Gaskavahkku 2.12.2020

Sámi (Lappi) koronageahčastat almmustahttojuvvo jorgalussan okte vahkus.

Sámi buohccedikšunbiirre koronageahčastat

(áigedássásaš dieđut d. 13.30)

COVID-19-dilli lea riikkaviidosaččat hedjonan. Eanas buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres leat ain vuođđomuttus.  

Mannan vahku (vahkku 48) váldojuvvoje 3025 koronavirusdeastta, main positiivvalaččaid oassi lei 0,86 proseantta. Váldojuvvon deasttain hoahppoantigenadeasttat ledje 1387, dehege s. 46 %.

Guovtti maŋemus vahku (vahkut 47 ja 48) vuođul almmáiduvvanlohku lea 32,5/100 000 orru.

Ovddit vahku (vahkku 48) vuođul almmáiduvvanlohku lea 23,1/100 000 orru.

Vaikko dáhpáhusmearit leat lagasáiggiid loktanan, dat leat laktásan muhtin juo leamašan gollosii, maid álgoboahtimuš lea identifiserejuvvon.

Turismma dorvvasteami várás ávžžuhuvvo doahttalit juobe eiseváldirávvagiid čavgadit doaibmabijuid

Sámi buohccedikšunbiirre viidodaga idjadan- ja restauráŋŋafitnodagat leat váldonjuolggadusa mielde doaibman COVID-19 duostumis ovddasvástáduslaččat. Lapin Matkailuelinkeinon liitto (sámás: Sámi Turismaealáhusa lihttu) ovttasráđiid turismma guovloorganisašuvnnaiguin lea doarjalan restauráŋŋasuorggi fitnodagaide ja ávžžuha daid doaibmat čuovvovaččat:  

  • Loahpahit addaleami d. 22, dego jođálnuvvan- ja leavvanmuttu guovlluin dahkkojuvvo njoammunriskka unnideami várás
  • Gáibidit sajiineaset muohtomáskka anu sihke áššehasain ja bargiin, juos dorvogaska ii sáhte dollojuvvot
  • Vuoimmálaččat deattuhit áššehasaide dorvogaskkaid ja giehta- ja gossanhygieniija mearkkašumi sihke koronaseavvaga anu

Sámi buohccedikšunbiirre infekšuvnnaid duostunovttadat atná ávžžuhusa buorrin. Sámi buohccedikšunbiirre koronakoordinašuvdnajoavku doallá čoahkkima bearjadaga 4.12., goas árvvoštallojuvvo Sámi buohccedikšunbiirre COVID-19-dilli ja dárbbašlaš doaibmabijut.  

Bar Ihku njoammungollosis fas ođđa njoammumat

Sámi buohccedikšunbiirres leat gávnnahuvvon vahku 48 oktiibuot 27 dáhpáhusa.

Nohkavaš vahku leat gávnnahuvvon oktiibuot 4 dáhpáhusa.

Visot dán vahku dáhpáhusat leat Roavenjárgga viidodagas. Dain guokte laktásit Levi eahketeallimis vuolgán njoammungollosii. Guokte njoammuma leat ožžojuvvon buohccedikšunbiirre olggobealde.

Levi eahketrestauráŋŋain 19.-21.11.2020 álgán njoammungollosa ollislaš mearri lea dál 14. Dáin čieža leat gávnnahuvvon Sámi buohccedikšunbiirres, vihtta Oarjebađaeatnama buohccedikšunbiirres, okta Poris ja okta Espoos.  

Infekšuvnnaid duostunovttadat fuomáša, ahte lávgalas ovttasorrumii eahketrestauráŋŋain, main musihkka márrá garrasit, laktása fuopmášahtti njoammunriska.  

Juos don leat leamaš Levis čuovvovaš restauráŋŋain eahkediid skábmamánu 19. – 21. beivviid, dárkko iežat veadjima ja ohcal destii unnánašge dávdamearkkaid almmáiduvadettiin:

  • Bar Ihku
  • Pub Hölmölä
  • Restauráŋŋa Narran

Sámi buohccedikšunbiirres gávnnahuvvon koronadáhpáhusat vahkuid mielde:

Vahkku 47: oktiibuot 11 dáhpáhusa

Vahkku 48: oktiibuot 27 dáhpáhusa

Vahkku 49 (nohkavaš vahkku): 4 dáhpáhusa (2.12. d. 13.30 rádjái)

Buot buohkanassii Sámi buohccedikšunbiirres leat gávnnahuvvon 336 dáhpáhusa, main 31 leat gávnnahuvvon olgobáikegotti olbmuin.

Infekšuvnnaid duostunovttadat

***

Oarjebađaeatnama buohccedikšunbiirre koronageahčastat

(áigedássásaš dieđut d. 13.26)

Oarjebađaeatnama buohccedikšunbiire lea ain jođálnuvvanmuttus.

Nohkavaš vahku ii leat gávnnahuvvon oktage njoammun

Vahku 48 gávnnahuvvoje oktiibuot 11 dáhpáhusa. Nohkavaš vahku ođđa dávdadáhpáhusat eai leat vel boahtán albmosii. Buohccedikšuma hárrái dilli lea bisson ráfálažžan iige beaktodikšumis leat oktage COVID-19-buohcci.

Mannan vahku Oarjebađaeatnama buohccedikšunbiirres deasttat dahkkojuvvoje 897 stuhka.  

Guovtti vahku almmáiduvvanlohku lea 60/100 000 orru.

Almmáiduvvanlohku lea maŋemus beivviid muhtin veardde luoitán, muhto dili viidáseappot ráfuma dihte buot ávžžuhusaid gánnáha ain jeagadit. Orru leame nu, ahte juovlaáigi sáhttá vel ráfohuvvot ovttasbargguin.

Joavkočoahkkaneamit fertejit garvojuvvot gitta jagi loahpa rádjái

Guvllolaš pandemiijabargojoavku mearridii joatkit ávžžuhusa, ahte badjel 10 heakka dilálašvuođat eai ordnejuvvole. Ávžžuhus lea vuoimmis gitta jagi loahpa rádjái. Čoahkkananráddjehusaid joatkimii leat buorit ákkat go ávvudanáigi lea álgime, daningo epidemiijadilli lea duođalaš lagasguovlluin, Davvebađaeatnamis ja oarjeráji duohken.

Vaikko guovlohálddahusdoaimmahagaid mearrádusat eai guoskka vuoiŋŋalaš dilálašvuođaid, de epidemiija leavvanriska guoská maid dáid čoahkkanemiid. Guvllolaš pandemiijabargojoavku ávžžuha danin, ahte badjel 10 obmo čoahkkaneamit eai ordnejuvvole maid searvegottiin. Earret eará ovttaslávlun lea gávnnahuvvon njoammumiid leavvama dáfus hui riskahearkin.

Mánát besset buđaldit

Maiddái vuollel 18-jahkásaččaid joavkobuđaldandoaimmat leat leamaš gaskkalduhtton maŋemus vahkuid. Guvllolaš pandemiijabargojoavku gávnnahii, ahte vuollel 18-jahkásaččaid joavkoáiggeájit sáhttet dat jotkojuvvot, daningo guovllu epidemiijadilli lea guovllus ráfoma guvlui. Koronadorvvolašvuođa rávvagat, dorvogaskkat ja buorre giehtahygieniija galget mánáid ja nuoraid áiggeájiinge doahttaluvvot fuolalaččat.

Buot Oarjebađaeatnama gustojeaddji ávžžuhusat ja ráddjehusat leat čohkkejuvvon  buohccedikšunbiirre fierbmesiidui suomagillii. Gávnnat daid maid dáid siidduid ovdasiiddus.

Buohcanluopmoduođaštusa ohcan njoammunriska

Oassi guovllu bargoaddiin leat rávven vuoigŋanoalleinfekšuvdna-dávdamearkkalaš bargiidis ohcat vahkuloahpaid buohcanluopmoduođaštusa Mehiläinen Oarjebađaeatnama akuhtaklinihkas. Guvllolaš pandemiijabargojoavku ávžžuha, ahte bargoaddit dán epidemiijadilis dohkkehivčče buohcanluomu bargi iežas ilmmuhusain. Duođaštusáššit noađuhit akuhtaklinihka ja njoazidit dikšuma dárbbašeddjiid bálvalusa.

Vahkuloahpaid Oarjebađaeatnama orrut, geain leat dávdamearkkat, sáhttet dárbbu mielde ohcalit Durdnosa koronavirusa čájánasváldimii, mii doaibma áigevárrehusain. Áigevárrehusrávvaga sáhttá geahččat suomagillii YouTubes.

Oarjebađaeatnama pandemiijabargojoavku

Oarjebađaeatnamis gávnnahuvvon koronadáhpáhusat vahkuid mielde

Vahkku 47: oktiibuot 27 dáhpáhusa

Vahkku 48: oktiibuot 11 dáhpáhusa

Vahkku 49 (nohkavaš vahkku): 0 dáhpáhusa (2.12. d. 13.26 rádjái)

Buot buohkanassii Oarjebađaeatnama buohccedikšunbiirre čájánasváldinbáikkis dahkkojuvvon deasttaid vuođul leat gávnnahuvvon 306 dáhpáhusa.

Infekšuvnnaid duostunovttadat