Länsi-Pohja koronaávžžuhusat ja -ráddjehusat, mat leat fámus
Beaiváduvvon: 2.3.2022
Jorgaluvvon veršuvnna beaivádeapmi soaitá ádjánit. Áigeguovdilis dieđut gávdnojit suomagillii Länsi-Pohja buohccedikšunbiire fierpmesiidduin.
Áigeguovdilis diehtu koronavirusis ja ráddjehusain sáhtát lohkat stáhtaráđi fierbmesiidduin (suoma-, ruoŧa- ja eŋgelasgillii).
Sámi (Lappi) eanangotti viidodagas lea 1.3.-31.3.2022 vuoimmis Sámi guovlohálddahusvirgedoaimmahaga mearrádus (dušše suomagillii), mii dahká vejolažžan álbmotdilálašvuođaid ja almmolaš čoakkámiid lágideami, juos doaibmi lea ordnen iežas doaimma sajiid dađi lági mielde, ahte lagaskontávttaid dagahan riska sáhttá caggojuvvot.
Oba Oarjebađaeatnama viidodagas lea vuoimmis viiddes gáiddusbargoávžžuhus sihke viiddes muohtomáskka geavahanávžžuhus. Riikaviidosaččat koronaráddjehusat leat juo burgigoahtán, muhto Oarjebađaeatnama viidodagas gáiddusbargoávžžuhus lea merrojuvvon joatkit njukčamánu lohppii.Muohtomáskka atnu ávžžuhuvvo lagaskontávttain bargosajiin ja oahppolágádusain badjeskuvlla rájes. Earenoamáš dehálaš iežas suddjen lea olbmuide, geain lea váilevaš boahkuhansuodji.
Bargguide dehe skuvlii ii galgga mannat buohccin, muhto litnáge influeansadávdamearkkain galgá garvi kontávttaid eará olbmuide ja ohcalit koronadestii.
Dorvvolaš koronaboahkuheapmi ávžžuhuvvo buohkaide badjel 12-jahkásaččaide. Boahkuheapmi ii cakka ollásit njomohallama, muhto suddje hui áhpasit duođalaš buohccámis.
Guossástallamiid gáržžideapmi sosiála- ja dearvvašvuohtafuolahusa doaibmaovttadagain ja daidda buohtastahtti doaibmačuoggáin. Guossástallamiin ferte sohppojuvvot doaibmaovttadagain. Guossástalliin eai oaččo leat dávdamearkkat. Guossástallamis adnojuvvo muohtomáska. Maiddái giehtahygieniijas ja ja dorvogaskkain galgá fuolahuvvot. Doaibmaovttadagaid ovddasvástádussan lea guossástallamiid dorvvolaš plánen ja ollašuhttin. Dáidda oažžu dárbbu mielde rávvagiid ja doarjaga Oarjebađaeatnama guovddášbuohcceviesu infekšuvdnaduostunovttadaga hygieniijadivššáriin.
Sámi guovllu turisma- ja restauráŋŋasuoggi dearvvašvuođa dorvvolašvuohtarávvagiid sáhtát lohkat koronaturvallinenlappi.fi-siidduin.
Turismmas ávžžuhuvvo váldit vuhtii čuozáhatguovllu epidemiijadilli. Rávvagat ráji rasttildeapmái lea buktojuvvon ovdan Rádjegozáhuslágádusa fierbmesiidduin.
Ovddalgihtii eastadeapmi: Juos dus leat dávdamearkkat, bargga Omaolo-deastta (sámás: Iežasveadjin-) ja mana dárbbu mielde koronavirusdestii. Fuolat álohii giehtahygieniijas ja dorvogaskkain. Ládde koronaseavvaga. Garvve badjelmearálaš lagaskontávttaid.
Eará buozalmasaid dikšun: Fuolat iežat buozalmasa dikšumis, mii dus dál lea, ja ohcal dutkama ja dikšuma várás dávdamearkkaid dihte, mat bistet guhká.