Duorastat 9.12.2021

Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.

Áigeguovdilis liŋkkat:

• Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
• SBDB: Ráva koronapositiivvalaš deastabohtosa ožžon mátkkálažžii (dušše suomagillii)
• DBL: Mátkkošteapmi ja koronaviruspandemiija (dušše suomagillii)
• Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
• TDBL: COVID-19-boahkuhemiid ovdáneapmi (dušše suomagillii)
• Logahallan dávdaluvvanbáikkiin maŋemus guovtti vahku áigge (áigeguovdilaston 9.12.)  (dušše suomagillii)

Sámi (Lappi) buohccedikšunbiire

(dieđut 9.12. diibmu 14.58)

Sámi buohccedikšunbiire lea epidemiija vuođđodásis earret Roavenjárgga gávpoga, mii sirdásii leavvanguovlun 30.11.2021.
Roavenjárgga gávpoga árrodili njunušjoavkku ásahan gáržžideamit ja ávžžuhusat 31.12.2021 rádjái. (suomagillii)

Guovtti vahku ilbmudanlohku (22.11–5.12.) lea 249,0/100 000 orru.
Ovtta vahku ilbmudanlohku (29.11.–5.12.) lea 144,6/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Máŋggat njoammumat gávnnahuvvon dál Roavenjárgga lassin maid Anáris ja Gihttelis

Mannan vahku (vahkku 48) Sámi buohccedikšunbiirre viidodagas gávnnahuvvoje oktiibuot 169 koronanjoammuma. Viidodagas dahkkoje 5557 koronavirusdeastta. Positiivvalaččaid oassi dahkkojuvvon deasttain lei 3,04 proseantta. Nohkavaš vahku leat gávnnahuvvon oktiibuot 136 njoammuma. Eatnasat njoammumiin leat gávnnahuvvon Roavenjárggas. Anáris ja Gihttelis leat gávnnahuvvon máŋga njoammuma.

Roavenjárggas dihtto dál eatnat koronavirus ja vejolaš dávdaluvvanbáikkit leat eatnatlohkosaččat. Velge ii leat ilá maŋŋit ohcat vuosttaš koronaboahkuheami.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 47: 122 dáhpáhusa
Vahkku 48: 169 dáhpáhusa
Vahkku 49: (nohkavaš vahkku) 136 dáhpáhusa (9.12. diibmu 14.58 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 2186 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Dáláš boahkuhangokčevašvuohta (áigeguovdilaston 9.12.)

12 jagi deavdán olbmuin	Sámi buohccedikšunbiire	Oarjebađaeatnama buohccedikšunbiire	Oba Suopma
1. boahkuhanaddosa	87,1 %	86,2 %	87,1 %
2. boahkuhanaddosa	82,5 %	81,1 %	82,4 %

Buot olbmuin	Sámi buohccedikšunbiire	Oarjebađaeatnama buohccedikšunbiire	Oba Suopma
1. boahkuhanaddosa	77,3 %	76,3 %	76,7 %
2. boahkuhanaddosa	73,3 %	71,8 %	72,6 %

***

Oarjebađaeatnama buohccedikšunbiire

(dieđut 8.12. diibmu 13.27)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija leavvanmuttus.

Guvllolaš pandemiijabargojoavku: Čoahkkananráddjehusaid joatkka vealtameahttun

Nohkavaš vahku Oarjebađaeatnama buohccedikšunbiirre viidodagas leat gávnnahuvvon 12 njoammuma gaskavahku iđđesbeaivve rádjái. Mannan vahku njoammunmearrin sihkarmuvai dárkkistanrehkenastima maŋŋel 61 dáhpáhusa. Dain logi gávnnahuvvoje Ruoŧa bealde orruin, geat manne koronadeasttas ráji destenčuoggás.

Mannan vahku gávnnahuvvon báikkálaš njoammumiin dušše 60 proseantta sáhte guorrat. Dát muitala das, ahte dávda jođaša lupmosit álbmoga siste. Meri-Lappi lea ein epidemiija leavvanviidodat.

Oarjebađaeatnama guovddášbuohcceviesus leat dál divššus korona dihte čieža buohcci. Buohccedikšuma dárbu lea maŋemus vahku áigge veaháš unnon ja sierra koronabeaktu lea sáhttán burgojuvvot.

Oarjebađaeatnama viidodagas ii leat doaisttážii gávnnahuvvon oktage omikron-variántta njoammun.

Ráddjehusat ein vealtameahttumat

Oarjebađaeatnama viidodaga gielddain leat maŋemus vahkuid áigge váldojuvvon atnui čoahkkananráddjehusat ja dasa lassin viidodagas leat vuoimmis stáhtaráđi mearridan restauráŋŋaráddjehusat, mat leat vuoimmis gitta jagi loahpa rádjái. Ráddjehusaid molssaeaktun lea koronabássa atnuiváldin.

Viidodaga epidemiijadilli lea ein váttis. Guvllolaš pandemiijabargojoavku ávžžuha, ahte ráddjehusat jotkojuvvojit gielddain 16.1.2022 rádjái dađi lági mielde, ahte čoahkkananráddjehus čavgejuvvo 20 olbmui. Čoahkkananráddjehus guoskkalii alla ja gaskageardán riskka dáhpáhusaid, mat dáhpáhuvvet sissajiin, almmolaš čoakkámiin ja álbmotdilálašvuođain 16-jahkásaččaid rájes. Ráddjehusa sáhtálii garvit koronabássa atnuiváldimiin. Pandemiijabargojoavku ávžžuha dasa lassin, ahte olmmošmearreráddjehus doahttaluvvo maid priváhta dilálašvuođain.

Visot oahpes koronadoaimmat – buorre giehtahygieniija, dorvogaskkat ja máskka atnu – leat ain áigeguovdilat. Oarjebađaeatnama viidodagas gustojeaddji koronaávžžuhusat leat čohkkejuvvon suomagillii  buohccedikšunbiirre fierbmesiidduide.

Riskajovkui gullevaš mánáid boahkuheamit álgime

Oarjebađaeatnamis leat álggaheame riskajovkui gullevaš 5-11–jahkásaččaid boahkuheamit. Gielddat dieđihit boahkuhemiin ja daid áigedávvalis ja áigevárremis iežaset fierbmesiidduin.

Oarjebađaeatnama guvllolaš pandemiijabargojoavku 

Lassidieđuid addá: jođiheaddji njunušdoavttir Jyri J. Taskila, 040 352 1097

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 47: 53 dáhpáhusa
Vahkku 48: 61 dáhpáhusa
Vahkku 49: (nohkavaš vahkku): 12 dáhpáhusa (8.12. diibmu 13.27 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1523 dáhpáhusa.

Infekšuvnnaid duostunovttadat

• 

• 

•