Gaskavahkku 28.10.2020
Sámi buohccedikšunbiirre koronageahčastat
Roavenjárgga gávpogis leat ihtán korona njoammundáhpáhusat govttolaš olu, muhto eará sajes Sámis koronadilli lea ráfálaš. Vahku 43 (19.–25.10.) buohccedikšunbiirre guovllus gávnnahuvvoje 18 dáhpáhusa ja dán vahku dáhpáhusat leat boahtán juo čieža. Epidemiija almmaiduvvan lea 23 dáhpáhusa / 100 000 orru / 14 jr.
Roavenjárgga gávpogis ođđa njoammundáhpáhusat ihtet beaivválaččat. Maŋemus viđa jándora áigge ovdan boahtán dáhpáhusain eatnasiin ii leat sáhttán identifiserejuvvot njoammuma álgoboahtimuš. Dán dihte leanai riska, ahte njoammumat lassánišgohtet, juos ii adnojuvvo ávvir koronadorvvolašvuođas. Earenoamáš dehálaš lea, ahte litná dávdamearkkašiinge, mat čujuhit koronai, ii mannojuvvo skuvlii, áiggeájiide, álbmotdilálašvuođaide dehe deaivvaduvvo oahppásiiguin, muhto mannojuvvo koronadestii ja orrojuvvo ruovttus, dassážii go deastaboađus lea boahtán.
Dasa lassin buohccedikšunbiirre guovllus buohkat galggale ain čuovvut addojuvvon dorvvolašvuođa ávžžuhusaid ja rávvagiid: fuolahit giehta- ja gossanhygieniijas sihke doallat dorvogaskkaid. Ávžžuhusaid mielde ámadeadjomáska galggalii adnojuvvot almmolaš sissajiin ja joavkojohtolagas, juos dorvogaska ii sáhte dollojuvvot.
Infekšuvnnaid duostunovttadat
* * * *
Oarje-Sámi buohccedikšunbiirre koronageahčastat
Oarje-Sámi buohccedikšunbiirre guovllus leat gávnnahuvvon vahku 43 (19.–25.10.) vihtta koronanjoammuma ja muhtin beaivái eai leat ihtán ođđa njoammumat. Koronačájánasat váldojuvvoje vahku áigge 767 stuhka.
Buohccedikšunbiirre guovllus máskkaid atnu lea illudahttima mielde lassánan, mii sáhttá oasistis váikkuhit dáhpáhusmeriid unnumii. Epidemiija ektui buohccedikšunbiirre guovllus leat ain stáđđásit vuođđodásis.
Riskajoavkkuide gullevaččaide ávžžuhuvvo influeansaboahkuma váldin.
Infekšuvnnaid duostunovttadat