Lisätty 09.02.2021.

Rávvagat COVID-19 dávdaluvvama (su. altistus) geažil karantenii mearriduvvon olbmui

9.2.2021

Lappi buohccedikšunbiire                                                                                                         

BUOHCCÁI

Infekšuvnnaid eastadanovttadat           

Rávvagat COVID-19 dávdaluvvama (su. altistus) geažil karantenii mearriduvvon olbmui

Koronavirus (COVID-19) lea árvvoštallon dábálašváralaš njoammudávdan. Njoammudávdalága (1227/2016) mielde gieldda dahje buohccedikšunbiirre virgegaskavuđot njoammudávddain vástideaddji doavttir sáhttá mearridit karantenii dábálašváralaš dahje dábálašváralažžan luhtolaččat navdon njoammudávdii buohccán olbmo dahje olbmo, gii luhtolaččat eahpiduvvo leat buohccán. Ruoktokarantenain dárkkuhuvvo ruovttus orrun ja dainna figgojuvvo dasa, ahte eastaduvvojit joatkkanjoammumat.

Karantenii mearriduvvon dávdaluvvan olmmoš galgá

  • bissut ruovttus
  • vealtat sosiálalaš kontávttaid (bearašlahtuiguin, geat leat seammá dállodoalus, oažžu leat dahkamušas)
  • bissut siste. Goittotge iežas šiljus oažžu johtalit, juos šiljus eai leat eará olbmot (omd. bearašdállu). Bákkolaš diliin sáhttá olgun fitnat ja lihkadit (omd. beatnagiin), muhto eará olbmuin ferte bissut badjel 2 mehtera duohken.
  • leat jotkkolaččat fáhtemis.
  • váldit oktavuođa iežas dearvvasvuođaguovddážii tel. __________________________ juos sutnje bohtet dávdaovdasat (nuorvvu, gosahat, čottabávččas, feber, smáhken- dahje haksináiccu nuppástusat, čoavjebávččas/čoalas). Dalle dávdaluvvan olmmoš testejuvvo  COVID-19 dihtii.
  • it oaččo fitnat borramušgávppis. Oapmahaččat, geat eai leat karantenas, sáhttet fitnat gávppis. Juos dus ii leat oktage, gii sáhttá fitnat gávppis du beales, de váldde oktavuođa iežat gildii.
  • dávdaluvvan bearašlahtut eai leat karantenas muhto sii sáhttet eallit normála eallima. Dilli rievdá, juos dávdaluvvan olmmoš buohccá.
  • dávdamearkkahis olbmuid testen ii atte luohtehahtti bohtosiid njoammuma birra.

Karantenaáigi meroštallo buohcci mielde.

  • Dávdaluvvan olbmo karantenaáigi lea 14 jándora maŋimuš dávdaluvvamis.
  • Bearašdávdaluvvamis karantena guhkkodat lea 14 jándora (2 vahku) positiivvalaš dáhpáhusa dávdaovdasiid álggus. Juos seamma bearrašis buohccájit eambbo olbmot, karantenaáigi joatkašuvvá. Dalle áigi rehkenasttojuvvo ođđasit maŋimuš buohccán bearašláhtu dávdaovdasiid álggus. Bearašdávdaluvvamis karantenaáigi lea goittotge eanemus 4 vahku.

Karantenii mearriduvvon olmmoš, guhte lea bargoeallimis, lea vuoigadahtton njoammudávdalága mieldásaš njoammudávdabeaiveruhtii, mii ohcco KELA:s karantenamearrádusain, man lea vuollái čállán gieldda/buohccedikšunbiirre njoammudávddain vástideaddji doavttir. Vuollái 16-jahkásaš máná fuolaheaddjis lea vuoigatvuohta njoammudávdabeaiveruhtii, juos mánná lea mearriduvvon karantenii ja fuolaheaddji ii danin sáhte bargat barggu.

Lassidieđut njoammudávdabeaiveruđa birra: KELA Njoammudávdabeaiveruhta