan guhkit áigi.
Lea maid buorre muitit, ahte vaikko koronavirusdeasta livččii negatiivvalaš, nu buohccin galgá bissut ruovttus iige mannat bargui.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 12: 6 dáhpáhusa
Vahkku 13: 2 dáhpáhusa
Vahkku 14 (nohkavaš vahkku): 7 dáhpáhusa (8.4. d. 9.27 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 588 dáhpáhusa.
Infekšuvnnaid duostunovttadat