Gaskavahkku 12.5.2021
Sámi (Lappi) doronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkaid almmáiduvadettiin.
Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)
Sámi (Lappi) buohccedikšunbiire
(áigedássásaš dieđut d. 12.00)
Guovtti vahku almmáiduvvanlohku (26.4.–9.5.) lea 20,5/100 000 orru.
Ovtta vahku almmáiduvvanlohku (3.5.–9.5.) lea 6,0/100 000 orru.
Dán olis almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.
Sámi buohccedikšunbiirres ii leat gávnnahuvvon nohkavaš vahku doaisttážii oktage njoammun
Sámi buohccedikšunbiirres ii leat gávnnahuvvon oktage koronavirusnjoammun nohkavaš vahku.
Mannan vahku (vahku 18) Sámi (Lappi) buohccedikšunbiirre viidodagas gávnnahuvvoje oktiibuot 7 koronavirusnjoammuma. Koronavirusdeasttat dahkkoje oktiibuot 3432, ja dain hoahppoantigenadeasttat ledje 3306. Positiivvalaččaid oassi dahkkojuvvon deasttain lei 0,2 proseantta.
Boahkuheami gokčevašvuođa dilli 10.5.2021:
Sámi buohccedikšunbiirre viidodaga álbmogis boahkuheami 1. addosa oažžun olbmot leat 33,4 proseantta álbmogis ja 2. addosa oažžun olbmot leat 7,5 proseantta.
Oba Suoma álbmogis 1. boahkuhanaddosa oažžun olbmot leat 34,9 proseantta ja 2. addosa oažžun olbmot 3,8 proseantta.
Sámi buohccedikšunbiire lea váldán atnui šleađggalaš diehtočoagginvuogádaga rádjestašuvnnain – riikiiboahtti sáhttá deavdit dieđuidis ovddalgihtii laplandentry.fi -siidduin
Koronapandemiija dihte Sámi buohccedikšunbiirre viidodaga rádjestašuvnnain lea čoaggigoahtán dieđu riikiiboahttin, gean bohtet Supmii. Rádjestašuvnnat ja gielddaid dearvvašvuohtaeiseválddit sirdásit šleađgavuogádahkii, man ulbmil lea oahpistit riikiibohttiid koronarávvagiid mielde ja sihkkarastit dárbbu mielde deasttaide ohcaleapmi.
Riikiiboahtti beassá deavdit dieđuidis juo ovdal go boahtá ráji nala čujuhusas www.laplandentry.fi. Heaggadieđuid ja orrunbáikki lassin riikiiboahtti sáhttá addit dárbbu mielde dieđu koronadávddas dego lasihit gova gustojeaddji negatiivvalaš riikiiboahtindeasttas. Rávven vuogádaga atnui addojuvvo maid rádjestašuvnnain sihke sihkkarastojuvvo dieđuid sirdáseapmi. Dieđuid addin lea eaktodáhtolaš.
Diehtovuogádaga mielde dieđut sirdásit elektrovnnalaččat riikiiboahtti orodan- dehe orrungieldda njoammudávdaeiseváldái, gii sáhttá dárbbu mielde leat oktavuođas riikiiboahttái ja addit dieđu destemis ja iešoaivválaš karantenas.
Riikiiboahtti dieđut dárbbašuvvojit, vai sáhttá caggojuvvot korona leavvan ja ollašuhttit Suoma gustojeaddji mearrádusaid riikiibohttiid dearvvašvuohtadárkkástusain. Diehtočoaggima šleađgadeapmi álkidahttá sihte eiseválddiid barggu ja Supmii boahtti rádjerasttildeaddji.
Dán rádjái Sámi (Lappi) rádjestašuvnnain riikiiboahtti dieđut leat čoggojuvvon báberheaggadiehtoskovvái. Gielddaid dearvvašvuohtadárkkisteaddjit leat heaggadiehtoskoviiguin gárten almmolaš rávvema mieldásaš destema ja karantenii bidjama dárbbu ja dan bakte oahpistan riikiibohttiid bargat koronarávvagiid mielde.
Riikiiboahtti addin dieđut seailluhuvvojit njoammudávdalága mieldásaš olmmošregistaris. Dieđut seailluhuvvojit eanemusat 14 jándora, man maŋŋel dieđut sihkkojuvvojit vuogádagas. Dieđut adnojuvvojit dušše riikiiboahtima dearvvašvuođa dárkkisteamis. Skovi dieđut adnojuvvojit njoammudávdalága doaibmabijuid ollašuhttimii. Lassidieđut heaggadieđuid seailluheamis oažžu gieldda dearvvašvuođa eiseválddis.
Lassidieđut:
Laura Laine
Prošeaktahoavda
Sámi buohccedikšunbiirre rájiid dearvvašvuođa dorvvolašvuođa 2020-2021-fidnu
Sámi buohccedikšunbiirre gieldaovttastupmi
Tel. 040 665 7310
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 17: 17 dáhpáhusa
Vahkku 18: 7 dáhpáhusa
Vahkku 19 (nohkavaš vahkku): 0 dáhpáhusa (12.5. d. 12.00 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 785 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 12.27)
Oarjebađaeatnama buohccedikšunbiire lea epidemiija jođálnuvvanmuttus.
Ii vel máhccan vuođđodássái– ávžžuhusat ložžejuvvojit várrugasat
Mannan vahku Oarjebađaeatnama buohccedikšunbiirre viidodagas gávnnahuvvoje 13 koronavirusnjoammuma. Guovtti vahku almmáiduvvanlohku lea 45/100 000 assi.
Nohkavaš vahku leat gávnnahuvvon dán rádjái guokte ođđa njoammuma. Goappašat njoammumat leat gávnnahuvvon Durdnosa rádjedestenčuoggás. Vaikko dilli lea maŋemus vahkuid ráfon, de ii ábut máhccat vel vuođđodássái. Jođálnuvvanmuttu kritearat divvet ein.
Ávžžuhusain ja ráddjehusain váldojuvvo vuhtii Norrbottena dilli
Daningo Norrbottena epidemiijadilli lea ein váttis, de koronaávžžuhusat ja -ráddjehusat sáhttet Oarjebađaeatnama viidodagas burgojuvvot hui várrugasat. Dilli árvvoštallojuvvo buorránit, go boahkuheami gokčevašvuohta goappašiid bealde ráji lea badjel 50 proseantta. Dán rádjái Oarjebađaeatnama álbmogis leat boahkuhuvvon sulaid goalmmádas.
Guvllolaš pandemiijabargojoavku mearridii ložžet veaháš ovdal addin ávžžuhusaidis. Vuojadansajiin besset dás maŋás badjel 65-jahkásaččat, daningo boahkuheamit leat ovdánan dán ahkejoavkkus bures. Dasa lassin girjerájuid lohkansálet sáhttet rahpat uvssaid nu, ahte guovlohálddahusdoaimmahaga dorvogaskamearrádus váldojuvvo vuhtii ortnegiin.
Priváhtadilálašvuođaid olmmošmearreávžžuhus loktana logi olbmui 24.5. rájes. Ávžžuhus lea vuoimmis 6.6.2021 rádjái. Guovlohálddahusdoaimmahat dahká iežas mearrádusa čoahkkananráddjehusain ja dorvogaskkain. Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon deike sihke buohccedikšunbiirre fierbmesiidduide (dušše suoma- ja eŋgelasgillii).
Koronadorvorávvagiid (dorvogaskkat, máskka atnu, giehtahygieniija ja joavkočoahkkanemiid garvin) doahttaleapmi lea ein earenoamáš dehálaš.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 17: 21 dáhpáhusa
Vahkku 18: dáhpáhusa
Vahkku 19 (nohkavaš vahkku): 2 dáhpáhusa (12.5. d. 12.27 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 672 dáhpáhusa
Infekšuvnnaid duostunovttadat