Gaskavahkku 23.6.2021
Sámi (Lappi) koronageahčastat almmustuhttojuvvo árgabeivviid.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkat almmaiduvadettiin.
Áigeguovdilis liŋkkat:
Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)
DBL: Mátkkošteapmi ja koronaviruspandemiija (dušše suomagillii)
Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain
DBL: COVID-19-boahkuhemiid ovdáneapmi (dušše suomagillii)
Sámi (Lappi) buohccedikšunbiire
Sámi buohccedikšunbiire lea epidemiija vuođđodásis. Sámi buohccedikšunbiirreCovid-19 dilli lea bisson ráfálažžan maŋemus guokte mánu. Ovttaskas njoammumat leat visot boahtán buohccedikšunbiirre olggobealde. Riikkaviidosaš dilli lea ovdánan ráfálaš guvlui, jođálnuvvan- dehe leavvanmuttus leat dušše guhtta buohccedikšunbiirre
Guovtti vahku almmaiduvvanlohku (7.–20.6.) lea 10,3/100 000 orru.
Ovtta vahku almmaiduvvanlohku (14.6.–20.6.) lea 6,8/100 000 orru.
Dán oktavuođas almmaiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Danin lohku sáhttá spiehkastit DBL statistihkain, main olgobáikegotti olbmot eai lohkkojuvvo.
Valáštallan- ja lihkadansuorggi doibmiid veahkkin lea almmustuhttojuvvon ođđa infobáhkka álkidahttit barggu koronaepidemiija áigge
Sámi buohccedikšunbiirres ii leat nohkavaš gávnnahuvvon oktage koronadáhpáhus. Mannan vahku (vahku 23) gávnnahuvvoje oktiibuot gávcci dáhpáhusa. Koronavirusdeasttat dahkkoje mannan vahku oktiibuot 4600 stuhka, dain hoahppoantigenadeasttat ledje 4478. Positiivvalaš bohtosat deastameari ektui ledje 0,17 proseantta.
Boahkuheami gokčevašvuođa 22.6. beaivvi
Sámi buohccedikšunbiirre viidodaga álbmogis boahkuheami 1. addosa oažžun olbmot leat 53,7 proseantta ja 2. addosa oažžun 16,7 proseantta.
Oba Suoma álbmogis 1. addosa oažžun olbmot ledje 55,4 proseantta ja 2. addosa oažžun 15,4 proseantta.
Ođđa Normála -doaibmarávvagat valáštallan- ja lihkadansuorggi doibmiide
Ođđa Normála -doaibmarávvagat lea infobáhkka valáštallan- ja lihkadansuorggi doibmiide doaimma ordnema várás spiehkastatdiliin. Rávvagiid ulbmilin lea doaibmat nu geavatlagas bargoneavvun go vejolaš dearvvašvuođa dorvvolaš doaimma dahkama vejolažžan ja njuovžilis ordnema várás earenoamážit epidemiija-/pandemiijaáigge. Doaibmarávvagiidda leat čohkkejuvvon oppalašlundosaš rávvagat, buorit geavadat, liŋkkat guovddáš diehtogálduide, mat áigeguovdilastojit geažos áigge sihke geavada lagas bargoneavvut dorvvolaš valáštallama ja lihkadeami doaimma ordnemii.
Doaibmarávvagat leat buvttaduvvon Lappi lihtu ruhtadan Dorvvolaš valáštallan & lihkadeapmi -fidnu oassin. Rávvagiid sisdoallu lea máŋggabealálaččat sierra gálduin buvttaduvvon diehtu, muhto čuozihuvvo earenoamážit Sámi (Lappi) guvllolaš oaidninvuohkái. Rávvagat eai galgga čuvvojuvvot dakkáražžan, muhto dat galget dulkojuvvot ja heivehuvvot álohii diliid mielde organisašuvdnaguovdasaš sierrasárgosiid ja guvllolaš eiseválderávvagiid ektui.
Doaibmarávvagiid dieđut leat čohkkejuvvon 2021 giđa áigge doaibmasuorggi čilgehusaid, buriid geavadiid, sierra áššedovdijearahallamiid, doaibmagažademiid, oktasašgárgeheami bargobáji, gieddebarggu ja rávvagiid piloterema mielde, mat juo leat leame. Bargojoavku giitá buohkaid, geat leat oassálastán ovddidanbargui.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 23: 4 dáhpáhusa
Vahkku 24: 8 dáhpáhusa
Vahkku 25 (nohkavaš vahkku): 0 dáhpáhusa (23.6. d. 12.20 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 806 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
Oarjebađaeatnama buohccedikšunbiire lea epidemiija vuođđodásis
Guvllolaš pandemiijabargojoavku: Koronadorvodoaimmat galget jotkojuvvot miehtá geasi
Mannan vahku Oarjebađaeatnama buohccedikšunbiirre viidodagas gávnnahuvvoje čieža koronavirusnjoammuma, main njeallje ledje karantena siste ja loahppa čađamannanmátkkis leamaš olgobáikegotti olbmuin. Nohkavaš vahku eai leat dán rádjái gávnnahuvvon ođđa njoammumat.
Epidemiija lea Oarjebađaeatnama viidodagas vuođđodásis. Maiddái oarjeráji duohken epidemiijadilli lea maŋemus vahkuid buorránan ja rádjegielddain dilli lea dál oalle ráfálaš.
Máskaávžžuhus, giehtahygieniija ja dorvogaskkat ain áigeguovdilat
Oarjebađaeatnama buohccedikšunbiirre viidodagas koronaávžžuhusat ja -ráddjehusat leat maŋemus vahkuid burgojuvvon juođahallamiin. Koronadorvvolaš doaimmat, dehege buorre giehtahygieniija ja dorvogaskkat, galget dattetge doahttaluvvot vel. Guvllolaš pandemiijabargojoavku ávžžuha ain maid máskkaid anu buot sosiálalaš kontávttain, maid dorvogaskkat eai sáhte dáhkiduvvot doallat.
Ávžžuhahtti lea joatkit koronadorvogeavadiid ain maiddái bargosajiin.
Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon buohccedikšunbiirre fierbmesiidduide (suomagillii)
Koronaboahkuheamit ovdánit bures
Boahkuheamit leat ovdánan viidodaga gielddain bures. Oarjebađaeatnama olbmuin unnimusat ovtta boahku leat ožžon dán rádjái 52,1 proseantta buot olbmuin, geat galget boahkuhuvvot. Goappašiid boahkuid leat ožžon 17,1 proseantta boahkuhanvuloš olbmuin. Oasis viidodaga gielddain leat juo álggahuvvon 12-15-jahkásaš riskajovkkolaččaid boahkuheamit.
Guovtte háve boahkuhuvvon olbmot eai dárbbaš šat ráji rasttildettiineaset ohcalit koronavirusdestii, mii dahkkojuvvo ráji nalde. Duođaštusa ožžojuvvon koronaboahkuhemiin oažžu Omakanta- bálvalusas (suomagillii). Lassidiehtu boahkuhanduođaštusas lea čujuhusas https://www.kanta.fi/koronatodistus (suomagillii).
Oarjebađaeatnama guvllolaš pandemiijabargojoavku
Lassidieđuid addá: vs. hoavdanjunušdoavttir Petra Portaankorva, t. 040 168 5211
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 23: 15 dáhpáhusa
Vahkku 24: 7 dáhpáhusa
Vahkku 25 (nohkavaš vahkku): 0 dáhpáhusa (23.6. d. 13.57 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 726 dáhpáhusa.
Infekšuvnnaid duostunovttadat