Lisätty 05.03.2021.

Rávvagat koronavirustestemiin rájirasttildanbáikiin 27.1.2021 rájis

Suoma stáhtaráđđi lea mearridan ođđajagimánu 22. beaivve, ahte riikii boahtima ráddjehusat čavgejuvvojit. Ođđa ráddjehusat bohtet fápmui gaskavahku 27.1.2021 ja bistet 25.2.2021 rádjai. Nuppástusaiguin geahččalit eastit ođđa koronavirusvariánttaid leavvama.

Buot riskariikain Supmii boahti mátkosteaddjit ja sierrajoavkuide gullevaš olbmot oahpistuvvojit dán rávvagis logahallojuvvon koronatestenbáikkiide earret sin, geain lea čájehit negatiivvalaš boađus koronateastas (PCR – dahje antigeanateasta), mii lea váldon guhkimustá 72 diimmu ovdal Supmii boahtima, dahje luohttihahtti duođastus das, ahte olmmoš lea juo skihpán COVID-19 njoammudávdda. Fievrridansuorggi bargit (dávvirjohtalus)  eai oahpistuvvo testemii.

Jos olmmoš lea Suomas badjel 72 diimmu, son ferte ohcalit nuppe koronatestii 3 jándora maŋŋel vuosttas teasta. Dát dáhpahuvvá ovdamearkadihte ruoktobáikegottis dahje dan báikegottis gos olmmoš Suomas orru. Dakkár riikiiboahti olmmoš oahpistuvvo váldit aktavuođa rájirasttildanguovllu buohccedikšui dieđuidčoaggima váras.                      

Suoma ja Ruoŧa ja Suoma ja Norgga jeavddalaš bargomátkejohtalusas johtti olbmot eai oahpistuvvo testemii juohke rájirasttildeami aktavuođas. Sis dohkehuvvo negatiivvalaš koronateastaduođastus, jos teasta lea váldon vuollái 7 jándora ovdal rájirasttildeami.

Rájirasttildanbáiki eiseválddit ja orrunbáikegotti njoammodávdaeiseválddit rávvejit mátkosteaddjiid doaibmat nu, ahte mátkosteaddjit eai leat dahkamušain veagaset olggobeal` olbmuiguin ovdal go goabbat koronateastta boađus leat válmmas, vai njoammunvejolašvuohta veaga olggobeal´ olbmuide ii šaddalii (eaktodáhtolaš karantena). 

Testen ja ávžžuhus eaktodáhtolaš karantenas dahje aktavuohtadieđuid čoaggin ii guoská dávvirjohtalusa fievrridan- ja logistihkkabargiid bargoset áigge. Testema galgá goit álot čađahit jos olbmoš leat koronavirusii heivi dávdamearkat dahje jos son ieš eahpida ahte dávda lea sutnje njoammon.

Eanodagas ja Muonás doibmet čuovvovaš testenbáikit (rabasáiggit Suoma áiggis):

Heahttá, Ruijantie 15. Rabasáiggit d. 9.00 – 17.00 Heahttá Koronatelefovdna + 358 40 654 5660

Gáresavvon,  Northern gifts oasussearvvi giddodat Käsivarrentie 3719  Rabasáiggit d. 8.00 – 16.00  tel.+358 40 559 1411 

Muoná, Ojustie. Rabasáiggit d. 8.00 – 16.00 be d. 8.00 – 14.00 tel. +358 40 662 4565

Muoná, gohccin. Pirkantie 11.  Rabasáiggit  d.16.00 – 08.00 be d. 14.00 rájis tel. +358 40 714 2845

Gilbbesjávri, Käsivarrentie 14645 (Saanatie) 99490 Kilpisjärvi.    d. 8-16 (6.2.2021 ->  8-18.00) tel +358 40 623 2626

Jos lagamus doaibmabáiki ii leat doaimmas, váldde aktavuođa Muoná gohccimii.

Teasta lea Covid-19 antigeanajođanisteasta. Positiivvalaš boađus sihkkarasttojuvvo  PCR čájánasain, mii váldojuvvo sierra.

Positiivvalaš boađus dárkuha dan, ahte olmmoš lea virusa guoddi ja njoammodávdaeiseváldi dahká dárbbaslaš mearrádusaid olbmo sirremis ja vejolaš karantenain.

Lassedieđuid:

Teemu Taulavuori
njoammodávddain ovddasvástideaddji doavttir
tel. +358 40 126 2845
teemu.taulavuori@lshp.fi