Gaskavahkku 24.3.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut d. 12.00)
Guovtti vahku almmáiduvvanlohku (vahkut 10 ja 11) lea 57,3/100 000 orru.
Ovtta vahku almmáiduvvanlohku, vahku 11 oasis lea 24,8/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
GHD jotkkii badjel guđa olbmo almmolaš čoahkkanemiid ráddjehusaid cuoŋománu 11. beaivve rádjái
Mannan vahku (vahkku 11) Sámi buohccedikšunbiirre viidodagas gávnnahuvvoje oktiibuot 29 koronavirusdáhpáhusa. Koronavirusdeasttat dahkkojuvvoje mannan vahku oktiibuot 4731, main 4268 ledje hoahppoantigenadeasttat. Positiivvalaččaid oassi čájánasain lei 0,61 proseantta.
Nohkavaš vahku leat gávnnahuvvon oktiibuot guhtta njoammuma. Njoammumiin guokte leat gávnnahuvvon Giemajávrris, okta Gihttelis, guokte Roavenjárggas ja okta gávnnahuvvui Sámi buohccedikšunbiirre olggobealde roavenjárgalaš olbmos.
Sámi guovlohálddahusdoaimmahat lea joatkán Sámi buohccedikšunbiirriid gielddaid viidodagas sis- ja olgosajiid álbmotdilálašvuođaid ja almmolaš čoahkkanemiid čoahkkananráddjehusa, maidda oassálastet badjel guhtta olbmo. Ođđa mearrádus lea vuoimmis 29.3. – 11.4.2021. GHD dieđáhus 22.3.2021 (suomagillii)
Ovddit badjel guđa olbmo gieldu almmolaš čoahkkanemiid birra lea vuoimmis 2.3.–28.3.2021.
Maŋemus mánu áigge Sámi (Lappi) buohccedikšunbiirre viidodagas lea gávnnahuvvon dušše okta joavkodávdaluvvan. Joavkodávdaluvvan dáhpáhuvai Gihttela Levis Villa Guru -nammasaš láigostobus. Njoammumat dehe joatkkanjoammumat, mat laktásit Villa Gurui, leat dál gávnnahuvvon oktiibuot 21 oba riikkas. Dál sáhttá daddjojuvvot, ahte Sámi buohccedikšunbiirre dilli lea čielgasit ráfome.
Sámi (Lappi) koronakoordinašuvdnabargojoavku mearridii doallat Sámi buohccedikšunbiirre ávžžuhusaid ovddešlágánin ja joatká daid cuoŋománu 11. beaivve rádjái
Sámi (Lappi) koronakoordinašuvdnabargojoavkku dillegeahčastat 19.3.2021: Sámi (Lappi)buohccedikšunbiirre viidodagas epidemiijadilli lea ain hálddus. Njoammudávdamearit leat dál unnibut go ovddit vahkuid. Dávdda almmáiduvvanlohku lea leamaš guovtti maŋemus vahku (vahkut 9-10) 56,5 / 100 000 orru, mas leat fárus maid olgobáikegotti mátkkošteaddjit. Dan sadjái buohccedikšunbiirre viidodaga girjjiide registrerejuvvon orruid dávdda almmáiduvvanlohku lei 29.9 / 100 000 orru. Dát muitala, ahte stora oassi njoammumiin laktása turismii Sámis (Lappis).
Levis leat leamaš eará eanangotti alit njoammunmearit. Njoammumat leat gávnnahuvvon turismasuorggi olgobáikegotti bargiin go báikkálaččain. Gihttelis leat goitge bastojuvvon gávdnat njoammungollosiid ja guorranbargu lea dikšojuvvon áhpasit eaige njoammumat leat leavvan viidábut eará álbmogii.
Boahkuheamit, mat dahkkojuvvojit Astra Zeneca –buktagiin, leat gaskaboddasaččat gaskkalduhttojuvvon
Dearvvašvuođa ja buresbirgejumi lágádus gaskkalduhtii bearjadaga njukčamánu 19. beaivve gaskaboddasaččat boahkuheamit, mat dahkkojuvvojit Astra Zeneca -buktagii, Fimea ilmmuhusaid vuođul. Gaskkalduhttin lea vuoimmis aŋkke dán vahku, ja beali váldin boahkuhemiid joatkimis vurdojuvvo.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 10: 39 dáhpáhusa
Vahkku 11: 29 dáhpáhusa
Vahkku 12 (nohkavaš vahkku): 6 dáhpáhusa (24.3. d. 12.00 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 732 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut d. 11.52)
Oarjebađaeatnama buohccedikšunbiire lea epidemiija jođálnuvvanmuttus.
Epidemiija ain jođálnuvvanmuttus – ráddjehusat joatkašuvvet mánuin
Ovddit geahčastaga maŋŋel ii leat gávnnahuvvon oktage ođđa dáhpáhus. Nohkavaš vahku njoammumat leat gávnnahuvvon golbma.
Guovtti vahku almmáiduvvanlohku lea dál 55,3 / 100 000 orru.
Vahku 11 Oarjebađaeatnama buohccedikšunbiirre viidodagas gávnnahuvvoje 27 koronavirusnjoammuma, main 25 laktáse Badjedurdnosa dávdagihppui. Njoammumiid dárkilit analysas eai leat fuomášuvvon čujuhusat virusvariánttas.
daningo epidemiijadilli sáhttá rievdat jođánit heajut guvlui, mearridii guvllolaš pandemiijabargojoavku joatkit dáláš ráddjehusaid vuoimmis orruma 25.4. rádjái. Sámi guovlohálddahusdoaimmahat dahká maŋŋel dán vahku mearrádusa čoahkkananráddjehusain.
Oarjebađaeatnama viidodaga gustojeaddji koronaávžžuhusaid ja -ráddjehusaid gávnnat dáppe
Boahkuheamit jotkojuvvon Moderna ja Pfizera buktagiiguin
Astra Zeneca boahku juohkingaskkalduhttima dihte muhtin boahkuhanáiggit leat šaddan dán vahku šluhttejuvvot. Boahkuheamit leat goitge jotkojuvvon eará buktagiiguin. Dálá árvvoštallama mielde guvlui boahtti boahkkomearit šaddet cuoŋománu álggus.
Boahkkomearit šaddet dássejuvvot gielddaid gaskka DBL rávvagiid mielde. 70 jagi deavdán boahkuhuvvojit vuohččan, man maŋŋel gielddat jotket riskajoavkkuid boahkuheami.
Oarjebađaeatnama guvllolaš pandemiijabargojoavku
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 10: 9 dáhpáhusa
Vahkku 11: 27 dáhpáhusa
Vahkku 12 (nohkavaš vahkku): 3 dáhpáhusa (24.3. d. 11.52 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 573 dáhpáhusa.
Infekšuvnnaid duostunovttadat