Gaskavahkku 10.2.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 12.20)
COVID-19-dilli lea riikkaviidosaččat hedjonan. Eanas buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres leat ain vuođđomuttus.
Guovtti vahku almmáiduvvanlohku (vahkut 4 ja 5) lea 30,8/100 000 orru.
Ovtta vahku almmáiduvvanlohku, vahku 5 oasis lea 12,0/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Mannan vahku Sámi buohccedikšunbiirres viidodagas gávnnahuvvoje oktiibuot 14 dáhpáhusa
Nohkavaš vahku leat gávnnahuvvon oktiibuot ovcci dáhpáhusa.
Vahku 5 Sámi buohccedikšunbiirres fuomášuvvoje oktiibuot 14 koronavirusdáhpáhusa. Deasttat dahkkojuvvoje oktiibuot 3311, main 2897 ledje hoahppoantigenadeasttat. Positiivvalaččaid bohtosiid oassi dahkkojuvvon deasttain lei 0,69 %.
Nuppástusvirusdáhpáhusat leat lassánan Suomas ja dan dihte lea hui dehálaš, ahte ráji rasttildeaddjit destejuvvojit Supmii boađidettiin. Ná sáhttá estojuvvot epidemiijadilli hedjoneapmi. Rádjeservošii gullevaččain negatiivvalaš deastaboađus lea vuoimmis vahku hávális. Sámi buohccedikšunbiirre viidodaga Ruoŧa rádjerasttildanbáikkiin dáhpáhuvvet gaskamearálaččat 50-100 riikiiboahtima beaivvis. Norgga rádjerasttildanbáikkiin riikiiboahtimat dáhpáhuvvet sulaid 50.
Maiddái Ruoŧŧa čavge rádjerasttildeami njuolggadusaid
Ruoŧŧa gáibida dás maŋás olgoriikkalaš rádjerasttildeddjiin vuollái 48 diimmu boares negatiivvalaš deastabohtosa. Ođđa njuolggadusat bohtet vuoibmái ihkku bearjadaga ja lávvordaga gaskkas ja geavat bistá njukčamánu loahpa rádjái.
Ruoŧas Northvolta báhtterfabrihkas Skiellihis leat gávnnahuvvon eatnat koronavirusnjoammumat – fabrihkas barget s. 200 suopmelačča
Ruoŧas Northvolta báhtterfabrihkas Skiellihis leat gávnnahuvvon eatnat koronavirusnjoammumat. Oassi njoammumiin leat gávnnahuvvon Británnia nuppástusvirusa dagaheaddjin. Fabrihkas barget sulaid 200 suopmelačča.
Ruoŧa Skielliha Northvolta báhtterfabrihka dávdačoahkis leat dieđus dál oba Suomas oktiibuot 29 njoammuma, main viđas leat joatkkanjoammumat. Sámi buohccedikšunbiirre viidodagas Northvolta fabrihka njoammumiidda gullevažžan leat dál gávnnahuvvon oktiibuot vihtta, main golmmas leat joatkkanjoammumat. Suopmelaččat, geat barget Northvolta fabrihkas leat eanas fáhtejuvvon ja oahpistuvvon deasttaide. Njoammudávdaeiseválddit leat dahkan sidjiide karantenaárvvoštallama. (dieđut 9.2. d. 13.27)
Northvolta dilli čujuha man dehálaš lea, ahte buot ráji rasttildeaddjit manale koronavirusdeasttain Supmii boađidettiin. Dáinna lágiin sáhttá caggojuvvot ođđa virusvariánttaid jođánis leahtuin almmáiduvvan Suomas.
Ruoŧa Norrbottenis dáhpáhusmearit leat bisson seamman, muhto Västerbottenis dáhpáhusmearit lassánan
Ruoŧas Norrbottena leanas dáhpáhusmearit leat bisson seammalágánin. Mannan vahku (vahkku 5) dáhpáhusat gávnnahuvvoje oktiibuot 462 ja ovddet vahku (vahkku 4) oktiibuot 463. Háhpáránddis dáhpáhusmearit leat gahččan muhtin veardde, mannan vahku dáhpáhusat gávnnahuvvoje oktiibuot 34. Gironis dáhpáhusat gávnnahuvvoje 44, Övertorneås 10 ja Bájilis okta. Västerbottena leanas, gos lea Northvolta báhtterfábrihkka, koronavirusnjoammumiid mearit leat dan sadjái lassánan. Ovddet vahku (vahkku 4) dáhpáhusat gávnnahuvvoje Västerbottenis s. 450 ja mannan vahku (vahkku 5) dáhpáhusat gávnnahuvvoje s. 750-800.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 4: 22dáhpáhusa
Vahkku 5: 14 dáhpáhusa
Vahkku 6 (nohkavaš vahkku): 9 dáhpáhusa (10.2. d. 12.20 rádjái)
Buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 516 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 14.02)
Koronavirusdilli lea Oarjebađaeatnama viidodagas ain jođálnuvvanmuttus.
Guvllolaš pandemiijabargojoavku: ráddjehusat jotkojuvvojit njukčamánnui
Vahku 5 oarjebađaeatnama buohccedikšunbiirre viidodagas gávnnahuvvoje 29 ođđa koronavirusnjoammuma (ovdal dárkkistanrehkenastima ilmmuhuvvon lohku lei 31). Dáin 19 ledje njuolggonjoammumat Ruoŧas ja čieža dáhpáhusa gulle Northvolta báhtterfabrihka njoammunčoahkkái.
Visot Northvolta báhtterfabrihkas Skiellihis mannan vahku máhccan bargit leat biddjojuvvon karantenii fuolakeahttá koronadeastta bohtosiin. Dán vahku fabrihkas máhccan olbmot leat addán negatiivvalaš deastabohtosa ja sii leat oahpistuvvon 72 diimmu geahčen joatkkadestii iežaset báikegoddái.
Njoammunguorran lea doaibma áhpasit ja visot mannan vahku gávnnahuvvon njoammumat sáhttán gurrojuvvot. Maiddái buohccedikšuma hárrái dilli lea bisson ráfálažžan. Epidemiija lea oarjebađaeatnamis dán lági mielde ain jođálnuvvanmuttus. Nohkavaš vahku ođđa dávdadáhpáhusat leat gávnnahuvvon dán rádjái vihtta.
Ávžžuhusat ja ráddjehusat vuoimmis 18.3.2021 rádjái
Guvllolaš pandemiijabargojoavku mearridii joatkit dáláš koronaávžžuhusaid dohkkenáiggi 18.3.2021 rádjái. Sámi guovlohálddahusdoaimmahat dahká maŋŋel dán vahku mearrádusa, mii guoská čoahkkananráddjehusaid.
Guvllolaš pandemiijabargojoavku muittuha, ahte ávžžuhusat ja ráddjehusat gusket maid SM-dási joavkogilvovaláštallama. Vuollel 18-jahkásaš joavkohápmásaš áiggeádjedoaimmat dan sadjái eai leat ráddjejuvvon. Dain fertejit goitge doahttaluvvot fuolalaččat koronadorvvolašvuođa rávvagat.
Guvllolaš pandemiijabargojoavku ávžžuha ain, ahte nuppi dási oahppolágádusain geavahuvvo gáiddusoahpahus gielddas ráđđejeaddji epidemiijadili mielde. Lagasoahpahusdiliide ávžžuhuvvo oassálastit eanemusat logi olbmo hávális. Muostomáskkat ja dorvogaskkat galget adnojuvvot.
Visot Oarjebađaeatnama gustojeaddji ávžžuhusat ja ráddjehusat leat čohkkejuvvon deike sihke buohccedikšunbiirre fierbmesiidduide.
Boahkuheamit ovdánit
Oarjebađaeatnama gielddain leat dál johttáhuvvome badjel 80-jahkásaččaid, ruovttus orruid boahkuheamit. Boahkuheamit ovdánit dan mielde, mot boahkuhanávdnasat ožžojuvvojit guovllu gielddaide.
Gielddat dieđihit boahkuhanáigedávvaliin ja -áigevárrehusas iežaset fierbmesiidduin.
Njoammunguorrama vuođul koronaseavvaga atnuiváldima lea várri lasihit Oarjebađaeatnama viidodagas ja dan ládden telefovdnii ávžžuhuvvo ain.
–Oarjebađaeatnama guvllolaš pandemiijabargojoavku
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 4: 29 dáhpáhusa
Vahkku 5: 29 dáhpáhusa
Vahkku 6 (nohkavaš vahkku): 5 dáhpáhusa (10.2. d. 14.02 rádjái)
Buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 493 dáhpáhusa.
Infekšuvnnaid duostunovttadat