Gaskavahkku 9.6.2021

Sámi (Lappi) doronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkaid almmáiduvadettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)

DBL: Mátkkošteapmi ja koronaviruspandemiija (dušše suomagillii)

DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

Guovtti vahku almmaiduvvanlohku (24.5.–6.6.) lea 1,7/100 000 orru.
Ovtta vahku almmaiduvvanlohku (31.5.–6.6.) lea 0,9/100 000 orru.

Dán olis almmáiduvvanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Roavenjárgga njoammungollosis nubbi njoammun

Mannan vahku (vahkku 22) Sámi buohccedikšunbiirre viidodagas gávnnahuvvui okta njoammun. Koronavirusdeasttat dahkkoje oktiibuot 3212 stuhka, ja dain hoahppoantigenadeasttat ledje 3128. Positiivvalaš bohtosat deastameari ektui ledje 0,03 proseantta.

Sámi buohccedikšunbiirres leat nohkavaš vahku gávnnahuvvon guokte koronavirusnjoammuma. Njoammumiin vuosttaš gávnnahuvvui mánnodaga Roavenjárggas. Namuhuvvon njoammun lei ožžojuvvon Sámi buohccedikšunbiirre olggobealde ja disdaga rádjái dáhpáhusaid dihte karantenii ledje biddjon oktiibuot 33 olbmo. Nubbi nohkavaš vahku njoammumiin gávnnahuvvui odne Roavenjárggas, ja dat laktása mánnodaga gávnnahuvvon dáhpáhussii. Gažaldagas lea karantenii biddjojuvvon olbmo njoammun ja olbmo ruovttubáiki lea Sámi buohccedikšunbiirre olggobealde.

Njoammungollosii laktásettiin dávdaluvvamat leat sáhttán dáhpáhuvvat Roavenjárggas čuovvovaš báikkiin:

lávvordaga 5. geassemánu Kansan pubis diibmu 22.30 ja 01 gaskkas

sotnabeaivve 6. geassemánu restauráŋŋa Kauppayhtiös diibmu 13.50 ja 14.40 gaskkas

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 21: 1 dáhpáhus

Vahkku 22: 1 dáhpáhus

Vahkku 23 (nohkavaš vahkku): 2 dáhpáhusa (9.6. d. 15.19 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 796 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

Oarjebađaeatnama buohccedikšunbiire lea epidemiija vuođđodásis

Guvllolaš pandemiijabargojoavku: Ráddjehusaide rievdadusat

Mannan vahku Oarjebađaeatnama buohccedikšunbiirre viidodagas gávnnahuvvoje 12 koronavirusnjoammuma. Nohkavaš vahku ođđa njoammumat leat gávnnahuvvon dán rádjái njeallje.

Njoammumiid mearri lea loktanan mannan vahkuid litnásit, muhto njoammunguorran doaibma en bures. Viidodaga njoammumiid meari lea oasistis lokten dat, ahte ráji destenčuoggáin destejuvvojit eatnat eará guovllus orru ráji rasttildeaddjit.

Almmaiduvvanlohku lea Oarjebađaeatnama viidodagas dál lea sulaid 30 čuohteduháha orru guovdu. Epidemiijadilli lea guovllus vuođđodásis.

Ávžžuhusat litnot – joatkka geahčaduvvo boahtte vahku

Guvllolaš pandemiijabargojoavku ávžžuha garrasit, ahte 14.6.2021 rájes dáhpáhusaide ja álbmotdilálašvuođaide, mat ordnejuvvojit sissajiin, ožžot oassálastit eanemusat 50 olbmo ja dáhpáhusaide, mat ordnejuvvojit olgun, eanemusat 100 olbmo. Stuorit álbmogii rabas olgodilálašvuođat, ovdamearkka dihte faláštallandáhpáhusat sáhttet ordnejuvvot nu, ahte olbmot leat juhkkojuvvon eanemusat čuođi olbmo juogástagaide. Dát ávžžuhusat leat vuoimmis boahtte vahkku áigge (14.-20.6.2021).

Čuovvovaš háve ávžžuhusat árvvoštallojuvvojit 16.6.2021. Juos epidemiija bissu en vuođđodásis, lea vejolaš, ahte čoahkkanemiid ja álbmotdilálašvuođaid ávžžuhusat sáhttet sihkkojuvvot ollásit 21.6.2021 rájes. Buot Oarjebađaeatnama gustojeaddji koronaávžžuhusat ja -ráddjehusat leat čohkkejuvvon deike sihke buohccedikšunbiirre fierbmesiidduide.

Boahkuheapmi lea olggošbeassan pandemiijas

Boahkuheamit leat ovdánan viidodaga gielddain bures, vaikko boahkuhanávdnasat leat ožžojuvvon viidodahkii njoazebut go lea sávvojuvvon. Buot guovllu boahkuhanvuložiin sulaid 45 proseantta leat ožžon unnimusat vuosttaš boahku. Goappanai boahku leat ožžon sulaid 15 proseantta viidodaga boahkuhanvuložiin.

Oasis guovllu gielddain boahkuhanáiggit sáhttet bures várrejuvvot, daningo áiggit leat várrejuvvon njozet. Vai boahkuhangokčevašvuohta ožžojuvvolii dárbahassii buori dássái, ávžžuhuvvo boahkku buohkaide badjel 16-jahkásaččaide, guvllolaš pandemiijabargojoavku muittuha. Boahkuheami váldin gánnáha, daningo dat álkidahttá dán maŋás mátkkošteami.

Gielddat dieđihit boahkuhemiin iežaset fierbmesiidduin.

Bákkolaš dearvvašvuođa dárkkisteapmái ja koronadestii oassálastin guoská maid Háhpáránddis guossástalliid

Koronavirusdávdda guovtti vahku almmaiduvvan Norrbottenis lea velnai hui allat, iige mátkkošteapmi ávžžuhuvvo viidodahkii. Buohccedikšunbiire muittuha, ahte Supmii máhcadettiin ferte mannat guovlohálddahusvirgedoaimmahaga mearran bákkolaš dearvvašvuođa dárkkisteamis. Dan oassin lea koronavirusdeasta.

Olbmot, geat orrot guovllu olggobealde, eai oro leame diehtime áššis earenoamážit dan hárrái, ahte mearrádus guoská gávppašanmátkki Háhpárándái ja doppe máhccama Supmii. Buohkat fertejit mannat addime koronavirusčájánasa Supmii máhcadettiin, juos ii leat deasttas beasti duođaštus negatiivvalaš ovdadeasttas dehe duođaštus buhccojuvvon dávddas.

Media sávvojuvvo dieđihit ráji bákkolaš dearvvašvuođa dárkkisteamis ja dasa gullevaš koronavirusdeasttas viidát Oarjebađaeatnama viidodaga olggobeallái orruide, vai olbmot livčče áššis buorebut diđolaččat ja vuostálága orrun destendoaimma oasis Supmii máhcadettiin garvojuvvolii.

Giemas Boarrásiidsiida Nestoris lea gávnnahuvvon koronavirusnjoammun – bargit ja orrut dávdaluvvan

Giema Boarrásiidsiida Nestoris ossodagas 1:žis lea gávnnahuvvon koronavirusnjoammun. Oassi bargiin ja orruin leat dávdaluvvan koronavirusii. Dávdaluvvan oapmahaččaide váldojuvvo oktavuohta. Karantena ollahuhttima várás Boarrásiidsiida Nestora ossodat 1 šaddá biddjojuvvot guossástallangildui 19.6.2021 rádjái.

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 21: 8 dáhpáhusa

Vahkku 22: 12 dáhpáhusa

Vahkku 23 (nohkavaš vahkku): 4 dáhpáhusa (9.6. d. 12.08 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 708 dáhpáhusa.