Perjantai 9.7.

Plakáhtagilvvohallama vuoitit leat válljejuvvon! Loga lasi:

https://koronaturvallinenlappi.fi/julistekilpailu/ (suomagillii)

Sámi (Lappi) doronageahčastat almmustuhttojuvvo jorgalussan okte vahkus.
Buohkat, geat orodit Sámis (Lappis) galget ohcalit destema várás vuollegis šielmmáin, unnánašge infekšuvnna dávdamearkkat almmaiduvadettiin.

Áigeguovdilis liŋkkat:

Sámi (Lappi) virggálaš rávvagat koronavirusnjoammuma vávji mátkkošteaddjái (dušše suomagillii)

DBL: Mátkkošteapmi ja koronaviruspandemiija (dušše suomagillii)

Lasi rávvagat sihke gustojeaddji ávžžuhusat ja ráddjehusat buohccedikšunbiirriid viidodagain

DBL: COVID-19-boahkuhemiid ovdáneapmi (dušše suomagillii)

Sámi (Lappi) buohccedikšunbiire

(áigedássásaš dieđut d. 14.30)

Sámi buohccedikšunbiire lea epidemiija vuođđodásis

Guovtti vahku ilbmudanlohku (21.5.–4.7.) lea 2,6/100 000 orru.
Ovtta vahku ilbmudanlohku (28.6.–4.7.) lea 1,7/100 000 orru.

Dán oktavuođas ilbmudanlohkui gullet maid dat dáhpáhusat, main olbmo ruovttubáikegoddi lea buohccedikšunbiirre olggobealde. Dan dihte lohku sáhttá spiehkastit DBL statistihkain, main mielde eai lohkkojuvvo olgobáikegotti olbmot.

KORONAVIRUSA DELTA-VARIÁNTA LEAVVÁ ROAVENJÁRGGAS: OHCAL DEASTTAIDE JA GARVVE ČOAHKKANEMIID

Ovddit geahčastaga maŋŋel leat gávnnahuvvon 13 ođđa dáhpáhusa. Dáin guokte gávnnahuvvoje Gihttelis, olbmot leat buohccedikšunbiirre olggobealde ja njoammuma gáldu lea olgoriikkain. Okta njoammun gávnnahuvvui roavenjárgalaš olbmos rádjedestema olis. Njoammuma gáldu lea olgoriikkain. Loahpat njoammumiin laktásit váldooasis roavenjárgalaš idjaklubbas vuolgán njoammungollosii.

Sámi buohccedikšunbiirre infekšuvnnaid duostunovttadat doarjala buohkaide roavenjárgalaččaide ja Roavenjárggas orodeddjiide, ahte čuovvovaš vahku áigge garvojuvvole čoahkkaneamit, vai epidemiija leavvan ožžojuvvo bisánit. Sámi buohccedikšunbiire ja Roavenjárgga gávpot leaba ráhkadan čuovvovaš dieđáhusa:

Roavenjárgga koronadilli lea fuolastuhtti ládje hedjonan. Roavenjárggas leat gávnnahuvvon dán vahku 35 ođđa njoammuma. Ievttá duorastaga maŋŋel ođđa njoammumat leat gávnnahuvvon 11. Njoammumiid duogážis lea deltavariánta, mii lea fuopmášahtti hearkkibut njoammu go ovddit virustiippat.

Vulobealde leat logahallojuvvon báikkit, main leat sáhttán dáhpáhuvvat dávdaluvvamat koronavirusii be 2.7.–du 8.7.21. – Dárkkis listtu ja ohcal destii juos don leat leamaš báikkis!

Biebmogávppit:

Prisma biebmogálvobealli

lávvordat 3.7. d. 12-20
mánnodat 5.7. d. 8-14

Minimani

mánnodat 5.7. d. 18.30-18.40
disdat 6.7. d. 18-19

Kairatie K-market

disdat 6.7. d. 20-20.15

Viirinkangas K-market

gaskavahkku 7.7. d. 17.30-18.30

Lidl Industriijagilli

mánnodat 5.7. d. 12.45-13.30 ja 6.7. d. 16.15-16.30

Guovddáža Sale

mánnodat 5.7. d. 9.30-9.45

K-supermarket Gávpetorga

disdat 6.7. d. 15.45–16

Restauráŋŋat/gáfestallanstobut/bárat:

Kansan Pubi

bearjadat 2.7. – lávvordat 3.7.21 d. 21-01
lávvordat 3.7. – sotnabeaivi 4.7.21 d. 21-21.30 ja 24-02
gaskavahkku 7.7. d. 01-02

Halfmoon

bearjadat 2. – lávvordat 3.7 d. 01-04
lávvordat 3. – sotnabeaivi 4.7. d. 23-04

Kauppayhtiö

sotnabeaivi 4.7. d. 15-18 (terássa)
sotnabeaivi 4.7. d. 19-21 (Pure Pizza bealli)

Oluthuone, terássa

mánnodat 5.7. d. 18-20

Wingston oalgerestauráŋŋa

sotnabeaivi 4.7. d. 17-18.30

Oliver’s Corner, terássa

sotnabeaivi 4.7. d. 18-18.20

Álšasálet

Liikku Rovaniemi

mánnodat 5.7. d. 8.20-9.30
disdat 6.7. d. 15.30-16.45

Easyfit Rovaniemi

mánnodat 5.7. d. 17.20-19.00

Valáštallandáhpáhusat:

RoPS-speallu sotnabeaivi 4.7. d. 18.30-20.30
Urheiluopisto, Kultavaskooli-speallu sotnabeaivi 4.7. d. 9.45-11.00 ja 13.30-15.30

Earát

Arktikum

sotnabeaivi 4.7. d. 13-16

Sámi buohccedikšunbiire ávžžuha visot dávdamearkkahemiid bajábealde namuhuvvon báikkiin namuhuvvon áiggiid leamaš olbmuid ohcalit koronadestii 3–5 beaivvi geažes vejolaš dávdaluvvamis. Dávdamearkkalaččat galget ohcalit destii dakkaviđe go dávdamearkkat ilbmanit. Negatiivvalaš deastabohtosa oažžuma rádjái olmmoškontávttat galget garvojuvvot.

Roavenjárgga gávpot lea lasihan destenkapasiteahta vahkulohppii. Roavenjárggas leat golbma koronadestenbáikki: Mehiläinen drive in -destenčuokkis Sairaalakatus, Terveystalo destenčuokkis Revontuli-gávpeguovddážis sihke Lappica destenčuokkis Lapinkävijäties. Destenčuoggát bálvalit maid boahtte vahkuloahpa. Rabasorrunáiggit vulobealde.

Mehiläinen drive in -destenčuokkis, Sairaalakatu 1

má–be d. 7.30–14.30
lá–so d. 8.30–15.30

Terveystalo destenčuokkis, Gávpeguovddáš Revontuli 1. geardi, lulágeahčen

má-di d. 7.20–14 ja ga-be d. 7.20–13
Spiehkastatlaš rabasáigi lá 10.7. ja so 11.7. d. 8–13

Lappica destenčuokkis (dušše áigevárremiin), Lapinkävijäntie 2

má-du d. 7.30–15.30 ja be. d. 7.30–14.30
Spiehkastatlaš rabasorrunáigi la 10.7. ja su 11.7. d. 7.30–12

Áigevárrehus Lappica telefonbálvalussii 020 692 190 árggaid diibmu 7.30–13, ja vahkuloahpaid lá 10.7. ja so 11.7. d. 7.30–11.30.

Roavenjárgga gávpot doarjala buot gieldalaččaide, vaikko dávdaluvvan ii dieđu mielde livčče dáhpáhuvvange:

garvve čuovvovaš vahku áigge sissajiid, main leat olu olbmot čoahkis
doahttal máskaávžžuhusa almmolaš sissajiin ja almmolaš fievrruin
ohcal koronadestii vuollegis šielmmáin, juos dus leat dávdamearkkat, mat laktásit koronavirusinfekšuvdnii.

Lassidiehtu:

Outi Palmén, njunušdoavttir, rabasvuostáváldin, Roavenjárgga gávpot, outi.palmen(at)rovaniemi.fi, t. 016 322 4582

Markku Broas, Sámi buohccedikšunbiirre infekšuvdnanjunušdoavttir, markku.broas(at)lshp.fi, t. 050 347 2387

Sámi buohccedikšunbiirres gávnnahuvvon koronadáhpáhusat vahkkosaččat

Vahkku 25: 1 dáhpáhus

Vahkku 26: 2 dáhpáhusa

Vahkku 27 (nohkavaš vahkku): 37 dáhpáhusa (9.7. d. 14.30 rádjái)

Buot buohkanassii Sámi buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 843 dáhpáhusa. Lohkui gullet maid olgobáikegotti olbmot.

Infekšuvnnaid duostunovttadat

***

Oarjebađaeatnama buohccedikšunbiire

(áigedássásaš dieđut d. 10.09)

Oarjebađaeatnama buohccedikšunbiire lea epidemiija vuođđodásis

Dieđáhus 7.7.2021: Guvllolaš pandemiijabargojoavku: Vuođđodássi joatkahuvvá Oarjebađaeatnamis

Koronavirusepidemiija lea Oarjebađaeatnama guovllus vuođđodásis. Mannan vahku guovllus gávnnahuvvoje guhtta koronavirusnjoammuma, main vihtta olgobáikegotti olbmuin. Nohkavaš vahku lea dán rádjái gávnnahuvvon okta njoammun (diehtu 7.7. beaivvis. Njoammumat ledje bearjadaga 9.7. rádjái gávnnahuvvon oktiibuot golbma).

Njomohallan olbmot leat eanasin nuorat, 20-30 –jahkásaš rádjerasttildeaddjit. Buohccedivššus ii leat dál oktage koronabuohcci.

Vaikko viidodaga epidemiijadilli lea ráfálaš, de galget koronadorvvolašvuođa doaimmat, dehege buorre giehtahygieniija ja dorvogaskkat, ain doahttaluvvot. Guvllolaš pandemiijabargojoavku ávžžuha joatkit maid máskka geavahusa buot sosiálalaš kontávttain, main dorvogaskkat eai sáhte dáhkiduvvot.

Koronadorvogeavadat lea ávžžuhahtti jotkojuvvot ain maid bargosajiin. Gáiddusbargu ávžžuhuvvo, juos dat bargoaddi linnjemiid mielde lea vejolaš. Buot Oarjebađaeatnama viidodaga gustojeaddji koronaávžžuhusat leat čohkkejuvvon buohccedikšunbiirre fierbmesiidduide. (suomagillii)

Suoidnemánus addojuvvojit beaktoboahkuheamit

Oarjebađaeatnama viidodaga olbmuin unnimusat ovtta boahkuheami leat ožžon dán rádjái 58,6 proseantta. Goappašiid boahkuhemiid leat ožžon 23,3 proseantta álbmogis. Boahkuheamit leat ovdánan gielddain veaháš sierra leahtu. Dát lea čuovvumuš gielddaid earálágán álbmotráhkadusain.

Boahkuhanearit, mat bohtet suoidnemánus, geavahuvvojit Oarjebađaeatnama viidodagas eanas beaktoboahkuhemiide, nu ahte vuosttaš boahkuhanáiggit sáhttet várrejuvvot unnit.

Oasis gielddain boahkuhanáiggit leat báhcán juobe atnemeahttumin. Guvllolaš pandemiijabargojoavku ávžžuha maid nuorat ahkeluohkáid várret boahkuhanáiggi, go dat lea vejolaš. Dárbahassii viiddes boahkuhangokčevašvuohta lea dehálaš pandemiija hálddašeami dáfus, vai čavga ráddjehusaide ii dárbbahivčče šat máhccat. Iežas boahkuheapmi álkidahttá maid mátkkošteami. Supmii olgoriikkain boahttiid geatnegasvuođat earáhuvvet boahtte vahku álggu rájes. Lassidiehtu fáttás SDM dieđáhusas. (suomagillii)

Duođaštusa ožžojuvvon koronaboahkuhemiin oažžu Omakanta (Vuorká-)-bálvalusas. Lassidiehtu boahkuhanduođaštusain oažžu čujuhusas https://www.kanta.fi/koronatodistus. (suomagillii)

Oarjebađaeatnama guvllolaš pandemiijabargojoavku

Oarjebađaeatnama buohccedikšunbiirres gávnnahuvvon koronadáhpáhusat vahkkosaččat

Vahkku 25: 2 dáhpáhusa

Vahkku 26: 6 dáhpáhusa

Vahkku 27 (nohkavaš vahkku): 3 dáhpáhusa (9.7. d. 10.19 rádjái)

Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 737 dáhpáhusa.