Lisätty 12.01.2022.

Koronaávžžuhusat ja -ráddjehusat, mat leat fámus Lappi buohccedikšunbiire guovllus

Beaiváduvvon: 12.1.2022

Jorgaluvvon veršuvnna beaivádeapmi soaitá ádjánit. Áigeguovdilis dieđuid gávnnat Suomagillii Lappi buohccedikšunbiire neahttasiidduin

Almmolaš rávvagat

Ale vuolgge buohccin almmolaš báikkiide. Jos dus láivves dávdamearkkat, mat čujuhit koronavirusii, de ohcal koronatestii (gosahat, čottabávččas, nuorvu, havssu ja máistima hehttehusat, luhčadávda). Geavat ámadadjosuoji go sirdašuvat testii ja biso ruovttus dassážii go oaččut teastabohtosa. Go oaččut positiiva bohtosa, dutnje addojuvvojit rávvagat divššu ja johtima várás.

Fuolat ain unnimustá 2 mehtera dorvogaskkain, giehta- ja gossanhygienas.

Luđe iežat telefovdnii Koronavilkku. Jos Koronavilkku almmuha vejolaš dávdaluvvamis, bargga Koronavilkku rávvagiid mielde.

Ávžžuhuvvo geavahit ámadadjosuoji buot almmolaš sissajiin ja fievrruin, main ii sáhte doalahit dorvogaskkaid.  Ávžžuhuvvo, ahte bargosajiin dat bargit, geat leat leamašan maŋimus 14 jándora áigge leamašan jođálmuvvan- dahje leavvanguovllus, geavahit ámadadjosuoji. Ávžžuhuvvo, ahte áššehasbálvalanbáikkiin geavahit ámadadjosujiid. Sosiála- ja dearvvašvuođafuolahuša áššehas- ja buohcciovttadagain buot bargit galget ain geavahit kirurgalaš ámadadjo-njunnesuoji, go sii dikšot áššehasaid ja buhcciid.
 

Almmolaš dilálašvuođat, geatnegasvuođat dilálašvuođa ordnejeaddjái + priváhtta dilálašvuođat

5.1.2022 Lappi guovlohálddahusdoaimmahat: Válgakampanjerema ferte lágidit, nu ahte dat lea dearvvašvuođa dáfus dorvvolaš.
Liŋka guovlohálddahusdoaimmahaga dieđáhussii: Guovloválggaid kampanjeremis ja jienastanbáikkiin galgá váldit vuhtii čoahkkananráddjehusaid ja lanjaid geavahanráddjehusaid
22.12. Lappi guovlohálddahusdoaimmahat gieldá guovllustis buot almmolaš dilálašvuođaid ja čoahkkimiid siste ja olgobáikkiin, maidda oassálastet badjel 20 olbmo. Lanjaid geavaheapmái leat eavttut, vai njoammunriska dustejuvvo. Plánat oidnosii ja hygieniija dárkilis geahču vuollái. Koronapássa geatnegahttin lea vejolaš viidát. Dát mearrádusat leat fámus 23.12.2021–22.1.2021 olles Lappi eanangotti guovllus.
Liŋka guovlohálddahusdoaimmahaga dieđáhussii:  Lappis almmolaš dilálašvuođaid ráddjehus viidu olles Lappi eanangotti guvlui – njoammuma riskka ferte duostut maiddái lanjaid geavaheamis
23.12. LBDB koronakoordinerenjoavku ávžžuha, ahte badjel 20 olbmo priváhtta dilálašvuođat eai ordnejuvvo.
1.10. Liŋka DBL ja OKM rávvagii: Ráva koronavirusnjoammumiid eastadeamis almmolaš dilálašvuođaid ja almmolaš čoahkkanemiid oktavuođas ja muhtin eará báikkiid geavaheamis
 

Biebmangávppit

11.1. Stáhtaráđi ásahus: Epidemiija leavvanmuttu guovlluin alkohola vuovdin buot restoráŋŋain nohká dii 17 ja restoráŋŋa oažžu leat rabas biebmandoaimma áššehasaide dii 05-18. Ráddjehus guoská maiddái restoráŋŋaid, mat eai merre alkoholajuhkamušaid (ee. kafeat ja johtilisborramušbáikkit). Biebmangávppiin, main alkohola vuovdin lea váldosuorgi, de, siste ja olgun lea geavahusas dušše bealli áššehasbáikkiin. Eará biebmangávppiin siste lea geavahusas dušše 75 % áššehasbáikkiin. Biebmangávppis buot áššehasain galgá leat iežas čohkkánsadji beavddi dahje dan sullasaš beavddi guoras. Dábálaš hygieniija- ja dorvogaskkaid doalahangeatnegasvuohta lea fámus buot epidemiija guovlluin. Restoráŋŋaid rabasáiggi guoski ráddjehus lea fámus 31.1.2022 rádjai. Koronapássa ii sáhte geavahit molssaeaktun ráddjehusaide 31.1.2022 rádjai. Mearriduvvon ráddjehusat eai guoskka bargiidrestoráŋŋaid eaige viežžanbiepmu vuovdima áššehasaide.
Liŋka stáhtaráđi dieđáhussii: Nuppástusat restoráŋŋaid rabasáiggiide ja koronapássa geavaheapmái
Liŋka Lappi GHD rávvagiidda: Restoráŋŋa ja koronavirus

Galledeamit buohcceviesus ja sosiála- ja dearvvašvuođafuolahusa ovttadagain

5.1.2022  Infekšuvnnaid duostunovttadaga ráva: Oapmahaččaid galledeamit Lappi buohccedikšunbiire sosiála- ja dearvvašvuođafuolahusa ovttadagain (guoská maiddái Lappi guovddášbuohcceviesu) eanaš gildojuvvojit čuovvovaš spiehkastagaid mielde. Buhcciid oapmahaččaid galledeamit LBDB buohcceviesuin ja eará LBDB ovttadagain leat gildojuvvon dás ovddos, vai bargiid njoammunriska unniduvvo.
Mearrádus ii guoskka mánáidossodagaid buhcciid ja riegádahttiid lagašolbmuid, jos sis eai leat dávdamearkkat. Riegádahttinossodagas dát lagašolbmot mearkkašit máná áhči dahje eará doarjjaolbmo. Mánáidossodagain lagašolmmoš mearkkaša guktuid vánhemiid dahje fuolaheddjiid. Fáhkkabuhcciid báikái oažžu boahtit dušše okta mieđušteaddji.
Sáhtašandivššu buohcci dahje muđui duođalaččat buohccán olbmo dáfus dávdamearkkahis oapmahaččaid galledeamit leat vejolaččat, daid birra sohppojuvvo sierra dainna ovttadagain, mii dikšu.
 

Mátkkošteapmi

28.12. Stáhtaráđi mearrádus:Sisráddjegohcin máhcahuvvo Suoma ja buot Schengen-riikkaid gaskasaš johtolahkii 28.12.2021-16.1.2022. rájes
Liŋka stáhtaráđi dieđáhussii: Sisráddjegohcin máhcahuvvo Suoma ja buot Schengen-riikkaid gaskasaš johtolahkii 28.12. rájes – seamma ráddjehusat gusket dál buohkaid, geat bohtet Supmii
20.12. Infekšuvnnaid dustenovttadat EU ja daid mátkkošteddjiid, geat bohtet Schengen-guovllu olggobealde, dohkkehuvvon riikii boahtima kritearat 21.12.2021 rájes .
The approved Entry Conditions to Finland for travelers arriving from outside the EU and Schengen area as of 21st December 2021
16.12. Stáhtaráđi mearrádusa mielde mátkkošteddjiin, geat bohtet EU ja Schengen-guovllu olggobealde ja geain leat unnimustá guokte boahku, geatnegahttojit vuollel 48 diimmu boares negatiiva Covid-19-teastaboađus ja dán lassin boahkuhanduođaštus. Mearrádus lea fámus 20.12.2021-16.1.2022.
Liŋka dieđáhussii: Mátkkošteddjiin, geat bohtet goalmmát riikkain ja geain leat unnimustá guokte boahku, geatnegahtto negatiiva koronateastaboađus 21.12 rájes
1.11. www.koronaturvallinenlappi.fi: Diehtu sidjiide geat bohtet Lappii olgoriikkain: Touirist Information
19.5. LBDB infekšuvnnaid dustenovttadat:  Ráva Covid-19-dorvvolaš ruovttueatnan mátkkošteamis Lappi buohccedikšunbiire guovllus
27.11. Geahča rávvagiid DHL siidduin: Mátkkošteapmi ja koronaviruspandemiija
28.12. Rádjegozáhuslágádus: Rávvagat ráji rasttildeami várás koronapandemiija áigge 28.12.2021-16.12.2022

Lášmmohallan-, valáštallan- ja eará joavkohápmásaš astoáiggeájit

10.1.2022 Lappi guovlohálddahusdoaimmahat ii dál árvvoštala addit mearrádusa, maid mielde sajiid fertelii giddet, daningo njoammudávdalága eavttut giddenmearrádusa addimii eai dieva. Guovlohálddahusdoaimmahat muittuha, ahte astoáiggedoaimmaid sajiid gusket ain njoammudávdalága 58 d paragráfa geatnegasvuođat, mat eastadit lagaškontávttaid njoammunriskka.
28.5. Liŋka DBL ja OKM rávvagii: Ráva koronavirusnjoammumiid eastadeamis mánáid ja nuoraid leairadoaimmas
21.5. LBDB koronakoordinerenjoavku:Lášmmohallan-, valáštallan- ja joavkohápmásaš astoáiggeájiid sáhttá lágidit, muhto ain seahtá muitit koronadorvvolašvuohtarávvagiid: doalahit dorvogaskka ja geavahit ámadadjosuoji, earret aitosaš valáštallamis.
 

Gáiddusbargu ja -čoahkkimat ja skuvlejumit

1.12. Infekšuvnnaid dustenovttadat Gáiddusbargoávžžuhus bargguin, main dat lea vejolaš.
 

Oahpahus- ja árrabajásgeassin

22.12. Liŋka DHL ja OKM ávžžuhussii: Dearvvašvuođa ja buresbirgejumi lágádusa ja oahpahus- ja kulturministeriija ávžžuhus oahpahusa ja árrabajásgeassima ordnejeddjiide koronavirusepidemiija áigge
28.5. Liŋka DBL ja OKM rávvagii: Ráva koronavirusnjoammumiid eastadeamis mánáid ja nuoraid leairadoaimmas
Buohccedikšunbiiriid guovllut čuvvot Dearvvašvuođa ja buresbirgenlágádusa ja oahpahus- ja kulturministeriija ávžžuhusa. 
 

Máná buohccán

Vuollel 12-jahkásaš mánáin, geain leat koronavirusinfekšuvdnii heivvolaš dávdamearkkat, váldet čájánasa čuovvovaš ládje:

  • sis, geat leat dávdaluvvan olbmui, geas lea duođaštuvvon koronavirusnjoammun
  • jos máná bearašlahtuin leat badjelaš 16-jahkásaččat, geat eai leat boahkuhuvvon guktii
  • máná infekšuvdnadávdamearkkat eaktudit testema kliinalaš árvvoštallama mielde

Jos leat dávdamearkkat, ii oaččo mannat mánáidgárdái dahje skuvlii.
 

Rávvagat koronai buohccán ja dasa dávdaluvvan olbmuide

Ráva olbmui, gii lea COVID-19 dávdaluvvama dihte karantenas 31.12.2021
Ráva olbmui, gii lea COVID-19 positiivavuođa dihte mearriduvvon erremii 26.1.2021
Ráva buohccái Covid-19 čájánasa váldima maŋŋel

Davvisámegiella, Ráva olbmui, gii lea COVID-19 dávdaluvvama dihte karantenas 9.2.2021
Davvisámegiella Ráva olbmui, gii lea COVID positiivavuođa dihte mearriduvvon erremii 26.1.2021
Davvisámegiella, Ráva buohccái Covid-19 čájánasa váldima maŋŋel17.4.2020

In English: Instructions for people ordered to quarantine due to a positive COVID-19 test result 26.1.2021
In English: Instructions for people ordered to quarantine due exposure to COVID-19 9.2.2021
In English: Instructions for patients after taking the COVID-19 test 19.10.2020


Beaiváduvvon 12.1.2022
Lappi buohccedikšunbiire/ Infekšuvnnaid eastadanovttadat