Gaskavahkku 17.11.2021

Sámi (Lappi) koronageahčastat almmustuhttojuvvo jorgalussan vahkkosaččat.
Koronadestii galgá ain ohcalit maid láivves dávdamearkkaid dihte, juos lea riska buohccát duođalaš koronadávdii, de lea sáhttán dávdaluvvat dehe bargá sode-suorggis.

Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(dieđut 17.11. diibmu 14.08)

Sámi buohccedikšunbiire lea epidemiija vuođđodásis.

Guovtti vahku ilbmudanlohku (1.–14.11.) lea 55,6/100 000 orru.
Ovtta vahku ilbmudanlohku (8.–14.11.) lea 37,6/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Njoammunmearit lassáneame maid Sámi buohccedikšunbiirres  

Nohkavaš vahku leat gávnnahuvvon 35 ođđa koronavirusnjoammuma. Nohkavaš vahku njoammumiin eatnasat leat gávnnahuvvon Muonás, ja dat leat laktásan báikkálaš njoammunčoahkkái sihke Roavenjárggas, muhto muhtin njoammumat leat fuomášuvvon maid Giemajávrris, Posios, Kolaris sihke Gihttelis. Mannan vahku njoammumiin sulaid bealli laktásit Muoná báikkálaš njoammunčoahkkái.

Mannan vahku (vahkku 45) Sámi buohccedikšunbiirre viidodagas gávnnahuvvoje oktiibuot 46 koronanjoammuma. Viidodagas dahkkoje oktiibuot 2378 koronavirusdeastta ja dain hoahppoantigenadeasttat ledje 2020. Positiivvalaččaid oassi dahkkojuvvon deasttain lei 1,85 proseantta.

Dáláš boahkuhangokčevašvuohta Sámi buohccedikšunbiirres ja oba Suoma viidodagas

Sámi buohccedikšunbiire viidodaga 12 jagi deavdán olbmuin 1. boahkuhanaddosa leat ožžon 85,8 proseantta ja goappašiid addosiid leat ožžon 80,5 proseantta. Buohccedikšunbiire viidodaga buot olbmuin 1. boahkuhanaddosa leat ožžon 76,2 proseantta ja goappašiid addosiid leat ožžon 71,5 proseantta.

Oba Suoma 12 jagi deavdán álbmogis boahkuhangokčevašvuohta lea vuosttaš boahkuhanaddosa oasil 86,2 proseantta ja nuppi addosa oasil 70,9 proseantta. Oba Suoma álbmogis 1. boahkuhanaddosa leat ožžon 75,8 proseantta ja guokte addosa leat ožžon 70,9 proseantta.

Logahallan dávdaluvvanbáikkiin maŋemus guovtti vahku áigge (áigeguovdilaston disdaga 16.11.)

• lá 6.11. Koivumaa Erä sarvvaboradandoalut, Vihreä Pysäkki, Pello diibmu 14-17
• má 8.11. Frans & Cherie, Roavenjárga diibmu 12–12.30
• di 9.11. SRR Gonte, Roavenjárga sullii diibmu 16.30–17
• di 9.11. Prisma, Roavenjárga diibmu 17–18
• ga 10.11. Vintikki, Roavenjárga sullii diibmu 10–10.15
• du 11.11. Vintikki ja SRR Gonte, Roavenjárga diibmu 15.30–16.30
• be 12.11 Juovladálu Skeaŋkadávvirfitnodat, Roavenjárga diibmu 8–16 (ođđa)
• be 12.11. Vintikki ja SRR Gonte, Roavenjárga diibmu 15.30–16.30
• lá 13.11. Levi Hotel Spa, vuojadanalddisossodat diibmu 17–20 (ođđa)
• so 14.11. Roavenjárgga Ráfiovttastus sullii diibmu 16–17.30

Dáin báikkiin namuhuvvon áiggiid galledeaddjit ávžžuhuvvojit čuovvut iežaset veaju ja ohcalit destii, juos unnánašge infekšuvnna dávdamearkkat ilbmudit.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 44: 21 dáhpáhusa
Vahkku 45: 46 dáhpáhusa (lohku áigeguovdilastojuvvon 17.11.)
Vahkku 46 (nohkavaš vahkku): 35 dáhpáhusa (17.11. diibmu 14.08 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1719 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(dieđut 17.11. diibmu 12.55)
Oarjebađaeatnama buohccedikšunbiirre koronageahčastat almmustuhttojuvvo oaivenjuolggaduslaččat mánnodagaid, gaskavahkuid ja bearjadagaid.

Oarjebađaeatnama buohccedikšunbiire lea epidemiija leavvanmuttus.

Durdnosis bođii vuoibmái ávžžuhus eanemusat 50 heakka čoahkkananráddjehusas – maid eará gielddain ášši gieđahallojuvvo nohkavaš vahku

Pandemiijabargojoavkku ávžžuhus 50 heakka čoahkkananráddjehusas sissajiin, mii guoská almmolaš čoakkámiid, álbmotdilálašvuođaid ja alla riskka dáhpáhusaid, gieđahallojuvvo dán vahku Meri-Lappi gielddain. Durdnosis áššis dahkkojuvvui ikte mearrádus, mii lea vuoimmis juovlamánu beallemutto rádjái.

Meri-Lappi njoammudávdadoaktárat leat odne čoakkámisttiset gieđahallan pandemiijadili. Epidemiijadilli joatkahuvvá ain váttisin ja buohcceviessodikšuma noađuhus lea lassánan. Guovddášbuohcceviesus leat guhtta koronabuohcci divššus. Dearvvašvuohtaguovddáža seaŋgaossodagain divššus leat ovcci koronapositiivvalaš olbmo. Guovddášbuohcceviessu lea šaddan dorvvastuvvot maiddái beaktodikšumii.

Dán vahku áigge leat ilbmudan 31 ođđa dáhpáhusa. Mannan vahku dáhpáhusain 75 % leat gurrojuvvon. Oktiibuot 73 dáhpáhusa gávdnoje. Duođalaš dávdamearri árvvoštallojuvvo leat mihá stuorit, nu ahte koronavirusdoaimmaid joatkin lea ain dehálaš.

Meri-Lappi njoammudávdadoaktáriid signála álbmogii lea ovttačilggolaš: “boahkutkeahtes olbmot galget unnidit sosiálalaš kontávttaid, vai dávdadilli sáhttá váldojuvvot háldui.”  

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 44: 84 dáhpáhusa
Vahkku 45: 73 dáhpáhusa (lohku divoduvvon 17.11.)
Vahkku 46 (nohkavaš vahkku): 31 dáhpáhusa (17.11. diibmu 12.55 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1361 dáhpáhusa.

Infekšuvnnaid duostunovttadat

• 

• 

•