Vahkku 47
Sámi koronageahčastat – vahkku 47
Sámi buohccedikšunbiirre koronageahčastat – 47. vahku čoahkkáigeassu
(áigedássásaš dieđut 20.11. d. 13.39)
Sámi buohccedikšunbiirre viidodagas vahkku lea leamaš ráfálaš
Oba Sámi buohccedikšunbiire lea dal ruovttoluotta epidemiija vuođđomuttus.
Dán vahku leat gávnnahuvvon oktiibuot 8 njoammuma (bearjadahkii 20.11. d. 13.39 rádjái).
Roavenjárgga ja Soađegili njoammungollosat leat oažžašuvvan giddejuvvot. Vahku áigge gávnnahuvvon dáhpáhusat leat laktásan olbmuid, geain lea olgoriikkalaš duogáš, njoammumiidda sihke Soađegili njoammungollosii.
Johtilis antigenadeasttain stuora veahkki
Sulaid goalmmádas vahku 46 dahkkojuvvon deasttain leat leamaš johtilis antigenadeasttat. Johtilis antigenadeasttain lea jođálnuhtton guorranbargu Soađegilis ja dat doaimmai ja lihkostuvai bures maid Levi máilmmicup-gilvui olgoriikkain charter-girdimiin boahtán oasseváldiid girdihámmandestemis.
World Cup Levi 21.-22.11.2020
Gihttela Levis ordnejuvvo vahkuloahpa 21.-22.11. World Cup Levi. Dáhpáhusa dorvvolašvuođa doaimmat leat váldojuvvon duođalaččat. Gilvui oassálastit leat destejuvvon johtilis antigenadeasttain ja desten lea doaibman bures.
Dáhpáhusas leat olu oasseváldit ja olbmot, nu ahte dorvvolašvuođa rávvagiid gánnáha váldit duođalaččat. Dorvogaskkaid gánnáha čuovvut ja juos dat ii leat vejolaš, adnojuvvo muohtomáska. Giehtadesi atnu lea dehálaš.
…
Sámi buohccedikšunbiirre almmáiduvvanlohku guovtti maŋemus vahku vuođul (vahkut 45 ja 46) lea 58,1/100 000 orru.
Almmáiduvvanlohku mannan vahku (vahkku 46) vuođul lea 22,2/100 000 orru.
Mannan vahku (vahkku 46) Sámi buohccedikšunbiirre viidodagas dahkkojuvvoje oktiibuot 2719 koronadeastta, main positiivvalaččaid oassi lei 0,96 %.
Sámi buohccedikšunbiirres gávnnahuvvon koronadáhpáhusat vahkkosaččat
Vahkku 45: oktiibuot 42 dáhpáhusa
Vahkku 46: oktiibuot 26 dáhpáhusa
Vahkku 47 (nohkavaš vahkku): oktiibuot 8 dáhpáhusa (20.11. d. 13.39 rádjái)
Buot buohkanassii Sámi buohccedikšunbiirres leat gávnnahuvvon 302 dáhpáhusa, main 26 leat gávnnahuvvon olgobáikegotti olbmuin.
Infekšuvnnaid duostunovttadat
***
Oarjebađaeatnama buohccedikšunbiirre koronageahčastat – 47. vahku čoahkkáigeassu
(áigedássásaš dieđut 20.11. d. 10.50)
Oarjebađaeatnama buohccedikšunbiire lea ain jođálnuvvanmuttus
Dán vahku leat gávnnahuvvon oktiibuot 19 njoammuma (bearjadahkii 20.11. d. 10.50 rádjái).
Almmáiduvvanlohku buohccedikšunbiirre viidodagas lea 115,3/100 000 orru.
Koronavirusdestii galgá muitit diŋgot áiggi juo litna dávda dávdamearkkaiguin. Gaskkohagaid olbmot vurdet litna dávdamearkkaiguin guhká ovdal ohcaleami destii. Dávdamearkkaid álggus olmmoš goitge vuohčuda stuora meriid virusa birrasasas. Dilli doalvu álkit dasa, ahte dávdaluvvan olbmot leat olu ja njoammungollosat eai boatkan. Litna dávdamearkkaiguin ii sáhte mannat bargui iige gávpái ovdal go koronavirusdeasta lea dahkkojuvvon. Go vuordá destii beassama, de galgá leat ruovttus dego maid vuorddedettiin deastavástádusa. Merrojuvvon karantena galgá doahttaluvvot.
Eai badjel 10 heakka čoahkkaneamit
Vaikko njoammumiid mearri lea aiddo dál njiedjama guvlui, ii epidemiijadilli leat vel ráfon sávvojuvvon vuogi mielde. Dán dihte guvllolaš pandemiijabargojoavku ávžžuha garrasit, ahte badjel 10 heakka čoahkkaneamit eai dál ordnejuvvo. Ávžžuhus lea vuoimmis oba buohccedikšunbiirre viidodagas 2.12.2020 rádjái. Maiddái buot eará ávžžuhusat leat ain vealtameahttumat ja fámus.
Ođđa njoammungollosat leat boahtán johtui unnislágán priváhta feasttain. Dát galget garvojuvvot.
Dehálaš lea maid viggat garvit iešguđetlágán olmmoškontávttaid, vai dilli ožžojuvvo ruovttoluotta vuođđodássái, ja ráddjehusat ja ávžžuhusat sáhtte burgojuvvot.
Galgá muitojuvvot guovtti mettara dorvogaska ja muohtomáskka atnu. máska ii veahket, juos dorvogaska vajálduvvá.
Muitte láddet iežat telefovdnii Koronaseava -applikašuvnna. Muitte maid áigeguovdilastit applikašuvnna!
Buot Oarjebađaeatnama guovllu gustojeaddji koronaávžžuhusat ja -ráddjehusat leat čohkkejuvvon Oarjebađaeatnama buohccedikšunbiirre interneahtta-siidui. Gávnnat daid maid ovdasiiddu koronarávvagiid vuolde.
Oarjebađaeatnamis gávnnahuvvon koronadáhpáhusat vahkkosaččat
Vahkku 45: oktiibuot 36 dáhpáhusa
Vahkku 46: oktiibuot 29 dáhpáhusa
Vahkku 47 (nohkavaš vahkku): oktiibuot 19 dáhpáhusa (20.11. d. 10.50 rádjái)
Buot buohkanassii Oarjebađaeatnama buohccedikšunbiirre čájánasváldinčuoggáin dahkkojuvvon deasttaid vuođul leat gávnnahuvvon 282 dáhpáhusa.
Infekšuvnnaid duostunovttadat