Gaskavahkku 1.9.2021

  • Rabas luohká vuoiti
    Wilma Lohi: Rokotekapina
  • Mánáid ja nuoraid luohká vuoiti
    Silja Ranta: Rokotuksen saaminen on cool
  • Ámmátolbmoluohká vuoiti
    Lasse Katainen & Jan Åqvist: Älä sie huijo
Sámi (Lappi) buohccedikšunbiire ja Oarjebađaeatnama buohccedikšunbiire ordneje koronaboahkuhanfáttá birra plakáhtagilvvu geasset 2021. Loga lasi: https://koronaturvallinenlappi.fi/julistekilpailu/ (suomagillii)

Sámi koronageahčastat almmustuhttojuvvo jorgalussan okte vahkus.  
Buohkat, geat orodit Sámis (Lappis), galget ohcalit destema várás vuollegis šielmmáin, unnánašge infekšuvnna dávdamearkkat ilbmudettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

Roavenjárga lea epidemiija jođálnuvvanmuttus. Muđuid Sámi buohccedikšunbiire lea epidemiija vuođđodásis.

Guovtti vahku ilbmudanlohku (16.–29.8.) lea 105,2/100 000 orru.
Ovtta vahku ilbmudanlohku (23.–29.8.) lea 34,2/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Nohkavaš vahku Sámi buohccedikšunbiirres viidodagas leat gávnnahuvvon oktiibuot 15 Covid-19 njoammundáhpáhusa. Visot dáhpáhusaid álgovuolgga lea bastojuvvon čilget. Dáhpáhusain 1 lea Soađegilis, 2 Gihttelis ja loahpat 12 Roavenjárggas, main bealli Ounasrinne skuvllas.

Mannan vahku buohccedikšunbiirre viidodagas gávnnahuvvoje 40 njoammundáhpáhusa, man muorječoggiin 19. Simerocka ja Jukola vuorroviehkamis eai leat velge gávnnahuvvon njoammundáhpáhusat. Daningo dáhpáhusain lea juo badjel vahkku áigi, oalle jáhkehahtti lea, ahte dáhpáhusat, mat laktásit dáidda, eai boađe ollenge.  

Mannan vahkku (23.–29.8.) koronavirusdeasttat dahkkoje oktiibuot 6104, dain positiivvalaččaid gávdnosat ledje 0,66 %. Dán rádjai viidodaga boahkuhanvuloš olbmuin ovtta boahkuheami leat ožžon 71,6 % ja goappašiid boahkuhemiid 46,6 %. 

Vejolaš dávdaluvvanbáikkit Roavenjárggas: Prisma so 29.8. d. 11.15–12.00 ja Kodin Terra so 29.8 d. 12.00–13.00

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 33:83 dáhpáhusa
Vahkku 34: 40 dáhpáhusa
Vahkku 35 (nohkavaš vahkku): 15 dáhpáhusa (1.9. d. 14:20 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 13470 dáhpáhusa. Lohkui gullet maid olgobáikegotti olbmot.

1.9.2021 Infekšuvnnaid duostunovttadat

***

Oarjebađaeatnama buohccedikšunbiire

Oarjebađaeatnama buohccedikšunbiirres leat dán vahku gávnnahuvvon oktiibuot gávcci ođđa koronavirusdáhpáhusa: disdaga guhtta ja odne guokte.

Mannan vahku 11 dáhpáhusas 13 gávnnahuvvoje karantena siste. Olgoriikkain (Ruoŧŧa) ilbmude vihtta. Suopmelaččat, geat barget Skiellehis, ávžžuhuvvojit ohcalit herkket koronavirusdestii, juos dávdamearkkat ilbmudit. Mannan vahku 11 njoammumis njeallje gávnnahuvvoje meaddeljohtinmátkkis leamaš olbmuin rádjedestemis.

Koronadestemis lea leamaš gaskkohagaid bahkadas. Vai dávdamearkkalaš olbmot besset áiggebále destii ja njoammunguorran doaibmá, de dávdamearkkahis olbmot eai galgga ohcalit almmá njoammundávdadoaktára sierra mearrama haga.

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 33: 17 dáhpáhusa
Vahkku 34: 11 dáhpáhusa
Vahkku 35 (nohkavaš vahkku): 8 dáhpáhusa (1.9. d. 14:10 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 867 dáhpáhusa.  

1.9.2021 Infekšuvnnaid duostunovttadat