Gaskavahkku 18.8.2021

  • Rabas luohká vuoiti
    Wilma Lohi: Rokotekapina
  • Mánáid ja nuoraid luohká vuoiti
    Silja Ranta: Rokotuksen saaminen on cool
  • Ámmátolbmoluohká vuoiti
    Lasse Katainen & Jan Åqvist: Älä sie huijo
Sámi (Lappi) buohccedikšunbiire ja Oarjebađaeatnama buohccedikšunbiire ordneje koronaboahkuhanfáttá birra plakáhtagilvvu geasset 2021. Loga lasi: https://koronaturvallinenlappi.fi/julistekilpailu/ (suomagillii)

Sámi koronageahčastat almmustuhttojuvvo jorgalussan okte vahkus.  
Buohkat, geat orodit Sámis (Lappis), galget ohcalit destema várás vuollegis šielmmáin, unnánašge infekšuvnna dávdamearkkat ilbmudettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)

DBL: Mátkkošteapmi ja koronaviruspandemiija (dušše suomagillii)

Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain

DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

Roavenjárga lea epidemiija jođálnuvvanmuttus. Muđuid Sámi buohccedikšunbiire lea epidemiija vuođđodásis.

Guovtti vahku ilbmudanlohku (2.8.–15.8.) lea 208,8/100 000 orru.
Ovtta vahku ilbmudanlohku (9.8.–15.8.) lea 95,8/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot

Muorječoaggiin gávnnahuvvon vuohon njoammumat – Giemajávrris gávnnahuvvoje 42 njoammuma

Mannan vahku Sámi buohccedikšunbiirre viidodagas gávnnahuvvoje oktiibuot 112 njoammuma. Koronavirusdeasttat dahkkoje vahku áigge oktiibuot 5183 stuhka, dain hoahppoantigenadeasttat ledje 4991 stuhka. Positiivvalaččaid oassi dahkkojuvvon deasttain lei 2,16 proseantta.

Sámi buohccedikšunbiire viidodaga olbmuin unnimusat ovtta boahkuheami leat ožžon 16.8. rádjái 69,4 proseantta ja goappašiid boahkuhemiid leat ožžon 39,9 proseantta álbmogis. Oba Suoma álbmogis 1. boahkuhanaddosa ožžon ledje 68,9 proseantta ja guokte addosa ožžon ledje 42,6 proseantta.

Muorječoggiin leat gávnnahuvvon eatnat koronavirusnjoammumat Sámi buohccedikšunbiirre viidodagas maŋemus vahkuid áigge. Muorječoggiin leat Roavenjárggas gávnnahuvvon oktiibuot 170 njoammuma ja karantenii leat merrojuvvon 93 olbmo. Pelkosenniemis koronapositiivvalaš muorječoaggit leat leamaš oktiibuot 15 ja okta lea merrojuvvon karantenii. Giemajávrris leat gávnnahuvvon 42 njoammuma. Suovvaguoikkas, Pellos, Sallas ja Posios leat maid destejuvvon muorječoaggit, muhto sin joavkkus ii leat gávdnon oktage koronapositiivvalaš.

Dávdaluvvan báikkit Roavejárggas

  • Napapiiri Shell bearjadaga 13.8. diibmu 11.30–12 
  • Santa Sportta Puhti-restauráŋŋa mánnodaga 16.8. diibmu 12.00–12.30 ja disdaga 17.8. d. 11.00–11.30

Dáin báikkiin namuhuvvon áiggiid galledeaddjit ávžžuhuvvojit ohcalit destema várás vuollegis šielmmáin.

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 31: 132 dáhpáhusa

Vahkku 32: 112 dáhpáhusa

Vahkku 33 (nohkavaš vahkku): 57 dáhpáhusa (18.8. d. 13.54 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 1263 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(áigedássásaš dieđut d. 11.12)

Oarjebađaeatnama buohccedikšunbiire lea epidemiija vuođđodásis

Guvllolaš pandemiijabargojoavku: Oarjebađaeatnamis epidemiija jođálnuvvanmuttu šielmmá nalde

Mannan vahku Oarjebađaeatnama buohccedikšunbiire viidodagas gávnnahuvvoje 27 koronavirusnjoammuma. Njoammumiin logi gávnnahuvvoje karantena siste, viđadas bohte olgoriikkain ja goalmmádas gávnnahuvvoje rádjedestemis. Nohkavaš vahku leat gávnnahuvvon dán rádjái logi ođđa njoammuma.

Njoammumiid guorran lea doaibman bures ja 70-80 proseantta viidodaga siskkáldas njoammumiin leat sáhttán gurrojuvvot. Buohcceviessodikšumis eai leat dál koronabuohccit.  

Vaikko viidodaga almmáiduvvan lea leamaš maŋemus vahkuid loktosis, de epidemiija lea Oarjebađaeatnama viidodagas vel vuođđodásis. Jođálnuvvanmuddui sirdáseapmi leat goitge hui lahka. Epidemiijadilli sessojuvvo ođđasit pandemiijabargojoavkku čoakkámis boahtte vahku.

Koronadorvvolašvuođa doaimmat, dehege buorre giehtahygieniija ja dorvogaskkat, galget doahttaluvvot fuolalaččat. Maiddái máska galgá adnojuvvot buot sosiálalaš kontávttain, main dorvogaskkat eai sáhte sihkkarastojuvvot. Visot Oarjebađaeatnama gustojeaddji koronaávžžuhusat leat čohkkejuvvon buohccedikšunbiire fierbmesiidduide. (suomagillii)

Boahkuhangokčevašvuohta juo buori dásis – maiddái nuorat arvvosnuhttojuvvojit boahkuhemiide

Oarjebađaeatnama viidodagas unnimusat ovtta boahkuhanaddosa ožžon olbmot leat dán rádjái 68 proseantta buot boahkuhanvuložiin. Goappašiid boahkuhanaddosiid lea ožžon sulaid 40 proseantta boahkuhanvuloš álbmogis.  

Nuorat ahkeluohkáin boahkukeahtes olbmot leat vel olu. Guvllolaš pandemiijabargojoavku ávžžuha boahkuhanaddosa váldima buohkaide badjel 12-jahkásaččaide. Mađi eanet váldet boahkuheami, dađi eanet vuorddehahtti lea, ahte čavčča áigge sáhttet garvojuvvot ovdamearkka dihte joavkoáiggeájit ja skuvllaid lagasoahpahusa gaskkalduhttin sihke eará gáržžidandoaimmat.

Boahkuhanáiggit leat dál bures oažžumis buot viidodaga gielddain.

Juo vuosttaš boahkuhanattus suddje hui duođalaš dávdahámis ja maid maŋemus áiggiid leavvan deltavariántta dagahan dávdda váttes hámis. Dát virushápmi lea leavvan earenoamážit nuoraid gaskavuođas.

Oarjebađaeatnama guvllolaš pandemiijabargojoavku

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 31: 29 dáhpáhusa

Vahkku 32: 27 dáhpáhusa

Vahkku 33 (nohkavaš vahkku): 10 dáhpáhusa (18.8. d. 11.12 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 845 dáhpáhusa.  

Infekšuvnnaid duostunovttadat