Lisätty 24.03.2021.

Länsi-Pohja koronaávžžuhusat ja -ráddjehusat, mat leat fámus

Beaiváduvvon: 24.3.2021

OEBDB

Koronavirusdilli lea Länsi-Pohja guovllus ain jođálmuvvanmuttus.

Almmolaš dilálašvuođaid ja almmolaš čoahkkanemiid oassálastimearri sáhttá leat stáhtaráđi ávžžuhusa mielde eanemustá guhtta olbmo.  Ávžžuhuvvo čuovvut dán guđa heakka oassálastiráji maiddái priváhtta dilálašvuođain. Lappi guovlohálddahusdoaimmahat lea mearrádusainis 3.3.2021 gieldán buot buot badjel guđa heakka almmolaš dilálašvuođaid ja almmolaš čoahkkimiid 28.3.2021 rádjái.

Ávžžuhuvvo, ahte badjel 20-jahkásaččaid joavkohápmásaš astoáiggedoaimmat siste gaskkalduhttojit 25.4.2021 rádjái. Gielddat dahket lášmmohallanbáikkiid geavaheamis ja daid giddemis iežaset mearrádusaid.

Ávžžuhuvvo bargat ja čoahkkimastit gáiddusin go dat lea vejolaš ja jos dat leat bargoaddi mearrádusaid mielde vejolaččat.

Nuppi ceahki oahppolágádusaide ávžžuhuvvo gáiddusoahpahus gieldda epidemiijadili dihte. Ávžžuhuvvo, ahte lagašoahpahusdiliide oassálastet eanemustá guhtta heakka hávil. Lagašoahpahusas ferte čuovvut koronadorvvolašvuohtarávvagiid ja fuolahit doarvái guhkes dorvogaskkain ja ámadadjosuoji geavaheamis.

Ávžžuhuvvo geavahit ámadadjosuoji buot dilálašvuođain, main ii sáhte doalahit dorvogaskkaid.  Erenomážit riskajoavkkut berrejit muitit ámadadjosuoji geavaheami. Dearvvašvuođafuolahusa bargit ávžžuhuvvojit geavahit kirurgalaš njálbme-njunnesuoji buot buohccibarggus, jos dorvogaskkat eai ollašuva. Ávžžuhus guoská maiddái buohcciid, oapmahaččaid, gallededdjiid ja studeanttaid. Sosiálafuolahusa birrajándora divššu doaibmanovttadagain ávžžuhus bargiid ja gallededdjiid njálbme-njunnesujiid geavaheamis lea leamašan fámus juo ovdal ja joatkašuvvá ain. Ámadadjosuoji geavaheapmi ávžžuhuvvo maiddái badjedásseahkásaččaide ja dađi boarráseappuide skuvllas ja astoáiggedoaimmain.

Galledemiid ráddjen sosiála- ja dearvvašvuođafuolahusa doaibmanovttadagain ja sullasaš doaibmanbáikkiin. Galledemiid galgá soahpat doaibmanovttadagain. Gallededdjiin eai oaččo leat dávdamearkkat ja sii ožžot leat 1-2 hávil. Galledeami áigge geavahuvvo ámadadjosuodji. Maiddái giehtahygieniijas ja dorvogaskkain galgá fuolahit. Doaibmanovttadagat vástidit galledeami dorvvolaš plánemis ja ollašuhttimis. Dáidda oažžu dárbbu mielde rávvagiid ja doarjaga Länsi-Pohja guovddášbuohcceviesu infekšuvdnaeastadanovttadaga hygieniijadivššáriin.

Biebmangávppiid rabasáiggiid dáfus čuovvut stáhtaráđi ásahusa, mii lea fámus 30.6.2021 rádjái. Lassedieđut stáhtaráđi neahttasiidduin. Lappi guovllu turisma- ja restoráŋŋasuorggi dearvvašvuođadorvvolašvuođarávvagiid sáhtát lohkat koronaturvallinenlappi.fi-siiddus.

Ii ávžžuhuvvo rájáid rasttildeaddji mátkkošteapmi olgoriikkaide. Maiddái ruovtturiikkas mátkkošteami galgá ráddjet dušše vealtameahttun dilálašvuođaide. Iežas guovllu olggobeallái mátkkošteami berre garvit.

Eastadeapmi: Länsi-Pohja guovllu pandemiijabargojoavku addá ávžžuhusaid, maid ulbmilin lea dorvvastit ássiid dearvvašvuođadili, dearvvašvuođafuolahusa doaibmannávccaid, eastadit ja ráddjet koronavirusepidemiija leavvama.

Jos dus leat dávdamearkkat, biso ruovttus, bargga Omaolo-teastta ja mana dárbbu mielde koronavirustestii. Fuolat álo giehtahygieniijas ja dorvogaskkain. Luđe koronavilkku. Garvve badjelmearálaš lagaškontávttaid.

Eará buohcuvuođaid dikšun: Jos dus lea buohcuvuohta, fuolat dan divššus ja ohcal dutkamušaide ja dikšui, jos dus leat guhkesáigge dávdamearkkat.