Gaskavahkku 13.10.2021

• 

• 

• 

Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.

Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(dieđut 13.10. d. 12.59)

Sámi buohccedikšunbiire lea epidemiija vuođđodásis.

Guovtti vahku ilbmudanlohku (27.9.–10.10.) lea 56,5/100 000 orru.
Ovtta vahku ilbmudanlohku (4.–10.10.) lea 21,4/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Nohkavaš vahku gávnnahuvvon njeallje njoammuma – visot Roavenjárggas ja karantena siste

Ovddit geahčastaga maŋŋel leat gávnnahuvvon guokte ođđa koronanjoammuma. Goappašat dáhpáhusat gávnnahuvvuiga Roavenjárggas ja soai leaba leamaš válmmasin karantenas.

Mannan vahku (vahkku 40) Sámi buohccedikšunbiirre viidodagas gávnnahuvvoje oktiibuot 25 koronanjoammuma. Njoammumiin 23 gávnnahuvvoje Roavenjárggas. Mannan vahku koronavirusdeasttat dahkkoje viidodagas oktiibuot 2420 stuhka ja dain hoahppoantigenadeasttat ledje 2246 stuhka. Positiivvalaččaid oassi dahkkojuvvon deasttain lei 1,03 proseantta.

Sámi buohccedikšunbiire viidodaga olbmuin ovtta boahkuheami leat ožžon 74,7 proseantta ja goappašiid boahkuhemiid leat ožžon 63,7 proseantta.

Oba Suoma álbmogis 1. boahkuhanaddosa leat ožžon 74,3 proseantta ja guokte addosa leat ožžon 64,8 proseantta.

Logahallan dávdaluvvanbáikkiin maŋemus guovtti vahku áigge (áigeguovdilaston 11.10.)

• ga 29.9. Luckiefun’s, Roavenjárga diibmu 11.00–12.45
• ga 29.9. Restauráŋŋa Puhti, Santasport, Roavenjárga diibmu 12.30–13.30 ja 18.30–19.30
• ga 29.9. Minimani, Roavenjárga diibmu 19–19.15
• di 5.10. Gustav Kitchen & Bar, Roavenjárga diibmu 11.35–12.00
• di 5.10. Gávpeguovddáš Revontuli ja Rinteenkulma, Roavenjárga diibmu 13.30–14.00
• ga 6.10. K-Supermarket Gávpetorga, Roavenjárga diibmu 13–13.15
• du 7.10. S-market Ahola Posio diibmu 12–12.30 (ođđa)
• lá 9.10. K-Citymarket Saarenkylä, Roavenjárga 14.00–14.40 (ođđa)
• lá 9.10. Hesburger Saarenkylä, Roavenjárga 14.45–15.40 (ođđa)
• lá 9.10. Lidl Saarenkylä, Roavenjárga 15.45–16.00 (ođđa)

Dáin báikkiin namuhuvvon áiggiid galledeaddjit ávžžuhuvvojit čuovvut iežaset veaju ja ohcalit destii, juos unnánašge infekšuvnna dávdamearkkat ilbmudit.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 39: 41 dáhpáhusa
Vahkku 40: 25 dáhpáhusa
Vahkku 41 (nohkavaš vahkku): 4 dáhpáhusa (13.10. diibmu 12.59 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1559 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(dieđut 13.10. diibmu 13.20)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija jođálnuvvanmuttus.

Guvllolaš pandemiijajoavku: Oarjebađaeanan jođálnuvvanmuttus

Mannan vahku Oarjebađaeatnama buohccedikšunbiirre viidodagas gávnnahuvvoje 54 koronavirusnjoammuma. Nohkavaš vahku ođđa njoammumat leat gávnnahuvvon dán rádjái 14. Eanas njoammumat leat boahkukeahtes ja dušše ovtta boahkuheami ožžon olbmuin.

Vaikko koronadilli lea Oarjebađaeatnamis maŋemus vahkuid hedjonan, buohcceviessodikšumis eai leat dál koronabuohccit. Dáhpáhusmeari vuođul epidemiija lea goitge Oarjebađaeatnama viidodagas jođálnuvvanmuttus.  

Oarjebađaeatnama viidodaga olbmuin unnimusat ovtta boahkuheami leat dán rádjái sullii 73 proseantta buot boahkuhanvuloš olbmuin. Goappašiid boahkuhemiid leat ožžon 61,4 proseantta olbmuin. Boahkuhanávdnasat leat bures oažžunsajis guovllu gielddain. Gielddat dieđihit boahkuhemiin iežaset fierbmesiidduin.

Gáiddusbargoávžžuhus joatkahuvvá jagi lohppii

Daningo koronadilli lea hedjonan viidodagas, de lea ain ávžžuhahtti doahttalit koronadorvodoaimmaid, buori giehtahygieniija ja dorvogaskkaid. Maiddái máska galgá adnojuvvot buot sosiálalaš kontávttain, main dorvogaskkat eai sáhte sihkkarastojuvvot. Badjeskuvlaahkásaččaid riikkaviidosaš máskaávžžuhus leat burgojuvvon. Oarjebađaeatnama guvllolaš pandemiijabargojoavku ávžžiha atnit máskka skuvllain dalle, juos dain gávdnojit njoammumat.

Riikkaviidosaš gáiddusbargoávžžuhus nohká nohkavaš vahku bearjadaga. Oarjebađaeatnama buohccedikšunbiirre viidodagas gáiddusbargoávžžuhus bistá jagi loahpa rádjái.

Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon deike sihke buohccedikšunbiirre fierbmesiidduide. Koronaávžžuhusat ja -ráddjehusat geahčaduvvojit čuovvovaš háve boahtte vahku.

Oarjebađaeatnama guvllolaš pandemiijabargojoavku

Lassidieđuid addá: vs. hoavdanjunušdoavttir Petra Portaankorva, 040 168 5211

Oarjebađaeatnamis lea sáhttán dávdaluvvat koronavirusii čuovvovaš báikkiin

• be 8.10. Gávpotlinnjá Kiviranta vuolgá diibmu 12.30 – Pudas – Gávpot
• lá 9.10 Intersport Mäkimaa, Duortnus diibmu 11.30–12
• lá 9.10 Durdnosa Girjerádju

Olbmot ávžžuhuvvojit čuovvut iežaset veaju ja juos dávdamearkkat ihtet, de galget ohcalit herkket koronavirusdestii.

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 39: 45 dáhpáhusa
Vahkku 40: 54 dáhpáhusa
Vahkku41 (nohkavaš vahkku): 14 dáhpáhusa (13.10. diibmu 13.20 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1050 dáhpáhusa.

Infekšuvnnaid duostunovttadat