Gaskavahkku 9.12.2020
Sámi (Lappi) koronageahčastat almmustuhttojuvvo jorgalussan okte vahkus.
Sámi (Lappi) buohccedikšunbiirre koronageahčastat
(áigedássásaš dieđut 9.12. d. 12.03)
COVID-19-dilli lea riikkaviidosaččat hedjonan. Eanas buohccedikšunbiirriin leat sirdásan juogo leavvan- dehe jođálnuvvanmuddui. Sámi buohccedikšunbiirres leat ain vuođđomuttus.
Dollot ovttas Sámi buohccedikšunbiire vuođđodásis: Fuolahuvvot dorvvolašvuođa rávvagiid ollašuvvamis
Buohccedikšunbiirre viidodagas ain measta buot dáhpáhusain njoammuma álgoboahtimuš lea dieđus. Hui stuora oasis njoammun laktása olgoriikkaide, olgobáikegottiide dehe Levi Bar Ihku njoammungollosii. Levi máilmmicuppa eahketeallimis álgán njoammungollosis leat dál dieđus 23 dáhpáhusa, main 13 Sámi (Lappi) buohccedikšunbiirre viidodagas.
Vahku 49 áigge buohccedikšunbiirre viidodagas dahkkojuvvoje oktiibuot 3200 koronavirusdeastta, main 1184 hoahppoantigenadeasttat. Positiivvalaččaid oassi deasttain lei 0,69 %. Njoammumat namuhuvvon vahku áigge gávnnahuvvoje oktiibuot 22.
Sámi buohccedikšunbiirres koronavirusa desten lea olles riikka dásis hui aktiivvalaš: vahkus 48 Sámi buohccedikšunbiirre viidodagas váldojuvvoje eanemusat koronadeasttat olles riikka olbmuid meari ektui.
Sámi buohccedikšunbiirre infekšuvnnaid duostunovttadat muittuha riikkavuložiid dorvvolašvuođa rávvagiid jeagadeami dehálašvuođas. Dehálaš lea doallat buori giehtahygieniijas ja dorvogaskkain, sihke atnit máskkaid almmolaš sissajiin ja -fievrruin, juos dorvogaskka doallan ii lihkostuva. Koronavirusdestii galgá ohcalit unnánašge dávdamearkkaid iđedettiin ja bissut ruovttus erremis negatiivvalaš deastabohtosa boahtima rádjái.
Juohkehačča eaktodáhtolaš doaimmain ja dorvvolašvuođa rávvagiid doallamiin sáhttá caggojuvvot koronavirusepidemiija vearráneapmi Sámi buohccedikšunbiirres.
Roavenjárgga Napapiiri Shellis vejolaš dávdaluvvamat gaskavahku 2.12.
Juos don leat earánasttán Shell Napapiiri Roavenjárga -bensiidnastašuvnnas gaskavahku 2.12. diibmu 13 ja 15 gaskkas, don leat sáhttán dávdaluvvat koronavirusii. Vejolaš dávdaluvvamis čuovo iežat veadjima ja ohcal destii unnánašge dávdamearkkaid almmáiduvadettiin.
Vahkuid 48 ja 49 vuođul guovtti vahku almmáiduvvanlohku lea 41,1/100 000 orru.
Ovtta vahku (vahkku 49) almmáiduvvanlohku lea 18,8/100 000 orru.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 48: oktiibuot 26 dáhpáhusa
Vahkku 49: 22 dáhpáhusa
Vahkku 50 (nohkavaš vahkku): 3 dáhpáhusa (9.12. d. 12.03 rádjái)
Buohkanassii Sámi buohccedikšunbiirres leat gávnnahuvvon 355 dáhpáhusa, main 34 leat gávnnahuvvon olgobáikegotti olbmuin.
Infekšuvnnaid duostunovttadat
***
Oarjebađaeatnama buohccedikšunbiirre koronageahčastat
(áigedássásaš dieđut 9.12. d. 12.37)
Oarjebađaeatnama buohccedikšunbiire lea ain jođálnuvvanmuttus.
Mannan vahku njoammumiin eanas karantena olggobealde – Dorvvolašvuođa rávvagat galget doahttaluvvot ain dárkket
Oarjebađaeatnamis gávnnahuvvoje mannan vahku (vahkku 49) 10 koronavirusnjoammuma. Čájánasat viidodagas váldojuvvoje vahku áigge oktiibuot 773. Nohkavaš vahku ođđa dávdadáhpáhusat leat boahtán ovdan okta. Buohcceviessodikšuma ektui dilli lea ain bisson ráfálažžan iige beaktodivššus leat oktage Covid-19-buohcci.
Levi eahketeallima njoammungollosis leat gávnnahuvvon Oarjebađaeatnama viidodagas vihtta dáhpáhusa.
Guovtti vahku almmáiduvvanlohku lea dál 33,4/100 000 orru. Almmáiduvvanlohku lea leamaš vuolimussan vahku áigge 28,4/100 000 orru, nu ahte dat lea veaháš loktanan.
Fuolastuhtti lea, ahte mannan vahku njoammumiin eatnasat bohte karantena olggobealde. Addojuvvon koronaávžžuhusat ja -ráddjehusat galget nappo ain doahttaluvvot fuolalaččat. Pandemiijabargojoavku muittuha, ahte čájánasvástádusa vuorddedettiin galgá orrut ruovttus karantenas. Karantenas orru olbmo luhtte guossástallamat leat gildojuvvon.
Ávžžuhusat ovddešlágánin – eai guoskka SM-dási joavkogilvovalástallama
Guvllolaš pandemiijabargojoavku mearridii doallat addojuvvon koronaávžžuhusaid ovddešlágánin. Dat leat vuoimmis gitta jagi loahpa rádjái.
Oassi viidodaga gielddaid girjerájuin ja museain leat leamaš maŋemus vahkuid gitta. Guvllolaš pandemiijabargojoavku linnjii, ahte girjerájut ja museat sáhtte rahpat uvssaideaset 14.12.2020 rájes oba Oarjebađaeatnama viidodagas. Lohkansálet galget goitge leat giddejuvvon ja buot koronavirusa dorvvolašvuođa rávvagat galget doahttaluvvot fuolalaččat.
Guvllolaš pademiijabargojoavku linnjii maid, ahte dan addin ávžžuhusat eai guoskka SM-dási joavkogilvovaláštallama. Hárjehusat galget goitge ollašuhttojuvvot eanemusat logi olbmo joavkkuin ja nu, ahte joavkkuid čoahkkáibidju seailu seamman. Valáštallit galget maid garvit kontávttaid olbmuide joavkku olggobealde.
Guvllolaš pandemiijabargojoavkku linnjen čuovvu riikkaviidosaš linnjema, man mielde ráddjendoaimmat eai guoskka SM-dási joavkogilvovaláštallama. Guovllu gielddat dahket maŋemus loahpalaš mearrádusaid hárjehallansajiid geavahusa sihke girjerájuid ja museaid rabasorruma hárrái.
Buot oarjebađaeatnama viidodaga gustojeaddji ávžžuhusat ja ráddjehusat leat čohkkejuvvon buohccedikšunbiirre fierbmesiidduide ja gávnnat daid maid dáppe.
-Oarjebađaeatnama guvllolaš pandemiijabargojoavku
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 48: 11 dáhpáhusa
Vahkku 49: 10 dáhpáhusa
Vahkku 50 (nohkavaš vahkku): 1 dáhpáhus (9.12. d. 12.37 rádjái)
Buohkanassii Oarjebađaeatnama buohccedikšunbiirres čájánasváldinčuoggás dahkkon deasttaid vuođul leat gávnnahuvvon 317 dáhpáhusa.
Infekšuvnnaid duostunovttadat