Mánnodat 26.7.2021

• 

• 

• 

Plakáhtagilvvohallama vuoitit leat válljejuvvon! Loga lasi:  

https://koronaturvallinenlappi.fi/julistekilpailu/ (suomagillii)

Sámi (Lappi) koronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkat ilbmudettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)

DBL: Mátkkošteapmi ja koronaviruspandemiija (dušše suomagillii)

Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain

DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

Sámi buohccedikšunbiire lea epidemiija vuođđodásis.

Guovtti vahku ilbmudanlohku (5.–18.7.) lea 63,3/100 000 orru.
Ovtta vahku ilbmudanlohku (12.–18.7.) lea 26,5/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

Alla njoammunmearit earenoamážit Roavenjárggas – dattege buohccedikšunbiirre viidodaga njoammumiin váldooassi ožžojuvvon viidodaga olggobealde dehe karantena siste

Ovddit geahčastaga maŋŋel leat gávnnahuvvon 19 ođđa njoammuma. Mannan vahku Sámi buohccedikšunbiirre viidodagas gávnnahuvvoje dán lági mielde oktiibuot 38 njoammuma. Dáin dáhpáhusain 30 leat gávnnahuvvon buohccedikšunbiirre gieldda orruin dehe olgoriikka olbmuin, ja 8 leat gávnnahuvvon olgobáikegotti olbmuin. Alla ilbmudeamis fuolakeahttá váldooassi njoammumiin bohtet juoga Suoma eará báikkiin dehe olgoriikkain, dehe dat leat lagasbiirenjoammumat dain geat leat karantenas. Roavenjárggas leat goitge gávnnahuvvon mannan vahku golbma dakkár njoammuma, maid álgoboahtimuš ii sáhttán identifiserejuvvot. Njoammumiid mearri Roavenjárgga gávpotguovllus lea dás fuolakeahttá alla dásis.

Buohccedikšunbiirre viidodagas ii goitge vuhtto buohccedikšunviesu noađuheapmi ja dovdameahttun njoammumat leat dušše unnán. Dán lági mielde Sámi buohccedikšunbiire bissu epidemiija vuođđodásis.

Sámi buohccedikšunbiirre infekšuvnnaid duostunovttadat muittuha, ahte destema várás galgá ohcalit dakkaviđe litna dávdamearkkaid ilbmudettiinge ja ovdal deastabohtosa oažžuma sosiálalaš kontávttat galget gáržžiduvvot. Buohccedikšunbiirre viidodagas leat maid ain muohtomáskka geavahanávžžuhus almmolaš sissajiin sihke almmolaš fievrruin.

Ovtta boahkuheami ožžon olbmuid suodji dávdda vuostá lea sulaid 35 proseantta ja dievas boahkuhanráiddu ožžon olbmuin sulaid 85 proseantta – dievas boahkuhanráiddu ožžon olbmuid oasis boahkuhangokčevašvuohta buohccedikšunbiirres lea ain hui váilevaš

Sámi buohccedikšunbiire viidodaga olbmuin unnimusat ovtta boahkuheami leat ožžon dán rádjái 64,1 proseantta ja goappašiid boahkuhemiid, dehege dievas boahkuhanráiddu, leat ožžon 29,3 proseantta álbmogis. Okta boahkuheapmi addá sulaid 35 proseantta suoji korona vuostá ja guokte addosa sulaid 85 proseantta suoji. Daningo dievas boahkuhanráiddu ožžon olbmuid gokčevašvuohta buohccedikšunbiirre viidodagas lea vel hui váilevaš, de lea leame riska epidemiija leavvamis. Koronai laktása maid duođalaš dávdahámi sihke guhká bisti koronadávdda, dehege long covid -dávdaovttastumi riska.

Infekšuvnnaid duostunovttadaga movttiidahttá lappilaččaid ohcalit boahkuhemiid dál nu aktiivvalaččat go vejolaš.

Vejolaš dávdaluvvamat Gihttelis ja Roavenjárggas

Vulobealde leat logahallojuvvon báikkit, main leat sáhttán dáhpáhuvvat dávdaluvvamat koronavirusii. Buohkat namuhuvvon áiggiid dáin báikkiin galledan olbmot ávžžuhuvvojit ohcalit koronadestemii

• Roavenjárgga K-Citymarket biebmogálvvu bealde lávvordaga 17.7. d. 10-18 ja mánnodaga 19.7. d. 12-20  
• Neste Gihttel sotnabeaivvi 18.7. ja gaskavahkku 21.7. d. 18-20  
• Levi hotel spa -lávggohagas gaskavahkku 21.7. d. 13–15.30 

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 27: 43 dáhpáhusa

Vahkku 28: 32 dáhpáhusa

Vahkku 29: 38 dáhpáhusa (26.7. d. 13.37 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 922 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

Oarjebađaeatnama buohccedikšunbiire lea epidemiija vuođđodásis

Mannan vahku viidodaga njoammumearri nohkavaš vahku alimus

Oarjebađaeatnamis gávnnahuvvoje mannan vahku (vahkku 29) oktiibuot 24 koronavirusdáhpáhusa. Vahkuloahpa áigge ođđa dáhpáhusat leat gávnnahuvvon vihtta. Njoammumiid dárkilit analysa lea vel gaskan.

Bearjadaga rádjái ođđa njoammumiid variánttas ii lean vel diehtu. Sáhttá goitge navdit, ahte maid Oarjebađaeatnamis váldun lea herkket njoammu deltavariánta, daningo Lulli-Suomas eanas ođđa dáhpáhusain lea leamaš namuhuvvon variánta. Seamma dilli lea Ruoŧa bealde Norrbottenis, main dávdadilli iešalddes lea illudahtti gal ráfon ee. ovdánan boahkuhemiid geažil.

Deltavariánta orru njoammume maid ovtta variántta ja juobe guovtti boahkuheami olbmuide. Boahkuhuvvon olbmuide dávda lea dattetge leamaš čielgaseabbo litnásit, mii nannosit bealušta boahkuheami váldima.

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 27: 4 dáhpáhusa

Vahkku 28: 6 dáhpáhusa

Vahkku 29: 24 dáhpáhusa (26.7. d. 9.55 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 769 dáhpáhusa.  

Infekšuvnnaid duostunovttadat