Gaskavahkku 31.3.2021
Sámi (Lappi) koronageahčastat almmustuhttojuvvo jorgalussan okte vahkus.
Buohkat geat orodit Sámis galget ohcalit destema várás vuollegis šielmmáin, go unnánašge infekšuvnna dávdamearkkat almmáiduvvet.
Áigeguovdilis liŋkkat:
Dáppe gávnnat buohkaid Sámi (Lappi) gielddaid kontáktadieđuid koronačájánasváldima várás
Lapin viralliset ohjeet koronavirustartuntaa epäilevälle matkailijalle (sámás: Sámi virggálaš rávvagat mátkkošteaddjái, gii vávjá koronavirusnjoammuma)
THL: Matkustaminen ja koronaviruspandemia
Täältä löydät lisää ohjeita ja voimassa olevat suositukset ja rajoitukset sairaanhoitopiirien alueilla (sámás: Dáppe gávnnat lasi rávvagiid ja gustojeaddji ávžžuhusaid ja ráddjehusaid buohccedikšunbiirriid viidodagain)
THL: Täältä voit seurata COVID-19-rokotusten edistymistä (sámás: DBL: Dáppe sáhtát čuovvut COVID-19-boahkuhemiid ovdáneami)
Sámi (Lappi) buohccedikšunbiire
(áigedássásaš dieđut 31.3. d. 12.43)
COVID-19-dilli lea riikkaviidosaččat hedjonan. Eatnasat buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres lea epidemiija jođálnuvvanmuddu.
Guovtti vahku almmáiduvvanlohku (vahkut 11 ja 12) lea 35,9/100 000 orru.
Ovtta vahku almmáiduvvanlohku, vahku 12 oasis lea 11,1/100 000 orru.
Dán oktavuođas almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai leat rehkenastojuvvon olgobáikegottálaččat.
Nohkavaš vahku njeallje njoammuma Sámi buohccedikšunbiirres
Sámi buohccedikšunbiirre viidodagas leat gávnnahuvvon nohkavaš vahku áigge njeallje koronavirusnjoammuma. Guokte gávnnahuvvoje Gihttelis, okta Sallas ja okta Soađegilis. Buot dáhpáhusain njoammun lea njommon Sámi olggobealde.
Mannan vahku (vahkku 12) Sámi buohccedikšunbiirre viidodagas gávnnahuvvoje oktiibuot 13 koronavirusnjoammuma. Koronavirusdeasttat dahkkojuvvoje mannan vahku oktiibuot 4163, main 3950 ledje hoahppoantigenadeasttat. Positiivvalaččaid oassi čájánasain lei 0,31 proseantta.
Restauráŋŋat ožžot leat rabas Sámis earret Gihttela 29.3. rájes
Stáhtaráđđi lea linnjen njukčamánu 23. beaivve, ahte ovddit steŋgemis spiehkastettiin restauráŋŋat ožžot leat rabas mánnodagas njukčamánu 29. beaivve rájes Ålánddas ja Lulli-Nuortabađaeatnamis sihke Sámis (Lappi) earret Gihttela gieldda.
“Earret Sámi eanangotti restauráŋŋastengen lea meroštallojuvvon guoskat oba eanangotti. Riikkabeaivvit gáibidii vástádusastis ráđđehusa ovdanbuktojupmái, ahte eanangoddi, mas leat stuora gaskkat, ja mii lea hárvvet orrojuvvon, ferte geahčaduvvot dárkileappot. Riikkabeivviid oainnu sihke dearvvašvuođa eiseválddiid cealkámuša vuođul restauráŋŋat mearriduvvojit steŋgejuvvot Gihttelis, muhto eará Sámi (Lappi) gielddain restauráŋŋat sáhttet rahpasit 29.3. rájes.”
Bearjadaga njukčamánu 26. beaivve čoahkkanan Sámi buohccedikšunbiirre koronakoordinašuvdnajoavku ii dahkan rievdadusaid ovddit ávžžuhusaide ja rávvagiidda: ovddit ávžžuhusat ja rávvagat vuoimmis 11.4. rádjái
Sámi koronakoordinašuvdnajoavkku dillegeahčastat njukčamánu 26. beaivve:
Koronakoordinašuvdnajoavkku mielde njoammundilli buohccedikšunbiirre viidodagas lea ráfon ovddit vahkus. Dán vahku bearjadatiđida rádjái leat gávnnahuvvon 7 ođđa koronavirusnjoammuma, go mannan vahku ledje oktiibuot 29 ođđa njoammundáhpáhusa.
Dearvvašvuođa ja buresbirgejumi lágádusa raporteremis njoammuma almmáiduvvanlohku buohccedikšunbiirre viidodagas lea guovtti maŋemus vahku oasis 33.3 / 100 000 orru. Viidodaga destenaktiivvalašvuohta lea ain allat ja buot destejuvvon positiivvalaččaid dehege njoammuma oažžuid oassi lea vuollel proseantta.
Sámi buohccedikšunbiirre viidodat lea vel dávdda jođálnuvvanmuttus. Njoammumiid unnideapmi addá guigosiid das, ahte vuođđodássi livččii oažžumis lagas boahtteáiggis, juos ovdáneapmi joatkahuvvá seammasullasažžan.
Beassášáigge ealaskas turisma alla almmáiduvvanguovlluin Sámis sáhttá dagahit njoammundeattu lassáneami. Čuoiganluopmovahkus turisttaid ovddasvástáduslaš doaibma ii dagahan njoammumiid fuopmášahtti lassáneami. Sávaldat lea, ahte maiddái beassážiid áigge turisttat ja báikkálaš orrut doibmet ain ovddasvástáduslaččat ja koronadorvvolaččat, goas epidemiija sáhttá dollojuvvot hálddus.
Koronakoordinašuvdnajoavku ii dahkan rievdadusaid iežas ovddit addin ávžžuhusaide ja rávvagiidda. Addojuvvon rávvagat leat vuoimmis cuoŋománu 11. beaivve rádjái.
Sámi (Lappi) viidodaga áigeguovdilis ávžžuhusat ja ráddjehusat leat dego ovdalge gávdnamis www.koronaturvallinenlappi.fi-siidduin.
Sámi buohccedikšunbiirre koronakoordinašuvdnajoavku sávvá beaivvádagaid ja oadjebas beassážiid olgolihkadeapmái.
Lassidieđut
Jukka Mattila
jođiheaddji njunušdoavttir
t. 050 572 6277
Markku Broas
infekšuvdnanjunušdoavttir
t. 050 347 2387
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 11: 29 dáhpáhusa
Vahkku 12: 13 dáhpáhusa
Vahkku 13 (nohkavaš vahkku): 4 dáhpáhusa (31.3. d. 12.43 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 743 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
(áigedássásaš dieđut 31.3. d. 12.21)
Oarjebađaeatnama buohccedikšunbiire lea epidemiija jođálnuvvanmuttus.
Guvllolaš pandemiijabargojoavku: ráddjehusaid burgin ilá árrat
Vahku 12 Oarjebađaeatnama buohccedikšunbiirre viidodagas gávnnahuvvoje guhtta koronavirusnjoammuma. Nohkavaš vahku lea dán rádjái gávnnahuvvon okta njoammun karantena siste.
Vaikko dilli Oarjebađaeatnamis lea maŋemus vahkuid ráfon, de epidemiija lea guovllus ain jođálnuvvanmuttus. Sosiála- ja dearvvašvuohtaministeriija rávvaga mielde maid čavgadit leavvanmuttu ráddjehusat dollojuvvojit ain vuoimmis.
Ráddjehusaide lea dárbu, vai álkibut njoammu virusvariánttaid leavvan sáhtálii goazaduvvot. Nohkavaš jagi áigge lea oidnon, ahte dilli sáhttá jorggihit vearrát guvlui hui jođánit. Dát lea várran dálnai, juos ráddjehusat burgojuvvojit ilá jođánit. Áššái váikkuha maid lagasguovlluid epidemiijadilli.
Pandemiijabargojoavku mearridii doallat velnai visot dáláš ávžžuhusaid ja ráddjehusaid vuoimmis 25.4.2021 rádjái mannan vahku linnjemiid mielde. Pandemiijabargojoavku ávžžuha sakka visot doibmiid, viidodaga gielddaid, organisašuvnnaid ja servošiid doahttalit dán linnjema. Buot Oarjebađaeatnama viidodaga gustojeaddji koronaávžžuhusat ja -ráddjehusat leat čohkkejuvvon buohccedikšunbiirre fierbmesiidduide.
Boahkkomearit dássejuvvojit
Boahkkomearit leat dássegoahtán gielddaid gaskkas nu, ahte visot viidodaga badjel 70-jahkásaččat, geat háliidit váldit boahku oččole dan nu jođánit go vejolaš.
Boahkuheamit leat jotkojuvvon 29.3.21 rájes maid AstraZeneca boahkuhanávdnasiin badjel 65-jahkásaččaide DBL rávvaga mielde. Boahkuhanvuložiin ii leat vejolašvuohta válljet, man válmmasteaddji buvtta boahkuhemiin adnojuvvo.
Oarjebađaeatnama guvllolaš pandemiijabargojoavku
Lassidieđuid addá: jođiheaddji njunušdoavttir Jyri J. Taskila, 040 352 1097
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 11: 27 dáhpáhusa
Vahkku 12: 6 dáhpáhusa
Vahkku 13 (nohkavaš vahkku): 1 dáhpáhus (31.3. d. 12.21 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 577 dáhpáhusa.
Infekšuvnnaid duostunovttadat