Mánnodat 5.7.2021
Plakáhtagilvvohallama vuoitit leat válljejuvvon! Loga lasi:
https://koronaturvallinenlappi.fi/julistekilpailu/ (suomagillii)
Sámi (Lappi) buohccedikšunbiire
Sámi buohccedikšunbiire lea epidemiija vuođđodásis.
Guovtti vahku ilbmudanlohku (14.–27.6.) lea 7,7/100 000 orru.
Ovtta vahku ilbmudanlohku (21.6.–27.6.) lea 0,9/100 000 orru.
Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.
Roavenjárggas Half Moon -idjaklubbas vejolaš dávdaluvvamat mannan vahkuloahpa lávvordaga ja sotnabeaivvi vuostá ija diibmu 24–03 — buohkat geat leat leamaš báikki nalde ávžžuhuvvojit ohcalit destema várás
Vahkuloahpa áigge Sámi buohccedikšunbiirre viidodagas lea gávnnahuvvon okta ođđa njoammun. Dat gávnnahuvvui Roavenjárggas ja olmmoš lea ožžon njoammuma olgoriikkain.
Njoammumii laktásettiin Half Moon Night Club -idjaklubbas leat sáhttán dáhpáhuvvat dávdaluvvamat lávvordaga ja sotnabeaivvi gaskasaš ija suoidnemánu 4. Beaivvi diibmu 24–03. Buohkat, geat leat guossástallan namuhuvvon idjaklubbas namuhuvvon áigge, ávžžuhuvvojit ohcalit destema várás, vaikko dávdaluvvamat eai ilbmudivččege.
Ovddet vahku Roavenjárggas gávnnahuvvui njoammun báikegotti olbmos, gii lei boahtán spábbačiekčama EM-gilvomátkkis olgoeatnamiin. Dárkilit dutkamušain njoammuma dagaheaddjin lea ikton koronavirusa delta-variánta. Mannan vahku Sámi buohccedikšunbiirres gávnnahuvvui maid nubbi njoammun, mii boahtá gilvomátkkis St. Petersburgas.
Plakáhtagilvvohallama mas lei fáddán koronaboahkuheapmi, vuoitobargguin riškot fearggat, roahkkatvuohta ja doaivva
Sámi buohccedikšunbiire ja Oarjebađaeatnama buohccedikšunbiire leat geassemánus arvvosnuhttán lappilaččaid dárkkodit koronaboahkuheami ja boahkuheami váldima váikkuhusaid govvadáidaga vugiiguin plakáhtagilvvohallama bakte.
Gilvvohallan lea dál nohkan ja vuoitit leat válljejuvvon. Mánáid ja nuoraid ráiddu vuitui olahii Silja Ranta plakáhtainis “Boahkuheami oažžun lea cool”. Rabas ráiddu vuoitoplakáhta “Boahkkostuibmi” lea Wilma Lohi giehtačála. Ámmátolbmuid ráiddu vuittiiga Lasse Katainen & Jan Åqvist iežaska plakáhtain “Ale don váippo”. Juohke ráiddus bálkkašuvvoje maid sajiide 2.–5. ollán duojit sihke vuorbáduvvo buot oassálastiid gaskkas vuoittut. Plakáhtagilvui bohte oktiibuot 130 duoji. Gilvvohallanplakáhtaduojit juohkáse sierra ráidduide čuovvovaččat: ámmátolbmuid ráidui bohte 36 plakáhta, rabas ráidui 54 plakáhta sihke mánáid ja nuoraid ráidui 40 plakáhta.
Plakáhtagilvvohallama duopmárat válljeje plakáhtagilvvohallama vuitiid duorastaga 1.7.2021. Duopmáriid oainnu mielde gilvobarggut ledje hui máŋggabeallásaččat ja dárkkode boahkuheami váldima friddjavuođa ja searvvušvuođa sierra oaidninvugiid mielde. Gilvvohallanplakáhtain lei buktojuvvon ovdan somájit Sámi (Lappi) vearjogova villaolbmá go Sámi luondu bohccuidisguin ja čuoikkaidisguin.
Lassidiehtu gilvvohallamis sihke finalistadujiid gávnnat čujuhusas (suomagillii): https://koronaturvallinenlappi.fi/julistekilpailu/
Sámi (Lappi) buohccedikšunbiirres gávnnahuvvon koronadáhpáhusat vahkkosaččat
Vahkku 25: 1 dáhpáhus
Vahkku 26: 2 dáhpáhusa (5.7. d. 12.00 rádjái)
Vahkku 27 (nohkavaš vahkku): 0 dáhpáhusa (5.7. d. 12.00 rádjái)
Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 809 dáhpáhusa. Lohkui gullet maid olgobáikegotti olbmot.
Infekšuvnnaid duostunovttadat
***
Oarjebađaeatnama buohccedikšunbiire
Oarjebađaeatnama buohccedikšunbiire lea epidemiija vuođđodásis.
Oarjebađaeatnamis vahkuloahpa áigge njeallje ođđa njoammuma
Oarjebđaeatnama buohccedikšunbiirres leat gávnnahuvvon njeallje ođđa koronavirusdáhpáhusa vahkuloahpa áigge. Vahku 26 gávnnahuvvoje oktiibuot guhtta koronavirusdáhpáhusa, main vihtta leat gávnnahuvvon olgobáikegotti olbmos. Dáhpáhusain guokte leat eret Ruoŧa bealde.
Njoammumat leat gávnnahuvvon earenoamážit nuorra ráves olbmuid gaskavuođas. Oassi njoammumiin dihttojit dávdamearkkaheapmin dehe vátnadávdamearkkalažžan, man dihte olmmoš guoddá virusa diehtemeahttumin ja dagaha earái suojeheapmin joatkkanjoammumiidda. Dán dihte olbmot ávžžuhuvvojit muitit koronadorvodoaimmaid diliin, main lagaskontávttat ii sáhte garvit sihke ohcalit destii litna dávdamearkkainnai. Boahkuheapmái ohcaleapmi iežas boahkuhanvuoruin lea dehálaš, vai epidemiija oažžasuvvá ráfot bissovaččabut.
Guovtti vahku ilbmudanlohkumasa gullet buot viidodagas gávnnahuvvon dáhpáhusat leat dál Oarjebađaeatnamis dásis 13/100 000 orru.
Oarjebađaeatnama buohccedikšunbiirre álbmogis 1. Boahkuhanaddosa leat ožžon 58,6 % álbmogis ja 2 addosa ožžon leat 23,0 % álbmogis.
Oarjebađaeatnama buohccedikšunbiirres gávnnahuvvon koronadáhpáhusat vahkkosaččat
Vahkku 25: 2 dáhpáhusa
Vahkku 26: 6 dáhpáhusa (5.7. d. 10.52 rádjái)
Vahkku 27 (nohkavaš vahkku): 0 dáhpáhusa (5.7. d. 10.52 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 734 dáhpáhusa.
Infekšuvnnaid duostunovttadat