Gaskavahkku 17.3.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 12.31)
COVID-19-dilli lea riikkaviidosaččat hedjonan. Eanas buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres leat epidemiija jođálnuvvanmuttus.
Guovtti vahku almmáiduvvanlohku (vahkut 9 ja 10) lea 57,3/100 000 orru.
Ovtta vahku almmáiduvvanlohku, vahku 10 oasis lea 33,4/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Levis Villa Gurus leat ordnejuvvon priváhtadilálašvuođat, mat leat dagahan viiddit dávdaluvvamiid – buohkat njukčamánu 3.–7. beivviid namuhuvvon stobuin orodan dehe idjadan olbmot galggale ohcalit koronadestii
Nohkavaš vahku leat gávnnahuvvon oktiibuot čieža njoammuma. Buohkat njoammuma ožžon olbmot leat juogo olgobáikegottálaččat dehe sis leat girjjit Sámi buohccedikšunbiirre viidodagas, muhto njoammun lea boahtán buohccedikšunbiirre olggobealde.
Mannan vahku (vahkku 10) Sámi buohccedikšunbiirre viidodagas gávnnahuvvoje oktiibuot 39 koronavirusnjoammuma. Dain 23 gávnnahuvvoje Gihttelis, 9 Roavenjárggas, 4 Kolaris, 2 Anáris ja 1 Ohcejogas. Koronavirusdeasttat dahkkojuvvoje mannan vahku oktiibuot 4419 ja dain 4042 ledje hoahppoantigenadeasttat.
Levis lea fuomášuvvon okta viiddit njoammungoallus, mii laktása priváhtadilálašvuođaide, mat leat ordnejuvvon Levis luksusstohpu Villa Gurus. Njoammuma ožžon olbmot leat gollosis dál oktiibuot 14.
Buohkaid namuhuvvon stobus orodan olbmuid persovdnadieđut eai leat dieđus ja juohkeokta, gii lea njukčamánu 3. – 7. beivviid gaskkas guossástallan dehe idjadan namuhuvvon stobuin, ávžžuhuvvo ohcalit koronadestii, vaikko dávdamearkkat, mat čujuhit njoammumii, eai livččege.
Maiddái Levi Wellness Club -álšasáles lea sáhttán dávdaluvvat koronavirusii disdaga njukčamánu 9. beaivve diibmu 17–18.30 ja gaskavahku njukčamánu 10. beaivve diibmu 18.45–20. Buohkat, geat leat leamaš namuhuvvon báikkis namuhuvvon áiggiid, ávžžuhuvvojit ohcalit destema várás vuollegis šielmmáin, go unnánašge infekšuvdnii čujuheaddji dávdamearkkat ihtet.
Dárbbašmeahttun mátkkošteapmi galgá ain vealtat
Levi olggobealde koronadilli Sámi (Lappi) buohccedikšunbiirre viidodagas lea ráfálaš. Levis gávnnahuvvon viiddes njoammungollosa lassin eai leat dihtton eará joavkodávdaluvvamat dehe viiddes njoammungollosat. Turisttat leat doaibman ovddasvástáduslaččat.
Epidemiijadilli lea ain nu daddjojuvvon bávkalanherkkeš dilis oaivegávpotguovllu hui heajos koronadili dihte. Dearvvašvuođa ja buresbirgejumi lágádusa rávvema mielde dárbbašmeahttun mátkkošteapmi galggalii garvojuvvot. Juos mátkái galgá goitge bákkolaš siva dihte vuolgit, mátkái ii galgga vuolgit juos leat dávdamearkkat, muhto ovdal mátkái vuolgima galggalii fitnat koronadeasttas ruovttubáikegottistis. Juos dávdamearkkat almmáiduvvet mátkki áigge, destii galgá ohcaluvvot orodanbáikegottis ja bissut idjadanbáikkis dassážii go deastaboađus válbmana. Mátkki áigge kontávttat galget ráddjejuvvot dušše iežas mátkesearvái ja galget fuolahuvvot dorvvolašvuođa rávvagiid ollašuvvan, dego máskka atnu.
Lapin ohjeet matkailijalle, joka epäilee koronavirustartuntaa (sámás: Sámi (Lappi) rávvagat mátkkošteaddjái, gii eahpida koronavirusnjoammuma)
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 9: 28 dáhpáhusa
Vahkku 10: 39 dáhpáhusa
Vahkku 11 (nohkavaš vahkku): 7 dáhpáhusa (17.3. d. 12.31 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 704 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 14.02)
Oarjebađaeatnama buohccedikšunbiirres leat epidemiija jođálnuvvanmuttus.
Jođálnuvvanmuddu joatkahuvvá Oarjebađaeatnamis – ráddjehusat ovddešlágánat
Mannan vahku (vahkku 10) Oarjebađaeatnama buohccedikšunbiirre viidodagas gávnnahuvvoje oktiibuot ovcci koronavirusnjoammuma. Dáin guokte gollosa gullet guossástallamiidda Uusimaai ja okta goallus mátkkošteapmái, mii dollejuvvui Sámi (Lappi) duottarguovddážii.
Ovddit geahčastaga maŋŋel lea gávnnahuvvon okta ođđa koronavirusnjoammun. Nohkavaš vahku ođđa dáhpáhusat leat gávnnahuvvon dán rádjái 23, main 22 Badjedurdnosis. Badjedurdnosa njoammumat laktásit ovtta viiddes dávdaluvvan- ja njoammungollosii. Oarjebađaeatnama buohccedikšunbiirre viidodagas epidemiija lea ain jođálnuvvanmuttus.
Pandemiijabargojoavku muittuha, ahte bárrásiin lea manname riikkaviidosaš steŋgenáigi, man ulbmilin lea doallat iežas váimmusbearraša olggobeale sosiála kontávttat unnimus dásis.
Viidodaga dáláš koronaráddjehusat ja -ávžžuhusat leat vuoimmis steŋgenáiggi loahpa rádjái, dehege 28.3. rádjái. Ráddjehusat geahčaduvvojit ođđasit guvllolaš pandemiijabargojoavkku čoakkámis boahtte vahku. Buot Oarjebađaeatnama viidodaga gustojeaddji koronaávžžuhusat ja -ráddjehusat leat čohkkejuvvon deike sihke buohccedikšunbiirre fierbmesiidduide (suomagillii)
Gielddat dieđihit boahkuhemiin iežaset fierbmesiidduin
Boahkut leat boahtán Oarjebađaeatnama viidodahkii ain njozet. Dán rádjái viidodaga gielddain leat boahkuhuvvon dearvvašvuohtafuolahusa bargoveahka, ahkeolbmot sihke riskajovkui gullevaččat.
Boahkuid sierra ahkerájiid dihte boahkuheamit eai leat goitge ovdánan ollásii ahkeortnegis. AstraZeneca boahkuhanávnnas lea dassážis gávnnahuvvon ábasin maid badjel 70-jahkásaččaide ja dát boahkut sáhttet dás maŋás addojuvvot maid boarrásit ahkejoavkkuide.
DBL linnjema mielde vuohččan boahkuhuvvojit buohkat badjel 70-jahkásaččat, ja dan maŋŋel jotkojuvvo riskajoavkkuid boahkuheapmi. Gieldaguovdasaš erohusat boahkuheamis dássejuvvojit duon muttus.
Viidodagas leat addojuvvon sulaid 8300 boahku dán rádjái.
Dáláš árvvoštallamiid mielde boahkuhanleahttu jođálnuvvá cuoŋománu. Gielddat ráhkkanitnai boahkuhemiid viiddideapmái. Gielddat dieđihit boahkuhanáššiin iežaset fierbmesiidduin.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 9: 12 dáhpáhusa
Vahkku 10: 9 dáhpáhusa
Vahkku 11 (nohkavaš vahkku): 23 dáhpáhusa (17.3. d. 14.02 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 569 dáhpáhusa.
Infekšuvnnaid duostunovttadat